Laxa­dauða í Dýra­firði megi rekja til ýmissa utan­að­komandi þátta

Greint var frá því um miðjan febrúar að hátt í tvö þúsund tonn af laxi hafi drepist í tveimur sjókvíum Arctic Sea Farm en sú tala nú hækkað um í rúm 2.400 tonn. Alls voru um 10 þúsund tonn af laxi í þessum sjókvíum Arctic Fish og afföllin því í kring um 25 prósent.

Matvælastofnun barst tilkynning vegna málsins frá Arctic Sea Farm þann 19. janúar síðastliðinn. Hóf stofnunin þá eftrigrennslan og óskaði eftir upplýsingum um heilbrigðisástand og niðurstöður eftirlits dýralækna í eldisstöðvum fyrirtækisins í Dýrafirði. 

Fram kemur í tilkynningu frá Mast að fram að þessu hafi afföll í sjókvíunum verið fremur lítil, eða um 0,25 prósent. Sýni voru tekin úr fiskunum sem send voru til rannsóknar á Keldum. Í niðurstöðum kom fram að fremur slæmt ástand væri á tálknum g vefjabreytingar í hjarta og blóðsókn í önnur líffæri benti þá til þess að fiskurinn væri með hjarta- og vöðvabólgu. Fram kemur í tilkynningunni að veiran sem veldur bólgunni, Piscine Reo Virus, sé útbreidd bæði hjá eldislöxum og í náttúrulegu umhverfi og sé því ekki tilkynningarskyld. 

Í kjölfar rannsóknanna hafi tekið við óveðurstímabil sem aukið hafi afföll. Matvælastofnun komst að þeirri niðurstöðu 23. janúar eftir klíníska skoðun að rekja mætti afföllin til nokkurra megin þátta. Laxinn væri stór í miklu magni, sjávarhiti hafi verið sérstaklega lágur og veður og sjólag vont. Þá hafi hluti fisksins verið hnadleikinn við flutninga og lúsaböðun í nóvember. 

Þessir þættir auk minni afköstum hjartavöðvans í laxinum sökum krónískrar hjarta- og vöðvabólgu og tálknabólgu hafi laxinn verið sérlega viðkvæmur fyrir streitu og hnjaski. 

Strax þegar niðurstöður lágu fyrir í janúar gaf Matvælastofnun leyfi fyrir því að sláturskipið Norwegian Gannet kæmi til Dýrafjarðar gil að sinna slátrun á fiskinum. Skipið hafi verið komið 14. febrúar og yfirgefið landið aftur 4. mars. Öllum fiski sem slátrað var um borð í Norwegian Gannet var landað í Bíldudal til pökkunar.