Tak­mörkuðum hópi býðst að fá fjórða skammtinn

Ástæðan fyrir þessu er að þessum hópi bauðst að fá örvunarskammt fyrr en aðrir þar sem tveir skammtar eru ekki taldir vekja fullnægjandi svar, jafnvel til skamms tíma. Greint er frá þessu í tilkynningu frá sóttvarnalækni en fjórði skammturinn telst þá vera hin eiginlega örvunarbólusetning, þegar minnst þrír mánuðir eru liðnir frá þriðja skammti.

Að sögn sóttvarnalæknis þarf meðhöndlandi læknir í mörgum tilvikum að meta hvort líkamsástand eða meðferðarstaða sjúklings gefi tilefni til að hann fái fjórða skammt. Því sé við hæfi að ræða við meðhöndlandi lækni ef óljóst er hvort einstaklingur eigi að sækjast eftir skammtinum. Læknabréf til heilsugæslu og eða í höndum einstaklings geti liðkað fyrir á bólusetningarstað.

Á vef embættis landlæknis má nálgast lista yfir þá undirliggjandi sjúkdóma og ónæmisbælandi meðferðir sem um ræðir.