Innlent

83 prósent landsmanna óánægð með Íslandsbankaútboðið

Hólmfríður Gísladóttir skrifar
Ríkisendurskoðun og Seðlabankinn hafa söluna nú til athugunar.
Ríkisendurskoðun og Seðlabankinn hafa söluna nú til athugunar. Vísir/Vilhelm

83 prósent landsmanna eru óánægðir með nýafstaðna sölu á hlut ríkisins í Íslandsbanka ef marka má nýja könnun sem Prósent framkvæmdi fyrir Fréttablaðið. Aðeins 7 prósent eru ánægð með hvernig til tókst og 3 prósent mjög ánægð.

Ánægja með söluna er mest hjá kjósendum Sjálfstæðisflokksins en 30 prósent þeirra segjast ánægðir með hvernig til tókst. Samkvæmt Fréttablaðinu eru hið minnsta 78 prósent kjósenda allra annarra flokka óánægðir með söluna. 

Kjósendur Sjálfstæðisflokksins skera sig einnig úr þegar kemur að rannsókn á sölunni en á meðan 80 prósent í heild vilja að rannsóknarnefnd verði skipuð um málið, er hlutfallið meðal kjósenda Sjálfstæðisflokksins aðeins 38 prósent.

Stjórnvöld greindu frá því í gær að ríkisstjórnin hygðist leggja til að Bankasýsla ríkisins yrði lögð niður. Þá kom fram í tilkynningu frá stjórnarflokkunum, sem birtist á vef Stjórnarráðsins, að salan á hlutum ríkisins í Íslandsbanka hefði ekki staðið undir væntingum.

Stjórnarandstaðan sakar ríkisstjórnina hins vegar um að velta ábyrginni á sölunni yfir á Bankasýsluna en það sé fjármálaráðherra, Bjarni Benediktsson, sem beri pólitíska ábyrgð á málinu.

Salan á Íslandsbanka Skoðanakannanir Íslenskir bankar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið