Kennsla hefst á ný í Fossvogsskóla

Árni Sæberg skrifar 19. júlí 2022 07:44

Fossvogsskóla var fyrst lokað vorið 2019 vegna myglu sem fannst í húsnæði skólans. Vísir/Vilhelm

Nemendur og kennarar snúa aftur í Fossvoggskóla í haust eftir að hafa verið „á hrakhólum í fjögur ár.“

Í svari Reykjavíkurborgar við fyrirspurn Morgunblaðsins segir að kennsla hefjist í Fossvogsskóla í haust þrátt fyrir að einhverjum verklegum þáttum verði ekki lokið fyrir upphaf skólastarfs þann 22. ágúst.

Málefni Fossvogsskóla hafa mikið verið í deiglunni síðustu misserin vegna myglu í skólanum. Nemendur voru fyrst færðir úr skólanum í mars 2019 og síðast í mars í fyrra.

„Það eru eiginlega fjórir vetur sem börnin hafa verið meira og minna á hrakhólum. Börn sem luku fjórða bek í vor hafa aldrei verið í eðlilegu skólastarfi. Þetta hefur haft mjög neikvæð áhrif á skólagönguna og komið niður á líðan barnanna,“ hefur Morgunblaðið eftir Karli Óskari Þráinssyni, formanni foreldrafélags Fossvogsskóla.

Fyrst um sinn verður skólastarf í tveimur álmum Fossvogsskóla, Austur- og Vesturlandi, en ekki hefur verið tekin ákvörðun um afdrif Meginlands, þeirrar álmu sem verst er farin. Foreldrar hafa farið fram á það að Meginland verði rifið en borgin heldur í vonina um að nýta megi álmuna með verulegum breytingum.

Mygla í Fossvogsskóla Mygla Reykjavík Skóla - og menntamál Grunnskólar

Tengdar fréttir

Skólastjóri Fossvogsskóla hættir

Skólastjóri Fossvogsskóla er hættur störfum. Það kom fram í pósti sem Helgi Grímsson, sviðsstjóri skóla- og frístundasviðs Reykjavíkurborgar, sendi í dag. Starfsemi Fossvogsskóla hefur verið flutt annað vegna myglu- og rakaskemmda.

30. nóvember 2021 20:27

Segir starfsmenn hafa sinnt Fossvogsskólaverkefninu af fagmennsku og heilindum

Viðgerðirnar sem standa yfir á Fossvogsskóla eru flókið og ófyrirsjáanlegt verkefni og starfsfólk umhverfis- og skipulagssviðs Reykjavíkurborgar hafa unnið starf sitt af fagmennsku og heilindum.

14. október 2021 12:01

Allt skólahald færist í Fossvogsdalinn næsta haust

Skólastarf í Fossvogsskóla mun allt fara fram í Fossvogsdal frá og með næsta skólaári. Ráðist verður í umfangsmiklar framkvæmdir á húsnæði skólans til þess að komast fyrir mygluvandræði sem plagað hafa skólastarfið að undanförnu.

11. október 2021 18:18

Mánaðarleigan 1,2 milljónir króna

Reykjavíkurborg mun greiða 1,2 milljónir króna í leigu mánaðarlega fyrir húsnæði Hjálpræðishersins sem ætlað er að brúa bilið vegna kennslu fyrir yngstu nemendur Fossvogsskóla á meðan unnið er við uppsetningu bráðabirgðahúsnæðis á lóð skólans meðan viðgerðir fara fram á aðal húsnæði Fossvogsskóla.

30. ágúst 2021 08:29

Nemendur Fossvogsskóla byrja í húsnæði Hjálpræðishersins á mánudag

Yfirgnæfandi meirihluti foreldra og kennara sem tóku þátt í könnun borgarinnar um fyrirkomulag skólahalds í Fossvogsskóla vill að skólastarfið fari fram í húsnæði Hjálpræðishersins.

21. ágúst 2021 14:44

Víkingar ósáttir og skólaráð boðað til fundar

Skólaráð Fossvogsskóla hefur verið boðað til fundar í dag klukkan 17. Þar má búast við að húsnæðisvandi skólans verði til umræðu en eins og Vísir greindi frá eru foreldrar afar ósáttir með að yngsta stig skólans fái kennslu sína á neðstu hæð Víkingsheimilisins fram á miðjan september. Forsvarsmenn Víkings harma að hafa dregist inn í neikvæða umræðu í fjölmiðlum.

19. ágúst 2021 14:58

Tekur ekki í mál að kenna frammi á gangi

Kennari í þriðja bekk í Fossvogsskóla tekur það ekki í mál að kenna börnum frammi á gangi í tengibyggingu Víkingsheimilisins. Hún kveðst þó meira en tilbúin til að kenna í húsnæði Hjálpræðishersins, sem bauð Reykjavíkurborg afnot af byggingunni undir skólastarfið í dag, og er bjartsýn á næstu vikur.

20. ágúst 2021 20:44