Innlent

2.692 greindust smitaðir í gær

Samúel Karl Ólason skrifar
Covid test tekin á Suðurlandsbraut
Covid test tekin á Suðurlandsbraut Foto: Vilhelm Gunnarsson/Vilhelm Gunnarsson

2.692 greindust smitaðir af Covid-19 innanlands í gær. 141 greindist á landamærunum. Þetta segir Hjördís Guðmundsdóttir, upplýsingafulltrúi Almannavarna, í samtali við fréttastofu.

Í fyrradag greindust 2.317 smitaðir af kórónuveirunni og þar hundrað þúsund manna múrinn rofinn. Það er að segja að fjöldi þeirra sem vitað er að hafi smitast af Covid-19 fór yfir hundrað þúsund.

Líkur hafa þó verið leiddar að því að raunverulegur fjöldi þeirra sem hafi smitast sé nær tvö hundruð þúsund.

Í gær voru 11.880 í einangrun með virkt smit. Starfsmenn Landspítala í einangrun hafa aldrei verið fleiri en Sigríður Gunnarsdóttir, framkvæmdastjóri hjúkrunar, sagði fyrr í dag að mögulega þyrfti að kalla einkennalaust starfsfólk til vinnu bráðlega.

Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið