Bílar

58,5% aukning nýskráninga á milli ára

Kristinn Ásgeir Gylfason skrifar
Bílasala er á siglingu þessi misserin.
Bílasala er á siglingu þessi misserin.

Alls voru nýskráðar 2072 bifreiðar í aprílmánuði. Samtals hafa verið nýskráðar 6.396 bifreiðar það sem af er ári. Á sama tíma í fyrra höfðu 4.035 bifreiðar verið nýskráðar, aukning á milli ára er því 58,51%. Toyota var með flestar nýskráningar þegar litið er til tegunda með 409 bíla. Mitsubishi er í öðru sæti með 311 og Hyundai með 230 í þriðja sæti. Upplýsingar eru fengnar af vef Samgöngustofu.

Fimm flestu nýskráningarnar eftir tegundum.

Undirtegundir

Mitsubishi Eclipse Cross í tengiltvinnútgáfu er mest skráða undirtegundin með 272 bíla. Toyota Rav4 er í öðru sæti með 133 bíla og Hyundai Tucson í þriðja með 123 bíla.

Apríl í fyrra

Samtals voru nýskráðar 1106 bifreiðar í apríl í fyrra. Sem þýðir að næstum er um tvöföldun að ræða á milli ára eða 87% aukning.

Orkugjafar nýskráðra bifreiða í apríl.

Orkugjafar

Tengiltvinnbílar voru mest nýskráðu bifreiðarnar í apríl eða 705. Nýskráningar hreinna rafbíla voru 401. Tvinnbílar sem ekki er hægt að setja í samband eru í þriðja sæti með 363 bifreiðar nýskráðar, 355 dísel bílar voru nýskráðir í apríl og að lokum voru 247 bensínbílar nýskráðir í apríl. Þá var einn metanbíll skráður. Vistvænni bílar eru því með talsverða yfirhönd yfir hina hefðbundnu bensín- og dísel bíla. Samtals voru vistvænu bílarnir 1470, á meðan hinir hefðbundnu voru 602.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.