Rúmlega 228 þúsund manns eru skráð í þjóðkirkjuna og er hlutfall skráðra 59,9 prósent. Mun það vera í fyrsta sinn sem hlutfall skráðra fer undir 60 prósent.
Þetta kemur fram í tilkynningu á vef Þjóðskrár. Skráðum í Þjóðkirkjuna hefur fækkað um 968 síðan 1. desember 2021.
Næst fjölmennasta trúfélag landsins er Kaþólska kirkjan með 14.709 skráða meðlimi og hefur þeim fækkað um 28 á áðurnefndu tímabili eða um 0,2 prósent.
Frá 1. desember sl. hefur fjölgað mest í Siðmennt eða um 289 meðlimi, sem er 6,3 prósentu fjölgun. Mest hlutfallsleg fjölgun var í ICCI trúfélagi um 30,7 prósent en nú eru 328 meðlimir skráðir í félaginu.
Alls voru 29.620 einstaklingar skráðir utan trú- og lífsskoðunarfélaga eða 7,8 prósent landsmanna.
Samkvæmt nýjustu tölum Þjóðskrár fækkaði meðlimum Þjóðkirkjunnar um 75 á tímabilinu 1. desember 2020 - 1. júlí 2021. Ásatrúarfélagið bætti við sig flestum meðlimum.
Frá byrjun desember hefur fjölgun meðlima í trúfélögum verið mest hjá Siðmennt, en þar hefur fjölgað um 649 meðlimi eða 16,1 prósent.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
