Íslenski boltinn

HK á­fram með fullt hús stiga á meðan Fylkir er án stiga

Runólfur Trausti Þórhallsson skrifar
HK er með fullt hús stiga eftir fimm umferðir í Lengjudeild kvenna í fótbolta.
HK er með fullt hús stiga eftir fimm umferðir í Lengjudeild kvenna í fótbolta. HK Fótbolti

Tveir leikir fóru fram í Lengjudeild kvenna í fótbolta í dag. HK vann 3-0 útisigur á Haukum á meðan Fjarðabyggð/Höttur/Leiknir F. vann 2-1 heimasigur á Fylki.

Gabriella Lindsay Coleman kom HK yfir og hin unga Katrín Rósa Egilsdóttir tvöfaldaði forystuna í síðari hálfleik. Coleman kláraði svo dæmið áður en leiktíminn rann út, lokatölur 3-0 HK í vil.

HK er sem fyrr á toppi deildarinnar með 15 stig að loknum fimm leikjum. Haukar sitja í 8. sæti með aðeins þrjú stig eftir fimm leiki.

Fyrir Austan kom Ainhoa Plaza Porcel heimakonum í F/H/L yfir um miðbik fyrri hálfleiks en Hulda Hrund Arnarsdóttir jafnaði metin fyrir lok fyrri hálfleiks. Staðan 1-1 í hálfleik en Ainhoa Porcel steig upp og skoraði sigurmark heimaliðsins á 83. mínútu.

F/H/L er í 4. sæti með 10 stig á meðan Fylkir situr á botninum án stiga.

Fótbolti Íslenski boltinn Lengjudeild kvenna HK Fylkir

Mest lesið


Fleiri fréttir

Sjá meira


×

Mest lesið