Tónlist

„Þegar við tókum síðan Í larí lei þá ætlaði allt um koll að keyra“

Dóra Júlía Agnarsdóttir skrifar
Stuðlabandið tók Söngvaborgarsmell Siggu Beinteins á Kótelettunni.
Stuðlabandið tók Söngvaborgarsmell Siggu Beinteins á Kótelettunni. Aðsend

Hljómsveitin Stuðlabandið var að senda frá sér myndband frá Kótelettunni 2022 þar sem þeir taka lagið Í larí lei, sem Sigga Beinteins gerði ódauðlegt árið 1998 og er að finna á plötu hennar Flikk Flakk. Nú 24 árum síðar er lagið að ná nýjum hæðum og virtust tónleikagestir hæstánægðir með þetta lagaval Stuðlabandsins, þar sem allir sungu hátt og snjallt með.

Má gera ráð fyrir því að margir gestir hátíðarinnar hafi alist upp við þetta lag og því er ekki að undra að lagið eigi pláss í danssenu Íslendinga í dag. Blaðamaður tók púlsinn á Fannari Frey gítarleikara Stuðlabandsins, sem sagði að stemningin á Kótelettunni hafi verið ótrúleg.

4000 manns hoppandi og syngjandi

„Þegar við gengum á sviðið þá fann maður strax að það var eitthvað í loftinu. Það voru þarna 4000 manns fyrir framan okkur og strax í fyrsta lagi varð allt brjálað. Það voru bókstaflega allir hoppandi og syngjandi með allan tímann. 

Þegar við tókum síðan Í larí lei þá ætlaði allt um koll að keyra,“ 

segir Fannar. 

Sjón er sögu ríkari en hér má sjá myndbandið:

Stórkostlegt sumar

Stuðlabandið hefur átt annasamt sumar og spilað víðs vegar um landið. Fannar segir að það sé ýmislegt spennandi á döfinni.

„Sumarið er búið að vera algjörlega stórkostlegt. Við erum búnir að vera að spila tvö til þrjú gigg í viku síðan að allt fór í gang aftur eftir Covid, vorum meðal annars á Lopapeysunni á Akranesi og svo á Eistnaflugi helgina eftir sem var algjörlega magnað.“

Bandið er núna á fullu að undirbúa sig fyrir Verslunarmannahelgina. „Þá helgi spilum við á Unglingalandsmóti á Selfossi, sveitaballi á Flúðum og klárum síðan helgina á Þjóðhátíð í Vestmannaeyjum þar sem Magnús Kjartan söngvari mun stýra brekkusöngnum og Stuðlabandið mun síðan leika fyrir dansi langt fram á nótt,“ segir Fannar að lokum. 


Tengdar fréttir

„Hún kann að halda mér niðri á jörðinni ef hausinn fer á eitthvað flug“

Magnús Kjartan Eyjólfsson, forsöngvari og gítarleikari Stuðlabandsins, sér um brekkusönginn í ár. Hann stóð vaktina í síðasta brekkusöng þar sem engir áhorfendur voru í dalnum en söng sig inn í hjörtu margra landsmanna á skjánum heima. Blaðamaður tók púlsinn á Magnúsi Kjartani, sem fór á sína fyrstu Þjóðhátíð fyrir rúmum tveimur áratugum.

Ung­linga­land­smót UMFÍ snýst um gleði og sam­veru

Unglingalandsmót UMFÍ fer fram á Selfossi 29. til 31. júlí. Skráning er í fullum gangi og stendur til mánudagsins 25. júlí. Ómar Bragi Stefánsson, framkvæmdastjóri móta UMFÍ, segir mótið langþráðan viðburð eftir tveggja ára hlé. Þar geti allir fundið eitthvað við sitt hæfi.

Halda orkustiginu í hæstu hæðum

Hljómsveitin Stuðlabandið er þaulvön að koma fram og halda uppi stemningu en Stuðlabandið hefur spilað á stærstu útihátíðum Íslands undanfarin ár.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.