Innlent

Næst­stærsti sigur lista á landinu var í Blá­skóga­byggð

Atli Ísleifsson skrifar
Frá Laugarvatni í Bláskógabyggð.
Frá Laugarvatni í Bláskógabyggð. Vísir/Vilhelm

T-listinn vann sigur í kosningum til sveitarstjórnar í Bláskógabyggð á laugardaginn og tryggði sér fimm fulltrúa af sjö í sveitarstjórn. Þ-listinn náði inn tveimur mönnum.

Helgi Kjartansson, oddviti T-listans, var að vonum ánægður með niðurstöðuna þegar fréttastofa náði tali af honum, en listinn vann einnig mikinn sigur í kosningunum fyrir fjórum árum.

Helgi segir T-listann hafa gefið út fyrir kosningar að stefnt yrði að því að Ásta Stefánsdóttir myndi áfram gegna embætti sveitarstjóra, myndi listinn vinna sigur. Hann segist vona að hægt verði að ganga frá ráðningu á næstu dögum.

Sigur T-listans í Bláskógabyggð var næststærsti sigur lista á landinu, en listinn tryggði sér um 68 prósent atkvæða. Einungis í Skaftárhreppi var sigur Ö-lista stærri, þar sem hann hlaut um 69 prósent atkvæða.

Úrslit sveitarstjórnarkosninga í Bláskógabyggð:

  • Á kjörskrá voru 794. Atkvæði greiddu 576 eða 72,5 %
  • 19 atkvæði voru auð eða ógild.
  • T- listi hlaut 391 atkvæði og 5 fulltrúa kjörna.
  • Þ- listi hlaut 166 atkvæði og 2 fulltrúa kjörna.

Eftirtalin náðu kjöri frá T lista:

  • Helgi Kjartansson Dalbraut 2 Reykholti
  • Stefanía Hákonardóttir Laugardalshólum
  • Sveinn Sveinbjörnsson Heiðarbæ
  • Guðrún Magnúsdóttir Bræðratungu
  • Guðni Sighvatsson Hrísholti 10 Laugarvatni

Frá Þ lista náðu kjöri:

  • Anna Greta Ólafsdóttir Bæjarholti 11 Laugarási
  • Jón Forni Snæbjörnsson Torfholti 2 Laugarvatni


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.