Handbolti

Ómar Ingi: Er loksins að spila af eðli­legri getu þó það sé margt hægt að bæta

Runólfur Trausti Þórhallsson skrifar
Norðmenn gerðu hvað þeir gátu til að stöðva Ómar Inga í dag.
Norðmenn gerðu hvað þeir gátu til að stöðva Ómar Inga í dag. EPA-EFE/Zsolt Szigetvary

„Ég held það sé alveg tía. Þetta var bara svekkjandi í dag, við börðumst og gáfum allt en þetta voru bara smáatriði í lokin,“ sagði Ómar Ingi Magnússon – ein af hetjum Íslands á Evrópumótinu í handbolta – um hversu þreyttir menn væru á skalanum 1-10 eftir allt sem íslenska liðið hefur gengið í gegnum.

„Og rúmlega það held ég. Við vorum flottir og börðumst, reyndum hvað við gátum en það gekk ekki upp í dag. Því miður,“ sagði þessi magnaði leikmaður aðspurður hvort menn hefðu ekki gefið allt sem þeir áttu inn á vellinum í dag.

„Gríðarlega stoltur, við sýndum gríðarlega samstöðu. Menn duttu út og þegar allskonar atvik komu upp þá þjöppuðum við okkur saman og leystum þá stöðu sem við þurftum að leysa.“

„Ég hef verið pirraður yfir hversu misvel hefur gengið með landsliðinu. Síðustu ár finnst mér ég hafa verið að spila á svona fimm prósent getu með landsliðinu þannig ég er loksins að spila af eðlilegri getu þó það sé margt hægt að bæta og ég geti spilað betur á mörgum köflum. Þetta var stórt skref og vonandi heldur þetta bara áfram,“ sagði Ómar Ingi um frammistöðu sína á Evrópumótinu en hann er markahæsti maður mótsins eins og staðan er í dag. Það var þó aldrei markmiðið fyrir mótið.

„Gaman að skora mörk og allt það en það er oft tilviljunarkennt líka. Held reyndar að lélegur leikmaður geti ekki orðið markahæstur, það er mjög sjaldgæft svo þetta segir eitthvað en ekki alla söguna.“

Er Ísland komið aftur í hóp bestu liða í heimi?

„Já ég held það. Mér finnst við eiga heima í topp sex allavega eins og við lendum núna í. Kannski meira ef við erum aðeins heppnari á köflum en eins og staðan er núna erum við í topp sex og ég er gríðarlega ánægður með það. Það var stórt skref tekið á þess móti,“ sagði Ómar Ingi Magnússon að endingu.

Klippa: Ómar Ingi eftir naumt tap gegn Noregi

Tengdar fréttir

Guðmundur: Með ólíkindum hvað liðið hefur staðið sig stórkostlega

Guðmundur Guðmundsson, þjálfari íslenska karlalandsliðsins í handbolta, kvaðst afar stoltur af sínu liði eftir leikinn gegn Noregi um 5. sætið á EM í dag. Norðmenn unnu, 33-34, þökk sé flautumarki Haralds Reinkind og tryggðu sér þar með sæti á HM á næsta ári.

Elska þessa stráka alveg út af lífinu

„Ég held bara að við höfum allir gefið allt sem við áttum í þetta mót. Hvað þá í dag. Þetta eru skrítnar tilfinningar,“ sagði Ýmir Örn Gíslason, fyrirliði Íslands, eftir einkar súrt eins marks gegn Noregi tap um 5. sætið á EM í handbolta í dag.

Bjart­sýnn en svekktur að hafa ekki unnið í dag

Bjarki Már Elísson, ein af stjörnum íslenska landsliðsins í handbolta, var eðlilega mjög svekktur eftir súrt eins marks tap Íslands gegn Noregi í framlengdum leik um 5. sæti mótsins. Ekki nóg með að leikur dagsins hafi verið upp á 5. sæti Evrópumótsins heldur var sæti á HM í Póllandi og Svíþjóð á næsta ári í boði.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.