Sport

Dagskráin í dag: Úrslitaeinvígið um Íslandsmeistaratitilinn í handbolta hefst

Atli Arason skrifar
Arnór Viðarsson skoraði fimm mörk í síðasta leik ÍBV í undanúrslitum, gegn Haukum.
Arnór Viðarsson skoraði fimm mörk í síðasta leik ÍBV í undanúrslitum, gegn Haukum.

Úrslitaeinvígið í handbolta, Besta-deildin í fótbolta, rafíþróttir og PGA mótaröðin í golfi eru á meðal tíu viðburða í beinni útsendingu á sport stöðvum Stöðvar 2 í dag.

Stöð 2 Sport

Klukkan 18.50 hefur Seinni bylgjan göngu sína og mun hita upp fyrir fyrsta leik í úrslitaeinvígi um Íslandsmeistaratitilinn í Olís-deild karla í handbolta á milli Vals og ÍBV.

Leikurinn sjálfur hefst svo klukkan 19.25 og strax í kjölfar leiksins, klukkan 21.00, mun Seinni bylgjan mæta aftur til að gera upp þennan fyrsta leik úrslitanna.

Stöð 2 Sport 4

Selfoss tekur á móti Keflavík í fimmtu umferð í Bestu-deild kvenna og hefst útsendingin klukkan 19.05.

Strax eftir leik mun Helena Ólafs og sérfræðingar í Bestu mörkunum gera upp alla fimmtu umferðina, klukkan 21.15.

Stöð 2 Sport BD

Leikur Vals og KR í Bestu-deild kvenna hefst klukkan 17.10 í beinni netútsendingu

Frestaður leikur Breiðabliks og ÍBV frá því í gær er einnig í beinni netútsendingu og hefst sú viðureign klukkan 17.55.

Stöð 2 Golf

PGA Championship er í beinni útsendingu frá 18.00.

Stöð 2 eSport

Klukkan 15.00 mun íslenska landsliðið mæta því tékkenska í eFótbolta.

Marín Eydal, betur þekkt sem Gameveran, streymir í beinni frá klukkan 21.00.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.