Sport

Stutt gaman hjá Sturlu

Sindri Sverrisson skrifar
Sturla Snær Snorrason hefur lokið keppni á Vetrarólympíuleikunum í Peking.
Sturla Snær Snorrason hefur lokið keppni á Vetrarólympíuleikunum í Peking. ÍSÍ

Eftir að hafa verið í einangrun og svo sóttkví vegna kórónuveirusmits stærstan hluta Vetrarólympíuleikanna náði Sturla Snær Snorrason ekki langt í svigi í nótt.

Sturla var einn af 34 sem skiluðu sér ekki niður alla brekkuna í fyrri ferðinni í sviginu, eftir að hafa farið út af braut ofarlega í brekkunni.

Þar með er þátttöku Íslendinga í alpagreinum á Vetrarólympíuleikunum lokið. Sturla hafði verið skráður í tvær greinar en varð að hætta við keppni í stórsvigi vegna kórónuveirusmitsins.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.