Erlent

Íranir hyggjast sjá Rússum fyrir hundruðum sprengju­dróna

Gunnar Reynir Valþórsson skrifar
Íranir hyggjast leggjast á sveif með Rússum.
Íranir hyggjast leggjast á sveif með Rússum. epa/Abedin Taherkenareh

Íranir ætla að láta Rússum í té mörghundruð drónasprengjuvélar sem nota á í stríðinu í Úkraínu. 

Þetta fullyrðir Jake Sullivan, öryggisráðgjafi Bandaríkjaforseta. Hann segir þetta benda ótvírætt til þess að Rússum sé farið að vanta vopn eftir linnulausar sprengjuárásir í Úkraínu undanfarna mánuði.

Bandaríkjamenn segjast ennfremur hafa upplýsingar um að Íranir ætli að þjálfa rússneska hermenn í notkun drónanna og að sú þjálfun sé í þann mund að hefjast. 

Óljóst er þó hvort Rússar hafi fengið eitthvað af írönsku drónunum nú þegar en slíkir drónar hafa mikið verið notaðir af Houthi hersveitunum í Jemen til að gera árásir á Sádí Arabíu. 

Drónar hafa nú þegar mikið verið notaðir í Úkraínustríðinu, af báðum fylkingum og sérstaklega hafa tyrkneskir drónar komið sér vel fyrir Úkraínumenn í baráttunni við innrásarliðið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×