Erlent

Ráðleggingar Erdogan fóru inn um eitt eyra og út um hitt

Hólmfríður Gísladóttir skrifar
Leiðtogarnir ræddu saman í síma í dag en þessi mynd af vinunum var tekin í fyrra.
Leiðtogarnir ræddu saman í síma í dag en þessi mynd af vinunum var tekin í fyrra. AP/Vladimir Smirnov

Recep Tayyip Erdogan, forseti Tyrklands, hvatti Vladimir Pútín Rússlandsforseta í dag til að lýsa yfir vopnahléi í Úkraínu, hleypa almennum borgurum í öruggt skjól og komast að friðarsamkomulagi við Úkraínumenn.

Þetta kemur fram í yfirlýsingu tyrkneska forsetaembættisins sem send var út í kjölfar fundar leiðtoganna. Samkvæmt henni sagðist Erdogan vera reiðubúinn til að aðstoða aðila við að komast að friðsamlegri lausn í deilunni.

Forsetinn sagðist einnig telja að það myndi draga úr áhyggjum manna ef vopnahléi yrði komið á og sagðist hafa hvatt til þess að ríkin ynnu saman til að greiða leiðina að friði.

Það er ekki að sjá að orð Erdogan hafi haft mikil áhrif á Pútín en stjórnvöld í Moskvu sendu sömuleiðis frá sér tilkynningu eftir fundinn, þar sem þau sögðust aðeins myndu láta af hernaðaraðgerðum í Úkraínu að því gefnu að Úkraínumenn gæfust upp og gengu að kröfum Rússa.

Innrás Rússa í Úkraínu Úkraína Rússland Hernaður Tyrkland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið