Kom að ótrúlegum flótta liðskonu Pussy Riot Tryggvi Páll Tryggvason skrifar 11. maí 2022 09:14 Ragnar Kjartansson listamaður virðist hafa aðstoðað liðsmann Pussy Riot við að komast yfir til Litháens. John Parra/WireImage fyrir MOCA) Svo virðist sem að listamaðurinn Ragnar Kjartansson hafi leikið lykilhlutverk í ótrúlegum flótta Maríu Alyokhinu, liðsmanni Pussy Riot, á flótta hennar frá Rússlandi á dögunum. Er hann sagður hafa sannfært ónefnt ríki í Evrópu um að útvega henni vegabréf sem gerði henni kleift að komast yfir til Litháens frá Hvíta-Rússlandi. Fjallað er um ótrúlegan flótta Alyokhinu á vef New York Times, þar sem varpað er ljósi á þátt Ragnars í flóttanum. Alyokhina og aðrir meðlimir hljómsveitarinnar Pussy Riot hafa á undanförnum árum verið gagnrýnin á yfirvöld í Rússlandi. Hún var, ásamt tveimur öðrum meðlimum hljómsveitarinnar, dæmd í tveggja ára fangelsi árið 2012 fyrir skrílslæti fyrir utan kirkju í Moskvu. Meðlimir Pussy Riot á blaðamannafundi árið 2014. María Alyokhina er hér fyrir miðju.Ryan Pierse/Getty Images) Alyokhina og aðrir meðlimir Pussy Riot hafa staðið fyrir mótmælum undanfarin ár. Frá því sumar hefur Alyohkina verið dæmd sex sinnum í fimmtán daga fangelsi. Í apríl fékk hún hins vegar þau skilaboð að breyta ætti fimmtán daga fangelsi hennar í þriggja vikna dvöl í refsinýlendu. Í frétt Times kemur fram að þá hafi hún ákveðið að tími væri kominn til að yfirgefa Rússland. Flótti hennar virðist hafa verið reifarakenndur. Dulbjó sig sem matarsendil Dulbjó hún sig sem matarsendil til þess að komast framhjá lögreglumönnum sem voru að fylgjast með heimili vinkonu hennar, þar sem hún dvaldist. Vinur hennar keyrði hana til Hvíta-Rússlands. Tók það Alyokhinu um eina viku að komast til Litháens. Maria Alyokhina, hér fyrir miðju neðarlega á myndinni, var handtekin árið 2014 vegna mótmæla í Moskvu.Sefa Karacan/Anadolu Agency/Getty Images) Það gekk hins vegar brösuglega að komast yfir landamæri Hvíta-Rússlands til Litháen. Hún var vopnuð litháenskri vegabréfsáritun sem hún ætlaði að nota með rússneskum skilríkjum sínum til að komast yfir landamærin, þar sem rússnesk yfirvöld höfðu gert vegabréf hennar upptækt. Í frétt Times segir einnig að hún hafi verið sett á lista rússneskra yfirvalda yfir eftirlýsta einstaklinga. Útvegaði henni lykilskjal Alls reyndi hún þrisvar að komast yfir landamærin til Litháen. Í fyrstu tilraun var hún stöðvuð af landamæravörðum og haldið í sex tíma áður en henni var sleppt. Í annarri tilraun var henni einfaldlega vísað frá landamærunum. Þriðja tilraunin gekk hins vegar öllu betur, og virðist listamaðurinn Ragnar Kjartansson hafa leikið lykilhlutverk þar. Er hann sagður hafa útvegað henni ferðaskjal (e. travel document) sem gaf henni sömu stöðu og borgurum í Evrópusambandsríki. Þetta á hann að hafa gert með því að sannfæra embættismenn í ónefndu Evrópuríki um að gefa út þetta tiltekna ferðaskjal. Ragnar Kjartansson, listamaður.Bernd Weissbrod/picture alliance via Getty Images) Í frétt Times kemur fram að embættismenn ríkisins hafi óskað eftir því að nafn ríkisins kæmi ekki fram í umfjölluninni, og er það hvergi nefnt á nafn í frétt Times. Komst til Litháens í þriðju tilraun þökk sé skjalinu Skjalinu var smyglað inn í Hvíta-Rússland í hendur Alyokhinu. Segist hún hafa forðast það að bóka sig inn á hótel þar sem hún þyrfti að framvísa skilríkjum, svo enginn myndi bera kennsl á hana. Að lokum fór hún upp í rútu á leið til Litháens, með nýju skjölin í höndunum. Komst hún alla leið til Litháens og í frétt Times nefnir hún að landamæraverðirnir hafi komið mun betur fram við sig í þriðja skiptið þar sem þeir hafi talið að hún væri evrópsk, frekar en rússnesk. „Miklir töfrar áttu sér stað í síðustu viku,“ segir hún í frétt Times. „Þetta hljómar eins og njósnaskáldsöga.“ Fram kom í frétt RÚV á dögunum að meðlimir Pussy Riot væru staddir hér á landi til þess að undirbía tónleikaferðalag sitt um Evrópu. Þar kom fram að Ragnar væri hópnum innan handar hér á landi. Í frétt New York Times má sjá myndir af Alyokhinu hér á landi, meðal annars á vinnustofu Ragnars. Frétt New York Times má lesa hér. Andóf Pussy Riot Rússland Menning Íslendingar erlendis Innrás Rússa í Úkraínu Mest lesið „Það er erfitt að setja sig í hermannagalla í litlu sveitarfélagi” Innlent Gekk fram á dauða seli: „Svona á enginn að gera“ Innlent Svona gæti Sundabraut litið út: Brú eða göng meðal valkosta Innlent Segir Fallon og Meyers næsta: „Gerið þetta NBC!!!“ Erlent Munu leggja fram vísindalegar sannanir fyrir því að Brigitte sé líffræðilega kona Erlent Ráðast á fangaverði og skvetta á þá ýmsum líkamsvessum Innlent „Ævintýralegur ávinningur“ og ráðherra segir auðvelt að sækja um Innlent Eltihrellir sat fyrir lögregluþjónum og skaut þrjá til bana Erlent Vilja að átján ára fái að kaupa áfengi Innlent Hafnar kröfu um ógildingu ákvörðunar Skipulagsstofnunar Innlent Fleiri fréttir Hafnir landsins þurfa hátt í hundrað milljarða næstu fimmtán árin Harma áform stjórnvalda sem heimila hækkun gjalda Innan við helmingur segist trúaður Guðjón Ragnar skipaður skólameistari „Ég er bara eins og ég er og tala bara eins og ég tala“ Inga á móti neitunarvaldi sveitarfélaga „Ævintýralegur ávinningur“ og ráðherra segir auðvelt að sækja um Kjósa um sameiningu sveitarfélaganna í lok nóvember og desember Gísli Marteinn „alls ekki“ á leið í framboð Vilja að átján ára fái að kaupa áfengi Ráðherra boðar stórtækar breytingar og Viðskiptaráð vill finna olíu Hafnar kröfu um ógildingu ákvörðunar Skipulagsstofnunar Svona gæti Sundabraut litið út: Brú eða göng meðal valkosta Stefnir í að forystan verði óbreytt Gekk fram á dauða seli: „Svona á enginn að gera“ Vilja byggja nýtt geðsvið við hlið Landspítalans í Fossvogi Íbúar þurfa ekki lengur að sjóða neysluvatn Ráðast á fangaverði og skvetta á þá ýmsum líkamsvessum „Það er erfitt að setja sig í hermannagalla í litlu sveitarfélagi” Helmingur nýrra íbúða óseldur í yfir 200 daga Ógnaði öðrum með skærum 3,6 stiga skjálfti mældist í Vatnajökli Sumarfríið allt of langt fyrir þau börn sem einangra sig félagslega Segja áform ráðherra grafa undan þjónustu Óttast að áætlanir ráðherra muni fækka leigubílstjórum Ekki eigi að stjórna borginni út frá „pólitískri kreddu“ Eiga eftir að ráða tólf starfsmenn svo hægt sé að opna allar deildir Skorast ekki undan ábyrgð vilji flokksmenn nýjan oddvita Nýburar fæðast í nikótínfráhvörfum Skipulagsbreytingar á framhaldsskólastigi í vændum Sjá meira
Fjallað er um ótrúlegan flótta Alyokhinu á vef New York Times, þar sem varpað er ljósi á þátt Ragnars í flóttanum. Alyokhina og aðrir meðlimir hljómsveitarinnar Pussy Riot hafa á undanförnum árum verið gagnrýnin á yfirvöld í Rússlandi. Hún var, ásamt tveimur öðrum meðlimum hljómsveitarinnar, dæmd í tveggja ára fangelsi árið 2012 fyrir skrílslæti fyrir utan kirkju í Moskvu. Meðlimir Pussy Riot á blaðamannafundi árið 2014. María Alyokhina er hér fyrir miðju.Ryan Pierse/Getty Images) Alyokhina og aðrir meðlimir Pussy Riot hafa staðið fyrir mótmælum undanfarin ár. Frá því sumar hefur Alyohkina verið dæmd sex sinnum í fimmtán daga fangelsi. Í apríl fékk hún hins vegar þau skilaboð að breyta ætti fimmtán daga fangelsi hennar í þriggja vikna dvöl í refsinýlendu. Í frétt Times kemur fram að þá hafi hún ákveðið að tími væri kominn til að yfirgefa Rússland. Flótti hennar virðist hafa verið reifarakenndur. Dulbjó sig sem matarsendil Dulbjó hún sig sem matarsendil til þess að komast framhjá lögreglumönnum sem voru að fylgjast með heimili vinkonu hennar, þar sem hún dvaldist. Vinur hennar keyrði hana til Hvíta-Rússlands. Tók það Alyokhinu um eina viku að komast til Litháens. Maria Alyokhina, hér fyrir miðju neðarlega á myndinni, var handtekin árið 2014 vegna mótmæla í Moskvu.Sefa Karacan/Anadolu Agency/Getty Images) Það gekk hins vegar brösuglega að komast yfir landamæri Hvíta-Rússlands til Litháen. Hún var vopnuð litháenskri vegabréfsáritun sem hún ætlaði að nota með rússneskum skilríkjum sínum til að komast yfir landamærin, þar sem rússnesk yfirvöld höfðu gert vegabréf hennar upptækt. Í frétt Times segir einnig að hún hafi verið sett á lista rússneskra yfirvalda yfir eftirlýsta einstaklinga. Útvegaði henni lykilskjal Alls reyndi hún þrisvar að komast yfir landamærin til Litháen. Í fyrstu tilraun var hún stöðvuð af landamæravörðum og haldið í sex tíma áður en henni var sleppt. Í annarri tilraun var henni einfaldlega vísað frá landamærunum. Þriðja tilraunin gekk hins vegar öllu betur, og virðist listamaðurinn Ragnar Kjartansson hafa leikið lykilhlutverk þar. Er hann sagður hafa útvegað henni ferðaskjal (e. travel document) sem gaf henni sömu stöðu og borgurum í Evrópusambandsríki. Þetta á hann að hafa gert með því að sannfæra embættismenn í ónefndu Evrópuríki um að gefa út þetta tiltekna ferðaskjal. Ragnar Kjartansson, listamaður.Bernd Weissbrod/picture alliance via Getty Images) Í frétt Times kemur fram að embættismenn ríkisins hafi óskað eftir því að nafn ríkisins kæmi ekki fram í umfjölluninni, og er það hvergi nefnt á nafn í frétt Times. Komst til Litháens í þriðju tilraun þökk sé skjalinu Skjalinu var smyglað inn í Hvíta-Rússland í hendur Alyokhinu. Segist hún hafa forðast það að bóka sig inn á hótel þar sem hún þyrfti að framvísa skilríkjum, svo enginn myndi bera kennsl á hana. Að lokum fór hún upp í rútu á leið til Litháens, með nýju skjölin í höndunum. Komst hún alla leið til Litháens og í frétt Times nefnir hún að landamæraverðirnir hafi komið mun betur fram við sig í þriðja skiptið þar sem þeir hafi talið að hún væri evrópsk, frekar en rússnesk. „Miklir töfrar áttu sér stað í síðustu viku,“ segir hún í frétt Times. „Þetta hljómar eins og njósnaskáldsöga.“ Fram kom í frétt RÚV á dögunum að meðlimir Pussy Riot væru staddir hér á landi til þess að undirbía tónleikaferðalag sitt um Evrópu. Þar kom fram að Ragnar væri hópnum innan handar hér á landi. Í frétt New York Times má sjá myndir af Alyokhinu hér á landi, meðal annars á vinnustofu Ragnars. Frétt New York Times má lesa hér.
Andóf Pussy Riot Rússland Menning Íslendingar erlendis Innrás Rússa í Úkraínu Mest lesið „Það er erfitt að setja sig í hermannagalla í litlu sveitarfélagi” Innlent Gekk fram á dauða seli: „Svona á enginn að gera“ Innlent Svona gæti Sundabraut litið út: Brú eða göng meðal valkosta Innlent Segir Fallon og Meyers næsta: „Gerið þetta NBC!!!“ Erlent Munu leggja fram vísindalegar sannanir fyrir því að Brigitte sé líffræðilega kona Erlent Ráðast á fangaverði og skvetta á þá ýmsum líkamsvessum Innlent „Ævintýralegur ávinningur“ og ráðherra segir auðvelt að sækja um Innlent Eltihrellir sat fyrir lögregluþjónum og skaut þrjá til bana Erlent Vilja að átján ára fái að kaupa áfengi Innlent Hafnar kröfu um ógildingu ákvörðunar Skipulagsstofnunar Innlent Fleiri fréttir Hafnir landsins þurfa hátt í hundrað milljarða næstu fimmtán árin Harma áform stjórnvalda sem heimila hækkun gjalda Innan við helmingur segist trúaður Guðjón Ragnar skipaður skólameistari „Ég er bara eins og ég er og tala bara eins og ég tala“ Inga á móti neitunarvaldi sveitarfélaga „Ævintýralegur ávinningur“ og ráðherra segir auðvelt að sækja um Kjósa um sameiningu sveitarfélaganna í lok nóvember og desember Gísli Marteinn „alls ekki“ á leið í framboð Vilja að átján ára fái að kaupa áfengi Ráðherra boðar stórtækar breytingar og Viðskiptaráð vill finna olíu Hafnar kröfu um ógildingu ákvörðunar Skipulagsstofnunar Svona gæti Sundabraut litið út: Brú eða göng meðal valkosta Stefnir í að forystan verði óbreytt Gekk fram á dauða seli: „Svona á enginn að gera“ Vilja byggja nýtt geðsvið við hlið Landspítalans í Fossvogi Íbúar þurfa ekki lengur að sjóða neysluvatn Ráðast á fangaverði og skvetta á þá ýmsum líkamsvessum „Það er erfitt að setja sig í hermannagalla í litlu sveitarfélagi” Helmingur nýrra íbúða óseldur í yfir 200 daga Ógnaði öðrum með skærum 3,6 stiga skjálfti mældist í Vatnajökli Sumarfríið allt of langt fyrir þau börn sem einangra sig félagslega Segja áform ráðherra grafa undan þjónustu Óttast að áætlanir ráðherra muni fækka leigubílstjórum Ekki eigi að stjórna borginni út frá „pólitískri kreddu“ Eiga eftir að ráða tólf starfsmenn svo hægt sé að opna allar deildir Skorast ekki undan ábyrgð vilji flokksmenn nýjan oddvita Nýburar fæðast í nikótínfráhvörfum Skipulagsbreytingar á framhaldsskólastigi í vændum Sjá meira