Dómur fyrir nauðgun á kvennasalerni staðfestur en bætur lækkaðar Kolbeinn Tumi Daðason skrifar 11. febrúar 2022 14:36 Brot mannsins áttu sér stað í miðbæ Reykjavíkur í febrúar 2019. Vísir/Vilhelm Landsréttur hefur staðfest þriggja ára fangelsisdóm yfir Reebar Abdi Mohammed, 34 ára karlmanni frá Kúrdistan, fyrir nauðgun. Reebar var dæmdur fyrir að nauðga konu á kvennasalernisbás skemmtistaðar í Reykjavík í febrúar 2019. Miskabætur til konunnar voru lækkaðar úr þremur milljónum króna í tvær með dómi Landsréttar. Í dómi Landsréttar kom fram að Reebar ætti sér engar málsbætur en hann hefði ráðist með freklegum hætti gegn kynfrelsi konunnar. Við ákvörðun refsingar var litið til þess að hann hefði ekki áður gerst sekur um refsiverða háttsemi. Komst að lokum undan honum Reebar var gefið að sök að hafa haft samræði og önnur kynferðismök við konu án hennar samþykkis með því að beita hana ofbeldi og ólögmætri nauðung og nýta sér yfirburði sína vegna aðstöðu- og aflsmunar og þess að hún gat ekki spornað við verknaðinum sökum áhrifa áfengis. Lýsti hún því að Reebar hefði komið að henni þar sem hún stóð fyrir framan kvennasalerni skemmtistaðarins, kysst hana og leitt inn á salerni og þar inn á salernisbás. Þar hefði hann lagt hönd sína á ber kynfæri hennar, dregið niður um hana buxurnar, stungið fingrum í leggöng og síðan þvingað eða reynt að þvinga lim sínum í leggöng hennar. Í framhaldinu hafi hann reynt að láta hana hafa við sig munnmök en þá hafi hún komist undan honum. Upptökur úr eftirlitsmyndavél sögðu aðra sögu Á meðan á öllu stóð hafi hún gripið um hár hennar en hún reynt ítrekað með orðum og athöfnum að fá Reebar til að láta af háttsemi sinna. Konan hlaut sprungu ofan sníps, roða, sár og mar á hymen og sprungu á spöng. Reebar neitaði sök en viðurkenndi hjá lögreglu og fyrir dómi að hafa hitt konuna á skemmtistaðnum. Hans frásögn var á þá leið að hún hefði beðið hann um að hafa við sig samræði á salerninu. Hann hefði ekki verið með smokk og því ekki viljað það. Hann hefði veitt henni munnmök auk þess að koma við brjóst hennar og stinga fingri í leggöng. Hún hefði sjálf afklæðst inni á salerninu. Reebar sagði endurtekið hjá lögreglu að hann hefði fyrst hitt konuna á dansgólfinu og konan hefði leitað til hans. Myndskeið úr eftirlitsmyndakerfi staðarins staðfestu ekki þessa frásögn. Fyrir dómi var framburður hans öðruvísi og sagðist hann hafa hitt konuna við salernin. Framburður hans um að hafa aðeins stungið fingrum inn í leggöng konunnar samræmdust illa þeim áverkum sem fundust á henni. Reyndi að klemma saman lærin Konan var að mati héraðsdóms trúverðug í framburði sínum og innbyrðis samræmi var í frásögn hennar. Hún lýsti því hvernig hún hefði reynt að klemma saman læri sín til að varna því að henni yrði nauðgað. Læknisvottorð og skoðun læknis á Neyðarmóttöku studdu frásögn hennar. Áverka sem þar var að finna kæmu ekki fram við venjulegar samfarir. Þá var túrtappi í leggöngum konunnar en konan lýsti því að hún hefði verið á blæðingum. Þá studdu frásagnir vinar konunnar, öryggisvarðar á skemmtistaðnum, lögreglumanna, læknis og hjúkrunarfræðings á Neyðarmóttöku frásögn konunnar. Þau báru öll um mikið uppnám konunnar umrædda nótt þar sem hún hefði grátið mikið. Ekki virkur í starfi Pírata síðustu þrjú ár Dómurinn taldi sannað að Reebar hefði brotið á konunni og dæmdi hann til þriggja ára fangelsisvistar. Fram kemur í niðurstöðu dómsins að hann eigi sér engar málsbætur. Hann hafi rekist með freklegum hætti gegn kynfrelsi. Farið var fram á fimm milljónir króna í miskabætur til konunnar en henni voru dæmdar þrjár milljónir króna í bætur í héraði. Landsréttur lækkaði þá upphæð í tvær milljónir í dómi sínum í dag. Reebar var haustið 2018 kjörinn áheyrnarfulltrúi framkvæmdaráðs Pírata á aðalfundi flokksins á Selfossi. Í frétt Eyjunnar, þar sem vísað var í tilkynningu frá Pírötum, kom fram að Reebar væri hælisleitandi frá Kúrdistan sem hefði verið virkur í starfi Pírata. Lögum samkvæmt gæti hann ekki tekið stöðu í framkvæmdaráði flokksins. Lögð var fram tillaga um að gera hann að áheyrnarfulltrúa og var tillagan samþykkt með rífandi lófataki. Eftir að dómur var kveðinn upp í héraði í febrúar í fyrra sendu Píratar frá sér tilkynningu þar sem fram kom að þeir hefðu fyrst þá heyrt af málinu. Reebar hefði ekki haft neina aðkomu að starfi Pírata í um tvö ár. Dómsmál Kynferðisofbeldi Reykjavík Tengdar fréttir Þriggja ára dómur fyrir nauðgun á kvennasalerni í Reykjavík Reebar Abdi Mohammed, 34 ára karlmaður frá Kúrdistan sem látið hefur að sér kveða í starfi Pírata, hefur verið dæmdur í þriggja ára fangelsi í Héraðsdómi Reykjavíkur fyrir nauðgun á kvennasalernisbás skemmtistaðar í Reykjavík í febrúar 2019. 25. febrúar 2021 10:46 Mest lesið Leitin enn ekki borið árangur Erlent Íransforseti fórst í þyrluslysinu Erlent Tveir látnir og fimm saknað eftir slys í Dóná Erlent Diddy biðst afsökunar á „ófyrirgefanlegri hegðun“ Erlent Frambjóðendur geti nýtt sér skoðanakannanir Innlent Varasamt að ferðast á sumardekkjum í kvöld Innlent Áfall þegar samskipti Katrínar og Kára voru birt Innlent Forsetavaktin 2024: Hver verður sjöundi forseti lýðveldisins? Innlent Stuðningur Katrínar við sóttvarnarlækni sjálfsagður Innlent Þekkir dæmi um endalaus uppköst og garnalömun vegna lyfjanna Innlent Fleiri fréttir Frambjóðendur geti nýtt sér skoðanakannanir Glæsilegt fuglasafn í veiðihúsinu við Hítará Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni Sjá meira
Í dómi Landsréttar kom fram að Reebar ætti sér engar málsbætur en hann hefði ráðist með freklegum hætti gegn kynfrelsi konunnar. Við ákvörðun refsingar var litið til þess að hann hefði ekki áður gerst sekur um refsiverða háttsemi. Komst að lokum undan honum Reebar var gefið að sök að hafa haft samræði og önnur kynferðismök við konu án hennar samþykkis með því að beita hana ofbeldi og ólögmætri nauðung og nýta sér yfirburði sína vegna aðstöðu- og aflsmunar og þess að hún gat ekki spornað við verknaðinum sökum áhrifa áfengis. Lýsti hún því að Reebar hefði komið að henni þar sem hún stóð fyrir framan kvennasalerni skemmtistaðarins, kysst hana og leitt inn á salerni og þar inn á salernisbás. Þar hefði hann lagt hönd sína á ber kynfæri hennar, dregið niður um hana buxurnar, stungið fingrum í leggöng og síðan þvingað eða reynt að þvinga lim sínum í leggöng hennar. Í framhaldinu hafi hann reynt að láta hana hafa við sig munnmök en þá hafi hún komist undan honum. Upptökur úr eftirlitsmyndavél sögðu aðra sögu Á meðan á öllu stóð hafi hún gripið um hár hennar en hún reynt ítrekað með orðum og athöfnum að fá Reebar til að láta af háttsemi sinna. Konan hlaut sprungu ofan sníps, roða, sár og mar á hymen og sprungu á spöng. Reebar neitaði sök en viðurkenndi hjá lögreglu og fyrir dómi að hafa hitt konuna á skemmtistaðnum. Hans frásögn var á þá leið að hún hefði beðið hann um að hafa við sig samræði á salerninu. Hann hefði ekki verið með smokk og því ekki viljað það. Hann hefði veitt henni munnmök auk þess að koma við brjóst hennar og stinga fingri í leggöng. Hún hefði sjálf afklæðst inni á salerninu. Reebar sagði endurtekið hjá lögreglu að hann hefði fyrst hitt konuna á dansgólfinu og konan hefði leitað til hans. Myndskeið úr eftirlitsmyndakerfi staðarins staðfestu ekki þessa frásögn. Fyrir dómi var framburður hans öðruvísi og sagðist hann hafa hitt konuna við salernin. Framburður hans um að hafa aðeins stungið fingrum inn í leggöng konunnar samræmdust illa þeim áverkum sem fundust á henni. Reyndi að klemma saman lærin Konan var að mati héraðsdóms trúverðug í framburði sínum og innbyrðis samræmi var í frásögn hennar. Hún lýsti því hvernig hún hefði reynt að klemma saman læri sín til að varna því að henni yrði nauðgað. Læknisvottorð og skoðun læknis á Neyðarmóttöku studdu frásögn hennar. Áverka sem þar var að finna kæmu ekki fram við venjulegar samfarir. Þá var túrtappi í leggöngum konunnar en konan lýsti því að hún hefði verið á blæðingum. Þá studdu frásagnir vinar konunnar, öryggisvarðar á skemmtistaðnum, lögreglumanna, læknis og hjúkrunarfræðings á Neyðarmóttöku frásögn konunnar. Þau báru öll um mikið uppnám konunnar umrædda nótt þar sem hún hefði grátið mikið. Ekki virkur í starfi Pírata síðustu þrjú ár Dómurinn taldi sannað að Reebar hefði brotið á konunni og dæmdi hann til þriggja ára fangelsisvistar. Fram kemur í niðurstöðu dómsins að hann eigi sér engar málsbætur. Hann hafi rekist með freklegum hætti gegn kynfrelsi. Farið var fram á fimm milljónir króna í miskabætur til konunnar en henni voru dæmdar þrjár milljónir króna í bætur í héraði. Landsréttur lækkaði þá upphæð í tvær milljónir í dómi sínum í dag. Reebar var haustið 2018 kjörinn áheyrnarfulltrúi framkvæmdaráðs Pírata á aðalfundi flokksins á Selfossi. Í frétt Eyjunnar, þar sem vísað var í tilkynningu frá Pírötum, kom fram að Reebar væri hælisleitandi frá Kúrdistan sem hefði verið virkur í starfi Pírata. Lögum samkvæmt gæti hann ekki tekið stöðu í framkvæmdaráði flokksins. Lögð var fram tillaga um að gera hann að áheyrnarfulltrúa og var tillagan samþykkt með rífandi lófataki. Eftir að dómur var kveðinn upp í héraði í febrúar í fyrra sendu Píratar frá sér tilkynningu þar sem fram kom að þeir hefðu fyrst þá heyrt af málinu. Reebar hefði ekki haft neina aðkomu að starfi Pírata í um tvö ár.
Dómsmál Kynferðisofbeldi Reykjavík Tengdar fréttir Þriggja ára dómur fyrir nauðgun á kvennasalerni í Reykjavík Reebar Abdi Mohammed, 34 ára karlmaður frá Kúrdistan sem látið hefur að sér kveða í starfi Pírata, hefur verið dæmdur í þriggja ára fangelsi í Héraðsdómi Reykjavíkur fyrir nauðgun á kvennasalernisbás skemmtistaðar í Reykjavík í febrúar 2019. 25. febrúar 2021 10:46 Mest lesið Leitin enn ekki borið árangur Erlent Íransforseti fórst í þyrluslysinu Erlent Tveir látnir og fimm saknað eftir slys í Dóná Erlent Diddy biðst afsökunar á „ófyrirgefanlegri hegðun“ Erlent Frambjóðendur geti nýtt sér skoðanakannanir Innlent Varasamt að ferðast á sumardekkjum í kvöld Innlent Áfall þegar samskipti Katrínar og Kára voru birt Innlent Forsetavaktin 2024: Hver verður sjöundi forseti lýðveldisins? Innlent Stuðningur Katrínar við sóttvarnarlækni sjálfsagður Innlent Þekkir dæmi um endalaus uppköst og garnalömun vegna lyfjanna Innlent Fleiri fréttir Frambjóðendur geti nýtt sér skoðanakannanir Glæsilegt fuglasafn í veiðihúsinu við Hítará Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni Sjá meira
Þriggja ára dómur fyrir nauðgun á kvennasalerni í Reykjavík Reebar Abdi Mohammed, 34 ára karlmaður frá Kúrdistan sem látið hefur að sér kveða í starfi Pírata, hefur verið dæmdur í þriggja ára fangelsi í Héraðsdómi Reykjavíkur fyrir nauðgun á kvennasalernisbás skemmtistaðar í Reykjavík í febrúar 2019. 25. febrúar 2021 10:46