Dag­skráin í dag: Læri­sveinar Wa­ynes Roon­ey, Lakers, Martin, golf, Blast Premi­er og tengda­sonur Mos­fells­bæjar

Stöð 2 Sport

Klukkan 13.25 tekur Derby County á móti Birmingham City í botnbaráttu ensku B-deildarinnar. Lærisveinar Waynes Rooney halda áfram að reyna hið ómögulega.

Klukkan 17.50 er stórleikur Hauka og Keflavíkur í Subway-deild kvenna í körfubolta á dagskrá.

Stöð 2 Sport 2

Klukkan 20.00 er stórleikur Kansas City Chiefs og Cincinnati Bengals í undanúrslitum NFL-deildarinnar á dagskrá. Klukkan 23.30 er svo hinn undanúrslitaleikurinn, leikur Los Angeles Rams og San Francisco 49ers á dagskrá.

Stöð 2 Sport 3

Klukkan 18.00 er leikur Atlanta Hawks og Los Angeles Lakers í NBA-deildinni í körfubolta á dagskrá.

Stöð 2 Sport 4

Klukkan 18.50 er leikur Tenerife og Valencia í ACB-deildinni í körfubolta á dagskrá.

Stöð 2 E-sport

Klukkan 13.30 hefst upphitun fyrir leiki dagsins í BLAST Premier í CS:GO. Dagskráin er svo fram eftir degi.

Stöð 2 Golf

Dagskráin hefst snemma í golfinu að venju en klukkan 07.00 er Dubai Desert Classic-mótið á dagskrá. Klukkan 19.00 hefst Gainbridge LPGA-mótið.