Lífið

Instagram bannar Kanye

Elísabet Hanna skrifar
Kanye hefur verið útilokaður af Instagram í sólarhring.
Kanye hefur verið útilokaður af Instagram í sólarhring. Getty/Stephane Cardinale - Corbis

Meta hefur tekið þá ákvörðun að banna Kanye West af Instagram í sólarhring vegna áreitis á miðlinum. Rapparinn hefur verið að áreita Pete Davidson sem er kærasti fyrrverandi eiginkonu hans Kim og einnig þáttastjórnandann Trevor Noah.

Meta tilbúið að taka fleiri skref

Meta segir að hegðun rapparans brjóti á reglum miðilsins um hatursorðræði, áreitni og einelti og því fær hann að sæta sólarhringsbann. Talsmaður frá fyrirtækinu segir að þau séu tilbúin að taka fleiri skref ef brot á reglunum eiga sér stað í framtíðinni. Meta hefur þurft að grípa til þessa úrræðis áður meðal annars þegar Donald Trump var að brjóta reglurnar á miðlum fyrirtækisins.

Mennirnir á myndinni ættu mögulega að leita eftir aðstoð við samfélagsmiðla frá utanaðkomandi aðilum.Getty/Pool

Rasísk ummæli um Trevor á Instagram

Trevor Noah varð fyrir barðinu á Kanye eftir að hann opnaði á umræðuna um skilnaðinn þeirra og var að tala um hversu margar konur verða fyrir slíkri áreitni þegar þær fara úr samböndum. Móðir hans lenti meðal annars í því að vera skotin í hausinn af fyrrverandi stjúpföður Noah eftir mikið áreiti í kjölfar skilnaðar. 

Hann talaði einnig um það að Kanye hefur áður opnað sig um geðræn veikindi sín og að fólk sé komið með áhyggjur af því hvernig hann er að áreita fyrrverandi eiginkonu sína sem hefur margsinnis beðið hann um að virða mörkin og hætta að áreita sig og kærastann sinn.

Í kjölfar umræðunnar birti Kanye myndir af Trevor á samfélagsmiðlum sínum með ljótum og rasískum texta.

Rógburður um að fá ekki að hitta börnin og grimm list

Kanye deildi nýlega tónlistarmyndbandi þar sem vera sem lítur út eins og Pete Davidson var misnotuð, pynt og afhausuð en hann kallaði það list. Það var það nýjasta hjá Kanye sem hefur verið að áreita Pete um nokkurt skeið á samfélagsmiðlum með myndböndum og skilaboðum.

Kanye á körfuboltaleik með syni sínum í gær.Getty/ MediaNews Group/The Mercury News via Getty Images

Einnig birti hann mynd af bakpoka átta ára gömlu dóttur sinnar með myndalýsingunni „Þetta var á bakpoka dóttur minnar síðast þegar ég mátti sjá hana í síðustu viku.“ Hann gaf þar með til kynna að hann væri ekki að fá að hitta börnin sín. 

Kim var fljót að svara og sagði 

„Hættu með þennan rógburð, þú varst hérna í morgun að sækja krakkana fyrir skólann“.




Tengdar fréttir

Ný kærasta Kanye West sögð skuggalega lík Kim Kardashian

Tónlistarmaðurinn Kanye West er nú orðaður við hina tuttugu og fjögurra ára gömlu Chaney Jones. Það sem hefur þó helst vakið athygli er að Jones er talin vera skuggalega lík Kim Kardashian, fyrrverandi eiginkonu West.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.