Þau sækjast eftir embætti forstjóra Tryggingastofnunar

Atli Ísleifsson skrifar 11. mars 2022 13:07

Tryggingastofnun ríkisins er til húsa í Hlíðarsmára í Kópavogi. Vísir/Vilhelm

Alls sækja níu manns um embætti forstjóra Tryggingastofnunar ríkisins sem auglýst var laust til umsóknar í síðasta mánuði.

Þetta kemur fram í svari félags- og vinnumarkaðsráðuneytisins við fyrirspurn fréttastofu. Miðað er við að skipað verði í embættið frá og með 1. apríl næstkomandi, en umsóknarfrestur rann út 25. febrúar.

Nýr forstjóri mun taka við af Sigríði Lillý Baldursdóttur sem var settur forstjóri árið 2007 og skipuð í embættið 2008. Í hópi umsækjenda eru Sigrún Jónsdóttir, framkvæmdastýra á skrifstofu forstjóra og staðgengil forstjóra, sem ráðherra bað um að gegna starfinu starfinu þar til nýr forstjóri hefði verið ráðinn. Sigríður Lillý hætti störfum í byrjun febrúar.

Þau sem sóttu um embættið eru:

Herdís Gunnarsdóttir
Sverrir Óskarsson
Huld Magnúsdóttir
Björn Bjarki Þorsteinsson
Steinvör G. Thorarensen
Sigurður Erlingsson
Sigrún Jónsdóttir
Arndís Soffía Sigurðardóttir
Davíð Ólafur Ingimarsson

Tryggingastofnun heyrir undir félags- og vinnumarkaðsráðuneytið og segir á vef stofnunarinnar að um sé að ræða eina veigamestu opinbera þjónustustofnun landsins. „Hlutverk stofnunarinnar er að framfylgja lögum um almannatryggingar, lögum um félagslega aðstoð og lögum um málefni langveikra barna auk þess að sinna öðrum verkefnum sem stofnuninni eru falin hverju sinni.“

Ríkisstjórn Katrínar Jakobsdóttur Stjórnsýsla Vistaskipti

Tengdar fréttir

Sigríður hættir hjá Tryggingastofnun

Sigríður Lillý Baldursdóttir, forstjóri Tryggingastofnunar (TR) hefur óskað eftir því að láta af störfum sem forstjóri stofnunarinnar og mun hætta þann 6. febrúar næstkomandi.

1. febrúar 2022 17:39

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir