Keyrði próflaus í sjötíu ár

Viktor Örn Ásgeirsson skrifar 27. janúar 2022 23:42

Bíllinn ökumannsins á bílaplani við matvöruverslunina Tesco Extra. Bulwell, Rise Park and Highbury Vale lögreglan í Bretlandi.

Ökumaður á níræðisaldri var nýlega stöðvaður fyrir utan matvöruverslun í Bretlandi. Í ljós kom að maðurinn var próflaus og hafði raunar verið það síðan árið 1938.

Í samtali við lögreglu kvaðst ökumaðurinn hvorki hafa lent í slysi né verið stöðvaður af lögreglu. Hann hóf ökuferilinn tólf ára og hafði aldrei hugað að því að taka bílprófið.

Bíllinn mannsins var þar að auki ótryggður og sagði ökumaðurinn aldraði við lögreglu að hann hefði aldrei nokkurn tíma tekið bílatryggingar.

Lögreglan í Bulwell í Nottingham í Bretlandi greindi frá málinu á Facebook síðu sinni og fannst málið greinilega hálfspaugilegt.

„Með auknum fjölda myndavéla þurfa ökumenn að vara sig. Við hvetjum alla til að huga að tryggingum enda munum við ná ykkur - fyrr eða síðar,“ sagði lögreglan í háði á Facebook. Breska ríkisútvarpið greindi frá.

Bretland England

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.