Þórður Snær segist ekki lengur geta setið undir óhróðri Páls Jakob Bjarnar skrifar 9. maí 2022 12:24 Þórður Snær segist ekki hafa viljað gefa Páli og ranghugmyndum hans vægi en eftir að meginstraumsmiðlar fóru að gefa kenningum hans gaum hljóti hann að bregðast við. aðsend/fjölbraut í Garðabæ Þórður Snær Júlíusson ritstjóri Kjarnans og Arnar Þór Ingólfsson ætla að stefna Páli Vilhjálmssyni bloggara og framhaldsskólakennara fyrir meiðyrði. Páll greinir sjálfur frá þessu í bloggpistli sem birtist í morgun þar sem hann segist ekki geta beðist afsökunar á ummælum sínum um þá Þórð og Arnar, því þau séu sannleikanum samkvæmt. Ummælin sem um ræðir eru eftirfarandi: „Arnar Þór Ingólfsson og Þórður Snær Júlíusson, blaðamenn á Kjarnanum, […] eiga aðild, beina eða óbeina, að byrlun Páls skipstjóra Steingrímssonar og stuldi á síma hans.“ Páll segir að þetta sé óumdeilanlegt, þeir hljóti að vera aðilar því þeir séu sakborningar í rannsókn Páleyjar Borgþórsdóttur lögreglustjóra á Norðurlandi eystra í máli sem vakið hefur nokkra athygli og snýst um fréttaflutning af hinni svokölluðu Skæruliðadeild Samherja og svo því að eitrað hafi verið fyrir Páli Steingrímssyni skipstjóra hjá Samherja og stuldi á síma hans. „Glæpir voru framdir og blaðamenn eru sakborningar. Það er enginn hugarburður heldur grjótharðar staðreyndir,“ segir Páll sem telur blaðamenn litla vini tjáningarfrelsisins og að líklegur kostnaður fyrir sig sé 1 til 1,5 milljón króna. En, eins og Páll orðar það; illa sé fyrir manni komið sem fargar sannleikanum. Staðhæfing sem á sér enga stoð Þórður Snær telur hér ekki standa stein yfir steini, í samtali við Vísi. Hann hefur látið eitt og annað yfir sig ganga úr þessari áttinni en nú sé komið gott „Frá 10. nóvember 2021 hefur Páll Vilhjálmsson skrifað linnulaust á bloggsíðu sína um samsæriskenningu sem snýr meðal annars að okkur Arnari. Ég hef látið þetta yfir mig ganga vegna þess að ég vil ekki gefa Páli Vilhjálmssyni og ranghugmyndum hans vægi.“ En viðtöl við Pál í meginstraumsfjölmiðlum breyttu þeirri stöðu, að sögn Þórðar Snæs. „Þar sem látið er eins og að samsæriskenningar hans séu raunveruleiki. Það breytti þeirri skoðun minni. Þar fékk málflutningur hans yfirbragð eðlilegrar þjóðmálaumræðu. Þar vísa ég sérstaklega í Dagmál á mbl.is þann 15. nóvember 2021 þar sem Páll fékk að rekja kenningar sínar óáreittur í fjóra og hálfa mínútu, og viðtals í einum vinsælasta morgunþætti í íslensku útvarpi, Bítinu á Bylgjunni, þann 16. febrúar 2022, þar sem hann rakti kenningu sína í löngu máli. Viðtalið er rúmlega 16 mínútna langt.“ Ummælin sem um ræðir segir Þórður Snær þess eðlis að ekki sé hægt að sitja undir slíku, svo alvarleg eru þau. „Staðhæfing um staðreynd þess efnis að við höfum framið alvarleg hegningarlagabrot. Staðhæfingin á sér enga stoð í raunveruleikanum og engar grunsemdir eru um að við höfum framið slík brot.“ Blaðamenn verða að geta varið sig Þórður Snær segir að Páli hafi verið gefinn kostur á að viðurkenna að ummælin væru röng og biðjast afsökunar á þeim án þess að hann yrði fyrir nokkrum kostnaði með kröfubréfi dagsettu 19. apríl. „Þar var honum einnig gerð grein fyrir því að ef hann yrði ekki við þeim kröfum yrði höfðað dómsmál á hendur honum til ómerkingar á ummælunum þar sem ítrustu kröfur yrðu gerðar á hendur honum. Þegar Páll óskaði eftir viðbótarfresti til að ráðfæra sig við lögmann var hann góðfúslega veittur. Sá frestur rann út í dag. Páll birti niðurstöðu sína á bloggsíðu sinni í gærmorgun. Hann ætlar ekki að draga hin röngu ummæli til baka né biðjast afsökunar á þeim.“ En skýtur það ekki skökku við að blaðamenn, sem samkvæmt siðareglum ber að taka sér varðstöðu um tjáningarfrelsið, séu að fara í meiðyrðamál? „Blaðamenn verða að geta varið sig, og trúverðugleika sinn, þegar á þá eru bornar ótrúlegar ásakanir sem eiga sér enga stoð í raunveruleikanum. Það á ekki að vera eðlilegur fylgifiskur starfsins að sætta sig við að vera ásakakur um hegningarlagabrot sem engin fótur er fyrir. Í málfrelsinu felst enda ekki frelsi til að segja hvað sem er um hvern sem er hvar sem er. Þess vegna munum við stefna Páli.“ Samherjaskjölin Lögreglumál Fjölmiðlar Dómsmál Tjáningarfrelsi Samfélagsmiðlar Mest lesið Pilturinn muni líklega afplána þriðjung átta ára dóms fyrir manndráp Innlent Mun sjá eftir árásinni alla ævi Innlent Skrifa nú undir samninginn sem féll af borðinu eftir hitafundinn Erlent Gefur lítið fyrir tal um fyrningu Innlent Brot á trausti gagnvart félögum Lúðvíks sem vilji hjálpa Innlent Hornafjörður gæti bjargað flugi Icelandair á Ísafjörð Innlent Ofsakláði grípur Spaugstofumenn Innlent Hætta framleiðslu innanhúss og segja upp fólki Innlent Gætti trúnaðar eftir að erindi tengdamömmunnar barst Innlent Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent Fleiri fréttir Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Mál Ásthildar Lóu krufið fyrir opnum tjöldum Vill að þingflokkar vinni saman að því að stytta frí þingmanna Mikilvægt að vita hvar og hvernig réttar upplýsingar fást í krísuástandi Málið áfall fyrir embættið Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Sjá meira
Páll greinir sjálfur frá þessu í bloggpistli sem birtist í morgun þar sem hann segist ekki geta beðist afsökunar á ummælum sínum um þá Þórð og Arnar, því þau séu sannleikanum samkvæmt. Ummælin sem um ræðir eru eftirfarandi: „Arnar Þór Ingólfsson og Þórður Snær Júlíusson, blaðamenn á Kjarnanum, […] eiga aðild, beina eða óbeina, að byrlun Páls skipstjóra Steingrímssonar og stuldi á síma hans.“ Páll segir að þetta sé óumdeilanlegt, þeir hljóti að vera aðilar því þeir séu sakborningar í rannsókn Páleyjar Borgþórsdóttur lögreglustjóra á Norðurlandi eystra í máli sem vakið hefur nokkra athygli og snýst um fréttaflutning af hinni svokölluðu Skæruliðadeild Samherja og svo því að eitrað hafi verið fyrir Páli Steingrímssyni skipstjóra hjá Samherja og stuldi á síma hans. „Glæpir voru framdir og blaðamenn eru sakborningar. Það er enginn hugarburður heldur grjótharðar staðreyndir,“ segir Páll sem telur blaðamenn litla vini tjáningarfrelsisins og að líklegur kostnaður fyrir sig sé 1 til 1,5 milljón króna. En, eins og Páll orðar það; illa sé fyrir manni komið sem fargar sannleikanum. Staðhæfing sem á sér enga stoð Þórður Snær telur hér ekki standa stein yfir steini, í samtali við Vísi. Hann hefur látið eitt og annað yfir sig ganga úr þessari áttinni en nú sé komið gott „Frá 10. nóvember 2021 hefur Páll Vilhjálmsson skrifað linnulaust á bloggsíðu sína um samsæriskenningu sem snýr meðal annars að okkur Arnari. Ég hef látið þetta yfir mig ganga vegna þess að ég vil ekki gefa Páli Vilhjálmssyni og ranghugmyndum hans vægi.“ En viðtöl við Pál í meginstraumsfjölmiðlum breyttu þeirri stöðu, að sögn Þórðar Snæs. „Þar sem látið er eins og að samsæriskenningar hans séu raunveruleiki. Það breytti þeirri skoðun minni. Þar fékk málflutningur hans yfirbragð eðlilegrar þjóðmálaumræðu. Þar vísa ég sérstaklega í Dagmál á mbl.is þann 15. nóvember 2021 þar sem Páll fékk að rekja kenningar sínar óáreittur í fjóra og hálfa mínútu, og viðtals í einum vinsælasta morgunþætti í íslensku útvarpi, Bítinu á Bylgjunni, þann 16. febrúar 2022, þar sem hann rakti kenningu sína í löngu máli. Viðtalið er rúmlega 16 mínútna langt.“ Ummælin sem um ræðir segir Þórður Snær þess eðlis að ekki sé hægt að sitja undir slíku, svo alvarleg eru þau. „Staðhæfing um staðreynd þess efnis að við höfum framið alvarleg hegningarlagabrot. Staðhæfingin á sér enga stoð í raunveruleikanum og engar grunsemdir eru um að við höfum framið slík brot.“ Blaðamenn verða að geta varið sig Þórður Snær segir að Páli hafi verið gefinn kostur á að viðurkenna að ummælin væru röng og biðjast afsökunar á þeim án þess að hann yrði fyrir nokkrum kostnaði með kröfubréfi dagsettu 19. apríl. „Þar var honum einnig gerð grein fyrir því að ef hann yrði ekki við þeim kröfum yrði höfðað dómsmál á hendur honum til ómerkingar á ummælunum þar sem ítrustu kröfur yrðu gerðar á hendur honum. Þegar Páll óskaði eftir viðbótarfresti til að ráðfæra sig við lögmann var hann góðfúslega veittur. Sá frestur rann út í dag. Páll birti niðurstöðu sína á bloggsíðu sinni í gærmorgun. Hann ætlar ekki að draga hin röngu ummæli til baka né biðjast afsökunar á þeim.“ En skýtur það ekki skökku við að blaðamenn, sem samkvæmt siðareglum ber að taka sér varðstöðu um tjáningarfrelsið, séu að fara í meiðyrðamál? „Blaðamenn verða að geta varið sig, og trúverðugleika sinn, þegar á þá eru bornar ótrúlegar ásakanir sem eiga sér enga stoð í raunveruleikanum. Það á ekki að vera eðlilegur fylgifiskur starfsins að sætta sig við að vera ásakakur um hegningarlagabrot sem engin fótur er fyrir. Í málfrelsinu felst enda ekki frelsi til að segja hvað sem er um hvern sem er hvar sem er. Þess vegna munum við stefna Páli.“
Samherjaskjölin Lögreglumál Fjölmiðlar Dómsmál Tjáningarfrelsi Samfélagsmiðlar Mest lesið Pilturinn muni líklega afplána þriðjung átta ára dóms fyrir manndráp Innlent Mun sjá eftir árásinni alla ævi Innlent Skrifa nú undir samninginn sem féll af borðinu eftir hitafundinn Erlent Gefur lítið fyrir tal um fyrningu Innlent Brot á trausti gagnvart félögum Lúðvíks sem vilji hjálpa Innlent Hornafjörður gæti bjargað flugi Icelandair á Ísafjörð Innlent Ofsakláði grípur Spaugstofumenn Innlent Hætta framleiðslu innanhúss og segja upp fólki Innlent Gætti trúnaðar eftir að erindi tengdamömmunnar barst Innlent Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent Fleiri fréttir Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Mál Ásthildar Lóu krufið fyrir opnum tjöldum Vill að þingflokkar vinni saman að því að stytta frí þingmanna Mikilvægt að vita hvar og hvernig réttar upplýsingar fást í krísuástandi Málið áfall fyrir embættið Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Sjá meira
Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent
Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent