Bank of America: Ford og GM munu taka fram úr Tesla

Kristinn Ásgeir Gylfason skrifar 2. júlí 2022 07:01

Car Wars rannsóknin sem kom út nýlega spáir fyrir um að General Motors og Ford muni taka fram úr Tesla í þegar kemur að markaðshlutdeild á rafbílamarkaði. Spálíkön gera ráð fyrir að GM og Ford muni hvort um sig öðlast um 15% markaðshlutdeild á meðan Tesla muni hrapa frá 70% niður í 11% á árinu 2025.

Samkvæmt höfundi rannsóknarinnar, John Murphy, yfirgreinandi bílaiðnaðarins hjá Bank of Amreica Merrill Lynch, munu risarnir tveir frá Detroit taka fram úr Tesla um miðjan áratug. Þeir muni auka markaðshlutdeild sína um sem nemur 10% hvor um sig. Aukningin er að sögn greinanda einkum vegna Ford F-150 Lightning og Silverado EV pallbílanna.

Tesla Model 3 og regnbogi.Vilhelm Gunnarsson

„Ríkjandi staðan sem Tesla hefur notið á rafbílamarkaði, sérstaklega í Bandaríkjunum er liðin undir lok. Miklar vendingar eru væntanlegar í öfuga átt á næstu fjórum árum,“ John Murphy.

Murphy telur að Tesla missi megnið af markaðshlutdeild sinni vegna þess að framleiðandinn er ekki að auka framboð sitt nægjanlega hratt. Sérstaklega ekki í ljósi þess að rótgrónir framleiðendur eru að koma á rafbílamarkaðinn af meiri þunga með breiðara vöruúrval.

Framkvæmdastjórar hjá Ford og GM hafa sagst ætla að ná toppsætinu af Tesla á þessum áratug. Ford reiknar með að smíða tvær milljónir rafbíla fyrir árið 2026. GM reiknar með að geta smíðað meira en tvær milljónir bíla í Norður-Ameríku og Kína samanlagt á árinu 2025.

Önnur niðurstaða rannsóknarinnar var sú að 60% allra nýskráninga árið 2026 verði tvinnbílar eða hreinir rafbílar.

Vistvænir bílar

Tengdar fréttir

Myndband: Ford F-150 Lightning undirvagninn til sýnis

Ford F-150 Lightning er hreinn raf-pallbíll frá Ford. Nú hefur Ford sýnt undirvagn og rafhlöður bílsins. F-150 Lightning er framlag Ford í kapphlaupið um fyrsta raf-pallbílinn.

31. ágúst 2021 07:00

Ford mun frumsýna F-150 Lightning í maí

Ford hefur tilkynnt að rafdrifinn F-150 þann 19. maí. Bíllinn mun bera nafnið F-150 Lightning (Elding) eins og orðrómurinn hafði verið á kreiki um. Það vísar til sport-pallbíls sem var framleiddur árið 1993.

14. maí 2021 07:01

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.