Innlent

Sigríður hættir hjá Tryggingastofnun

Tryggvi Páll Tryggvason skrifar
Sigríður Lillý Baldursdóttir, fráfarandi forstjóri Tryggingastofnunar (t.v) og Sigrún Jónsdóttir, sem gegnir starfi forstjóra þar til nýr forstjóri hefur verið ráðinn (t.h).
Sigríður Lillý Baldursdóttir, fráfarandi forstjóri Tryggingastofnunar (t.v) og Sigrún Jónsdóttir, sem gegnir starfi forstjóra þar til nýr forstjóri hefur verið ráðinn (t.h). Stjórnarráðið

Sigríður Lillý Baldursdóttir, forstjóri Tryggingastofnunar (TR) hefur óskað eftir því að láta af störfum sem forstjóri stofnunarinnar og mun hætta þann 6. febrúar næstkomandi.

Sigríður Lillý hefur starfað sem forstjóri TR í rúm 14 ár að því er fram kemur á vef Stjórnarráðsins.

Hefur Guðmundur Ingi Guðbrandsson, félags- og vinnumarkaðsráðherra, í samráði við stjórn TR, farið þess á leit við Sigrúnu Jónsdóttur, framkvæmdastýru á skrifstofu forstjóra og staðgengil forstjóra, að hún gegni starfinu þar til nýr forstjóri hefur verið ráðinn.

Sigrún hefur starfað hjá TR frá því í apríl 2019 en áður var hún kennslustjóri Háskólans á Bifröst í fjögur ár. Hún hefur víðtæka reynslu og þekkingu af störfum á vettvangi velferðarmála en sem dæmi var hún fulltrúi í nefnd sem vann fyrstu áætlun stjórnvalda gegn ofbeldi á heimilum og kynbundnu ofbeldi, sem var birt árið 2006, og var á árunum 1991-1995 varamaður og síðar aðalfulltrúi í tryggingaráði. Sigrún hefur meistarapróf í opinberri stjórnsýslu frá Háskóla Íslands.

Starf forstjóra Tryggingastofnunar verður auglýst laust til umsóknar á næstu dögum.

Stjórnsýsla Vistaskipti
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið