Sport

Świątek jafnaði 25 ára gamalt met

Runólfur Trausti Þórhallsson skrifar
Hefur nú unnið 37 leiki í röð.
Hefur nú unnið 37 leiki í röð. Clive Brunskill/Getty Images

Tenniskonan Iga Świątek er vægast sagt að spila vel um þessar mundir. Hún lagði Lesley Pattinama Kerkhove í annarri umferð á Wimbledon-mótinu sem nú fer fram í Lundúnum. Hefur hún nú unnið síðustu 37 viðureignir sínar á tennisvellinum.

Hin 21 árs gamla Świątek hefur unnið síðustu sex mót sem hún hefur tekið þátt í og stefnir á að gera slíkt hið sama á Wimbledon. 

Hún átti erfitt uppdráttar í leik dagsins en vann þó fyrsta settið 6-4. Kerkhove kom hins vegar til baka í öðru setti og jafnaði metin og því þurfti þriðja settið til að útkljá hvor færi áfram. 

Þar var sigur Świątek aldrei í hættu, hún vann settið 6-3 og leikinn 2-1. Hennar 37. sigur í röð staðreynd sem og sæti í þriðju umferð á Wimbledon.

Með sigrinum jafnaði hún met sem Martina Hingis setti árið 1997.  Świątek getur gert gott betur og bætt metið fari hún lengra á Wimbledon í ár.


Tengdar fréttir




Fleiri fréttir

Sjá meira


×