Lífið

Reyndi að stela sæði Drake en sakar hann um að hafa sett „hot sauce“ í smokkinn

Elma Rut Valtýsdóttir skrifar
Tónlistarmaðurinn Drake er sagður hafa gripið til örþrifaráðs til þess að koma í veg fyrir það að hjásvæfa hans gæti notað sæðið hans.
Tónlistarmaðurinn Drake er sagður hafa gripið til örþrifaráðs til þess að koma í veg fyrir það að hjásvæfa hans gæti notað sæðið hans. GETTY/PARAS GRIFFIN

Instagram-fyrirsæta nokkur hefur stigið fram með heldur athyglisverðar ásakanir á hendur tónlistarmanninum Drake. Hollywood-spekingurinn Birta Líf segir frá því ásamt fleiru í Brennslutei vikunnar á FM957.

„Hann hitti stelpu á djamminu, allt gott og blessað og þau sofa síðan saman. Hún fer síðan inn á baðherbergi og hann heyrir svo bara í henni öskra. Hann hleypur inn og spyr hvað sé í gangi. Þá hafði hún tekið smokkinn sem þau voru búin að nota og reynt að setja sæðið inn í sig til að verða ólétt eftir Drake,“ segir Birta Líf frá.

Ástæða þess að hún öskraði var þó sú að Drake er sagður hafa sett „hot sauce“ eða sterka sósu ofan í smokkinn eftir kynlífið. Slúðurmiðlar vestanhafs segja hann hafa gert þetta til þess að drepa sæðisfrumurnar og koma í veg fyrir að hjásvæfur hans geti notað sæði hans, eins og fyrirsætan reyndi að gera.

„Hún náttúrlega brann og þetta var ekkert eðlilegt vont, ég get ekki ímyndað mér,“ en fyrirsætan ónefnda er sögð hafa tekið smokkinn upp úr ruslinu og því er þetta meinta örþrifaráð Drake kannski ekki komið til að ástæðulausu.

Drake er talinn vísa til málsins undir nýlegri Instagram-mynd þar sem hann skrifar: „Þú getur fengið þínar 15 mínútur af frægð... En ég tek hinar 23 klukkustundirnar og 45 mínúturnar.“

Sjaldan lognmolla í kringum Kardashian fjölskylduna

„Síðasta vika var bara rosaleg. Kardashian heimurinn er náttúrlega bara að springa. Það er allt að gerast þar,“ segir Birta Líf.

Eins og Vísir hefur fjallað um er tónlistarmaðurinn Kanye West kominn með nýja kærustu, leikkonuna Juliu Fox.

„Það eru margir sem halda að þetta sé sett upp, en svo eru líka margir sem halda að Kanye sé að sýna okkur, alheiminum, að það skipti ekki máli með hverjum hann er, hann geti gert alla fræga.“

Sjá einnig: Nýja kærasta Kanye West staðfestir sambandið í pistli og myndatöku

Í þættinum ræðir Birta einnig drama í afmæli sem Kardashian fjölskyldan hélt um helgina, steypiboð Kylie Jenner, getgátur um nafn ófædds barns hennar og hverjir munu koma fram á tónlistarhátíðinni Coachella.

Sjá einnig:  Kanye ósáttur út af barnaafmæli og rappar um að berja Pete Davidson

Hér að neðan má hlusta á Brennslute vikunnar í heild sinni.


Tengdar fréttir

Nýja kærasta Kanye West staðfestir sambandið í pistli og myndatöku

Rapparinn Kanye West og leikkonan Julia Fox hafa sést saman á hinum ýmsu stefnumótum síðan þau kynntust á gamlársdag fyrir rúmri viku síðan og hefur Julia nú staðfest sambandið. Hún lýsir sambandinu ítarlega og segir það eins og að upplifa ævintýri.

Segir sam­band Kim Kar­dashian og Pete David­son loksins opin­bert

„Þetta er orðið opinbert. Ég er búin að vera lengi að sætta mig við þetta, en þetta er bara svona. Þau eru saman,“ segir Hollywood-spekingurinn Birta Líf Ólafsdóttir um sambandið sem allra augu hafa verið á síðustu mánuði, þeirra Kim Kardashian og Pete Davidson.

Thomp­son sagður hafa eignast barn í lausa­leik

Hin 31 árs gamla Maralee Nichols eignaðist barn á dögunum og segir hún körfuboltaleikmanninn Tristan Thompson vera faðir barnsins. Thompson hefur viðurkennt að hann hafi sofið hjá Nichols en hann var aftur á móti í sambandi með Khloé Kardashian þegar barnið kom undir.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.