Hádegisfréttir Bylgjunnar

Gunnar Reynir Valþórsson skrifar 20. janúar 2022 11:30

Í hádegisfréttum verða raunir íslenska landsliðsins handbolta að sjálfsögðu fyrirferðarmiklar en fimm leikmenn liðsins hafa nú greinst með kórónuveiruna.

Í morgun bættust þeir Aron Pálmarsson og Bjarki Már Elísson í hópinn.

Þá verður rætt við sóttvarnalækni sem segir að tvíbólusett börn muni mögulega sleppa við að fara í sóttkví en í skoðun er að breyta þeim reglum.

Einnig verður rætt við framkvæmdastjóra N1 en fyrirtækið hefur verið harðlega gagnrýnt síðustu daga. Framkvæmdastjórinn hafnar því alfarið að viðskiptavinir séu beittir blekkingum í tengslum við þrautavaraleið á sölu raforku.

Að endingu verður rætt við nokkra eldhressa stuðningsmenn strákanna okkar sem skelltu sér til Búdapest í morgun til að hvetja liðið áfram í Danaleiknum.

Hádegisfréttir Bylgjunnar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.