Loks á heimleið eftir langa bið og flutning á hræðilegt hótel Vésteinn Örn Pétursson skrifar 17. mars 2022 18:46 Hópurinn átti að koma heim síðastliðinn mánudag, en kemur heim í nótt. Aðsend Fimmtán kvenna hópur sem lagði af stað í hjólaferð til Spánar fyrir tæpum tveimur vikum segir farir sínar hreint ekki sléttar eftir viðskipti við flugfélagið Vueling. Hópurinn átti að koma heim til Íslands síðasta mánudag en flugi þeirra var ítrekað frestað vegna veðurs. Steininn tók síðan úr í dag þegar flugfélagið flutti hópinn á hótel í skötulíki, mun fjær flugvellinum en hótelið sem hann hafði dvalið á fyrir. Þórdís Sigurðardóttir, ein kvennanna í hópnum, ræddi við fréttastofu um málið. Hópurinn lagði af stað til Barcelona mánudaginn 7. mars, en ráðgert var að farið yrði heim viku síðar, eftir hjólaferð um nágrenni Barcelona. „Við áttum að fara heim á mánudaginn [14. mars], en þá var flugi frestað vegna veðurs, sem er alveg skiljanlegt. Okkur er bara komið fyrir á hóteli, sem er bara fínasta hótel, og okkur sagt að koma í móttökuna daginn eftir og þar yrði náð í okkur og farið út á flugvöll. Svo er starfsmaðurinn þar látinn tilkynna okkur að það sé búið að fresta fluginu þar til daginn eftir. Þannig gekk þetta fyrir sig mánudag, þriðjudag, miðvikudag og í morgun,“ segir Þórdís. Í dag er því fjórði dagurinn þar sem hópnum hefur verið tilkynnt um að flugi þeirra hafi verið frestað. „Við vorum farnar að ímynda okkur að við myndum ekkert fara í dag, heldur bara á föstudag, því þá átti að vera næsta flug. [Vueling] eru alltaf búnir að bera fyrir sig að þetta sé vegna veðurs, en aðrar flugvélar hafa verið að lenda heima. Þannig að þetta var svolítið sérstakt.“ Þórdís segir ferðaskrifstofuna sem skipulagði ferðina, TA Sport, ítrekað hafa reynt að fá svör frá flugfélaginu, en fengið fá. Héldu að fara ætti nær flugvellinum Í morgun hafi mælirinn síðan fyllst hjá hópnum, sem er búinn að bíða þess að komast heim síðan á mánudag. „Við vorum bara búin að sætta okkur við að við myndum komast heim á morgun, en þá er okkur tilkynnt að það sé búið að aflýsa fluginu í dag. Fimmtán mínútum síðar kemur hótelstarfsmaðurinn aftur og segir að flugfélagið hafi hringt og sagt að það ætti að færa okkur á annað hótel. Við skildum það þannig að það væri út af því að það væri verið að safna saman fólki úr ferðinni sem væri að bíða eftir fluginu á morgun og við ættum að fara nær flugvellinum.“ Þórdís segir hjólaferðina sjálfa hafa gengið vonum framar, þó það sem á eftir hafi komið hafi verið heldur óánægjulegra.Aðsend Hópurinn hafi því farið í góðri trú upp í rútu sem ætti að færa hann á annað hótel, en þegar þangað hafi verið komið hafi allur vindur farið úr hópnum. „Þetta var alveg hræðilegt hótel, við hefðum aldrei sofið þarna. Við vorum komin langt út fyrir Barcelona og erum þá komin lengra frá flugvellinum, þannig að það stóðst ekkert.“ Þegar þarna er komið sögu hafi ferðaskrifstofan einfaldlega gripið inn í og farið á fullt í að reyna að redda hópnum heim. Það hafi að endingu tekist, og hópurinn flýgur frá Barcelona til Amsterdam í kvöld, þar sem tekur við næturflug frá Hollandi og heim til Íslands. Allt í boði ferðaskrifstofunnar, sem Þórdís ber söguna vel. Flugfélagið var á hótelinu Þórdís segir að í gær hafi hópurinn fengið það á tilfinninguna að flutningurinn tengdist veru Vueling á hótelinu sem hópnum hafði upprunalega verið komið fyrir á. „Í gær sáum við allt í einu hótelið merkt með stöndum frá flugfélaginu, það var einhver ráðstefna þarna. Við fórum eitthvað að grínast í þeim og reyna að gera gott úr þessu og vorum að tala þarna við starfsmenn. Síðan daginn eftir [í dag] erum við bara tekin út af hótelinu.“ Þórdís segir þann grun hafa læðst að hópnum að hann hafi verið færður af hótelinu svo starfsfólk flugfélagsins „fengi að vera í friði.“ Á hótelinu sem hópurinn dvaldist á þar til í dag var Vueling með ráðstefnu.Skjáskot/Instagram „Hann fer strax að hringja í flugfélagið eftir þetta, frá ferðaskrifstofunni, og það var ekki einu sinni svarað lengur.“ Þórdís segir þá biðina eftir heimferðinni hafa verið erfiða, og lagst misvel í meðlimi hópsins, með tilheyrandi vinnutapi og öðru, þegar skilaboðin hafi alltaf verið þau að farið yrði heim „á morgun.“ „Hér gistum við ekki“ Aðspurð um aðbúnaðinn á hótelinu sem flugfélagið flutti hópinn á í dag segir Þórdís: „Þetta var bara hræðilegt, og í rauninni ekki eins og hótel. Maður kom þarna inn í móttökuna, sem var svo sem allt í lagi. Svo gekk maður eftir einhverjum útigangi og ég hugsaði „Á ég að labba þennan gang?“ Herbergin voru á jarðhæðinni, þar sem við vorum flestar, og þegar ég opnaði inn í herbergi þá fór ég ekki einu sinni inn. Bara labbaði aftur út.“ Hótelið sem hópurinn var fluttur á þótti ekki sérlega spennandi.Aðsend Á sama tíma hafi forsvarsmaður ferðaskrifstofunnar mætt á nýja hótelið til að kanna hvort ekki væri allt með felldu. Niðurstaðan hafi einfaldlega verið að svo væri ekki, og að ekki kæmi til greina að hópurinn verði nóttinni á hótelinu. „Við komum á hótelið rétt fyrir hádegi í dag og sátum þar, fengum að borða á meðan ferðaskrifstofan var að græja flugið og ganga frá því,“ segir Þórdís, sem var komin upp á flugvöll og hafði verið þar í um klukkustund þegar fréttastofa náði tali af henni. „Það þurfti alveg pínu fyrirhöfn fyrir ferðaskrifstofuna að bóka okkur allar og finna flug fyrir okkur, en það hafðist. Við erum rosalega þakklátar ferðaskrifstofunni en ekki flugfélaginu, það er ljóst.“ Vill ekki sjá Vueling aftur Þórdís segir að hópnum sé mikið í mun að sök vegna málsins sé ekki felld á ferðaskrifstofuna, sem hafi lagt mikið á sig við að koma konunum heim í dag, án nokkurs aukakostnaðar. „Þau buðu okkur öllum út að borða í gær vegna málsins og maður getur alveg treyst því að fara með þessari ferðaskrifstofu aftur, það er ekki málið.“ En flugfélagið, þú lætur það kannski vera í náinni framtíð? „Ég held að engin af okkur muni fljúga með þessu flugfélagi aftur, það er nokkuð ljóst.“ Hópurinn vandar Vueling ekki kveðjurnar.Urbanandsport/NurPhoto via Getty Spánn Fréttir af flugi Íslendingar erlendis Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þurftu að farga 30 þúsund eintökum vegna forsetaframboðs Innlent Sáu ekki andlit huldumanns sem þeir telja vera Pétur Jökul Innlent Megrunarlyfin nýjasta vopnið gegn hjartasjúkdómum? Erlent Umgengni og viðhorf til fatagáma hafi farið hríðversnandi Innlent Losnar af réttargeðdeild eftir allt saman Erlent Forsetavaktin 2024: Hver verður sjöundi forseti lýðveldisins? Innlent Fjórum nígerískum ríkisborgurum flogið til Frankfurt Innlent Nær einróma ánægja en spurningum ósvarað um þjóðleikhússtjóra Innlent Vænsti maður og harðduglegur Innlent Bendlaði Trump beint við þagnargreiðslurnar Erlent Fleiri fréttir Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Friðlýsir hluta Fjaðrárgljúfurs Fjórum nígerískum ríkisborgurum flogið til Frankfurt Nær einróma ánægja en spurningum ósvarað um þjóðleikhússtjóra Fækka þeim tilvikum þar sem skrifa þarf tilvísanir fyrir börn Stefnt að því að ljúka samningaviðræðum um Ölfusárbrú nú í maí Umgengni og viðhorf til fatagáma hafi farið hríðversnandi „Erum hér í kvöld svo þetta gerist ekki í þögn“ Heimafæðingum fjölgar og teljast eðlilegri en áður Sáu ekki andlit huldumanns sem þeir telja vera Pétur Jökul Næsta gos gæti hafist á hverri stundu „Kisuprestar“ á Snæfellsnesi Hið opinbera skuldi sér og öðrum mæðrum afsökunarbeiðni Starfsmaður Sjúkratrygginga grunaður um fjárdrátt Óska eftir tilnefningum um Reykvíking ársins Þvingun úr landi og prestar í kisubúning Veikindi Blessing ekki nógu mikil til að fresta brottvísun Vænsti maður og harðduglegur Spreyjaði málningu á bifreiðar í miðbænum Fluttur með þyrlu til Reykjavíkur eftir árekstur Kaldavatnslaust á Arnarnesi Telur ekki viðeigandi að tjá sig um mál Maríu Sigrúnar Þurfi að gera úrbætur en ástandið verið ýkt Lilja hefur áhyggjur af „nýlenskunni“ á RÚV Lýsa eftir Bandaríkjamanni Sjá meira
Þórdís Sigurðardóttir, ein kvennanna í hópnum, ræddi við fréttastofu um málið. Hópurinn lagði af stað til Barcelona mánudaginn 7. mars, en ráðgert var að farið yrði heim viku síðar, eftir hjólaferð um nágrenni Barcelona. „Við áttum að fara heim á mánudaginn [14. mars], en þá var flugi frestað vegna veðurs, sem er alveg skiljanlegt. Okkur er bara komið fyrir á hóteli, sem er bara fínasta hótel, og okkur sagt að koma í móttökuna daginn eftir og þar yrði náð í okkur og farið út á flugvöll. Svo er starfsmaðurinn þar látinn tilkynna okkur að það sé búið að fresta fluginu þar til daginn eftir. Þannig gekk þetta fyrir sig mánudag, þriðjudag, miðvikudag og í morgun,“ segir Þórdís. Í dag er því fjórði dagurinn þar sem hópnum hefur verið tilkynnt um að flugi þeirra hafi verið frestað. „Við vorum farnar að ímynda okkur að við myndum ekkert fara í dag, heldur bara á föstudag, því þá átti að vera næsta flug. [Vueling] eru alltaf búnir að bera fyrir sig að þetta sé vegna veðurs, en aðrar flugvélar hafa verið að lenda heima. Þannig að þetta var svolítið sérstakt.“ Þórdís segir ferðaskrifstofuna sem skipulagði ferðina, TA Sport, ítrekað hafa reynt að fá svör frá flugfélaginu, en fengið fá. Héldu að fara ætti nær flugvellinum Í morgun hafi mælirinn síðan fyllst hjá hópnum, sem er búinn að bíða þess að komast heim síðan á mánudag. „Við vorum bara búin að sætta okkur við að við myndum komast heim á morgun, en þá er okkur tilkynnt að það sé búið að aflýsa fluginu í dag. Fimmtán mínútum síðar kemur hótelstarfsmaðurinn aftur og segir að flugfélagið hafi hringt og sagt að það ætti að færa okkur á annað hótel. Við skildum það þannig að það væri út af því að það væri verið að safna saman fólki úr ferðinni sem væri að bíða eftir fluginu á morgun og við ættum að fara nær flugvellinum.“ Þórdís segir hjólaferðina sjálfa hafa gengið vonum framar, þó það sem á eftir hafi komið hafi verið heldur óánægjulegra.Aðsend Hópurinn hafi því farið í góðri trú upp í rútu sem ætti að færa hann á annað hótel, en þegar þangað hafi verið komið hafi allur vindur farið úr hópnum. „Þetta var alveg hræðilegt hótel, við hefðum aldrei sofið þarna. Við vorum komin langt út fyrir Barcelona og erum þá komin lengra frá flugvellinum, þannig að það stóðst ekkert.“ Þegar þarna er komið sögu hafi ferðaskrifstofan einfaldlega gripið inn í og farið á fullt í að reyna að redda hópnum heim. Það hafi að endingu tekist, og hópurinn flýgur frá Barcelona til Amsterdam í kvöld, þar sem tekur við næturflug frá Hollandi og heim til Íslands. Allt í boði ferðaskrifstofunnar, sem Þórdís ber söguna vel. Flugfélagið var á hótelinu Þórdís segir að í gær hafi hópurinn fengið það á tilfinninguna að flutningurinn tengdist veru Vueling á hótelinu sem hópnum hafði upprunalega verið komið fyrir á. „Í gær sáum við allt í einu hótelið merkt með stöndum frá flugfélaginu, það var einhver ráðstefna þarna. Við fórum eitthvað að grínast í þeim og reyna að gera gott úr þessu og vorum að tala þarna við starfsmenn. Síðan daginn eftir [í dag] erum við bara tekin út af hótelinu.“ Þórdís segir þann grun hafa læðst að hópnum að hann hafi verið færður af hótelinu svo starfsfólk flugfélagsins „fengi að vera í friði.“ Á hótelinu sem hópurinn dvaldist á þar til í dag var Vueling með ráðstefnu.Skjáskot/Instagram „Hann fer strax að hringja í flugfélagið eftir þetta, frá ferðaskrifstofunni, og það var ekki einu sinni svarað lengur.“ Þórdís segir þá biðina eftir heimferðinni hafa verið erfiða, og lagst misvel í meðlimi hópsins, með tilheyrandi vinnutapi og öðru, þegar skilaboðin hafi alltaf verið þau að farið yrði heim „á morgun.“ „Hér gistum við ekki“ Aðspurð um aðbúnaðinn á hótelinu sem flugfélagið flutti hópinn á í dag segir Þórdís: „Þetta var bara hræðilegt, og í rauninni ekki eins og hótel. Maður kom þarna inn í móttökuna, sem var svo sem allt í lagi. Svo gekk maður eftir einhverjum útigangi og ég hugsaði „Á ég að labba þennan gang?“ Herbergin voru á jarðhæðinni, þar sem við vorum flestar, og þegar ég opnaði inn í herbergi þá fór ég ekki einu sinni inn. Bara labbaði aftur út.“ Hótelið sem hópurinn var fluttur á þótti ekki sérlega spennandi.Aðsend Á sama tíma hafi forsvarsmaður ferðaskrifstofunnar mætt á nýja hótelið til að kanna hvort ekki væri allt með felldu. Niðurstaðan hafi einfaldlega verið að svo væri ekki, og að ekki kæmi til greina að hópurinn verði nóttinni á hótelinu. „Við komum á hótelið rétt fyrir hádegi í dag og sátum þar, fengum að borða á meðan ferðaskrifstofan var að græja flugið og ganga frá því,“ segir Þórdís, sem var komin upp á flugvöll og hafði verið þar í um klukkustund þegar fréttastofa náði tali af henni. „Það þurfti alveg pínu fyrirhöfn fyrir ferðaskrifstofuna að bóka okkur allar og finna flug fyrir okkur, en það hafðist. Við erum rosalega þakklátar ferðaskrifstofunni en ekki flugfélaginu, það er ljóst.“ Vill ekki sjá Vueling aftur Þórdís segir að hópnum sé mikið í mun að sök vegna málsins sé ekki felld á ferðaskrifstofuna, sem hafi lagt mikið á sig við að koma konunum heim í dag, án nokkurs aukakostnaðar. „Þau buðu okkur öllum út að borða í gær vegna málsins og maður getur alveg treyst því að fara með þessari ferðaskrifstofu aftur, það er ekki málið.“ En flugfélagið, þú lætur það kannski vera í náinni framtíð? „Ég held að engin af okkur muni fljúga með þessu flugfélagi aftur, það er nokkuð ljóst.“ Hópurinn vandar Vueling ekki kveðjurnar.Urbanandsport/NurPhoto via Getty
Spánn Fréttir af flugi Íslendingar erlendis Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þurftu að farga 30 þúsund eintökum vegna forsetaframboðs Innlent Sáu ekki andlit huldumanns sem þeir telja vera Pétur Jökul Innlent Megrunarlyfin nýjasta vopnið gegn hjartasjúkdómum? Erlent Umgengni og viðhorf til fatagáma hafi farið hríðversnandi Innlent Losnar af réttargeðdeild eftir allt saman Erlent Forsetavaktin 2024: Hver verður sjöundi forseti lýðveldisins? Innlent Fjórum nígerískum ríkisborgurum flogið til Frankfurt Innlent Nær einróma ánægja en spurningum ósvarað um þjóðleikhússtjóra Innlent Vænsti maður og harðduglegur Innlent Bendlaði Trump beint við þagnargreiðslurnar Erlent Fleiri fréttir Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Friðlýsir hluta Fjaðrárgljúfurs Fjórum nígerískum ríkisborgurum flogið til Frankfurt Nær einróma ánægja en spurningum ósvarað um þjóðleikhússtjóra Fækka þeim tilvikum þar sem skrifa þarf tilvísanir fyrir börn Stefnt að því að ljúka samningaviðræðum um Ölfusárbrú nú í maí Umgengni og viðhorf til fatagáma hafi farið hríðversnandi „Erum hér í kvöld svo þetta gerist ekki í þögn“ Heimafæðingum fjölgar og teljast eðlilegri en áður Sáu ekki andlit huldumanns sem þeir telja vera Pétur Jökul Næsta gos gæti hafist á hverri stundu „Kisuprestar“ á Snæfellsnesi Hið opinbera skuldi sér og öðrum mæðrum afsökunarbeiðni Starfsmaður Sjúkratrygginga grunaður um fjárdrátt Óska eftir tilnefningum um Reykvíking ársins Þvingun úr landi og prestar í kisubúning Veikindi Blessing ekki nógu mikil til að fresta brottvísun Vænsti maður og harðduglegur Spreyjaði málningu á bifreiðar í miðbænum Fluttur með þyrlu til Reykjavíkur eftir árekstur Kaldavatnslaust á Arnarnesi Telur ekki viðeigandi að tjá sig um mál Maríu Sigrúnar Þurfi að gera úrbætur en ástandið verið ýkt Lilja hefur áhyggjur af „nýlenskunni“ á RÚV Lýsa eftir Bandaríkjamanni Sjá meira