Blásið til sóknar á Hlíðarenda Runólfur Trausti Þórhallsson skrifar 18. janúar 2022 07:01 Patrick Pedersen er með betri framherjum Íslands. Guðmundur Andri Tryggvason gæti leikið í stöðu framherja í sumar ef Heimir Guðjónsson ákveður að breyta um kerfi. Vísir/Hulda Margrét Þó enn sé töluvert í að knattspyrnusumarið hér á landi fari af stað þá er aldrei of snemmt að spá í spilin. Eftir skelfingartímabil á síðasta ári hafa Valsmenn blásið í herlúðra og virðist sem markmiðið sé einfaldlega að skora meira en hinir. Það hefur mikið gengið á hjá Val síðan síðasta tímabili lauk. Landsliðsmarkvörðurinn fyrrverandi Hannes Þór Halldórsson er horfinn á braut, Kristinn Freyr Sigurðsson er farinn í FH og þá eru leikmenn á borð við Johannes Vall, Kaj Leo í Bartalsstovu og Magnus Egilsson allir samningslausir. Þá hefur þjálfarateymið orðið fyrir skakkaföllum. Túfa, Srdjan Tufegdzic, aðstoðarþjálfari liðsins ákveðið að söðla um og halda til Svíþjóðar þar sem hann mun þjálfa B-deildarlið Öster. Eiríkur K. Þorvarðarson, markmannsþjálfari, hefur einnig ákveðið að kalla þetta gott og virðist hafa lagt þjálfara-hanskana á hilluna. Í stað Túfa hefur landsliðsframherjinn fyrrverandi Helgi Sigurðsson verið ráðinn sem aðstoðarmaður Heimis. Valur hefur til þessa sótt fimm nýja leikmenn til að fylla skarð þeirra sem horfið hafa á braut. Þeir eru: Guy Smit (markvörður) frá Leikni Reykjavík Heiðar Ægisson (bakvörður) frá Stjörnunni Orri Hrafn Kjartansson (miðjumaður) frá Fylki Ágúst Eðvald Hlynsson (miðjumaður) á láni frá Horsens Aron Jóhannsson (sóknarmaður) frá Lech Poznań Mögulega á Helgi að hjálpa til við að slípa saman sóknarleik liðsins en sem stendur mætti segja að það séu sex til sjö leikmenn að berjast um fremstu fjórar stöðurnar í liðinu. Það er ef Heimir heldur sig við 4-2-3-1 leikkerfið sem hann hefur spilað síðan hann tók við Valsliðinu fyrir tímabilið 2020. Vísir ræddi við fótboltaofvitana Gumma Ben og Hrafnkel Frey um líklegt byrjunarlið Vals í sumar. Báðir voru sammála um að Valur myndi líklega spila einhverja útfærslu af 3-5-2 leikkerfi í sumar en þeir voru þó ekki á allt sammála hvaða leikmenn yrðu í fremstu línu. Ólafur Jóhannesson stillti nánast upp í 3-3-4 í upphafi tímabils 2018 og gæti verið að 3-5-2 leikkerfi Vals í sumar yrði nær 3-3-4 leikkerfi Ólafs. Hver verður upp á topp? Í Patrick Pedersen er Valur með einn albesta sóknarmann á Íslandi. Þó hann hafi aðeins skorað 9 mörk í 21 leik á síðustu leiktíð er hann alls með 104 mörk í 166 KSÍ-leikjum, þar af 79 mörk í 121 deildarleik fyrir Val. Aron Jóhannsson ætti að verða með betri leikmönnum Íslandsmótsins ef hann helst heill. Það er svona stærsta spurningin hvað hann varðar, og svo auðvitað hvar hann mun spila í liði Vals. Vísi skilst að Heimir sé að íhuga að nota Aron „í holunni“ fyrir aftan fremsta eða fremstu menn. Aron Jóhannsson er genginn í raðir Valsmanna eftir rúman áratug í atvinnumennsku.Stöð 2 Tryggvi Hrafn Haraldsson skoraði reglulega er hann lék upp á topp hjá ÍA tímabilið 2019 og 2020. Guðmundu Andri Tryggvason hefur að mestu leikið úti á vinstri væng á sínum ferli en hann var mjög sprækur er hann lék frammi í 4-4-2 leikkerfi Víkings sumarið 2019. Tryggvi Hrafn lék aðallega á vængnum hjá Val á síðustu leiktíð en hann yrði notaður meira miðsvæðis ef Heimir ákveður að breyta um leikkerfi. Hinn ungi Sverrir Páll Hjaltested er einnig framherji en það er erfitt að sjá hvar hann passar inn í sóknarlínu Vals um þessar mundir. Sigurður Egill Lárusson hefur líkt og Guðmundur Andri aðallega leikið sem vinstri vængmaður á sínum ferli. Í stað þess að færast framar gæti hann hins vegar færst aftar. Ef Heimir ákveður að spila 3-5-2 gæti Sigurður Egill nýst vel sem vængbakvörður. Hvort það sama eigi svo við Andra Adolphsson er alls óvíst. Báðir verða þeir samningslausir í haust. Sigurður Egill sveiflar hér hægri fæti en hann er mun vanari því að gefa fyrir með vinstri. Hann gæti mögulega orðið að vængbakverði í nýju leikkerfi Vals.vísir/bára Tækni, hlaupageta og harka á miðjunni? Ef Aron eða Tryggvi Hrafn verða notaðir „í holunni“ er ljóst að það verða fimm til sex leikmenn að berjast um tvær stöður á miðri miðju Valsliðsins. Fyrirliðinn Haukur Páll Sigurðsson hefur haldið miðju Vals saman undanfarin 12 ár. Reynsluboltinn Arnór Smárason náði ekki að sýna sínar bestu hliðar á síðustu leiktíð og vill eflaust minna landann á hvers hann er megnugur. Haukur Páll Sigurðsson er ekkert að yngjast.VÍSIR/HAG Birkir Heimisson kom sterkur inn á síðustu leiktíð og hefur verið hluti af U-21 árs landsliðshóp Íslands í undanförnum verkefnum. Almarr Ormarsson leysti margar stöður síðasta sumar og stóð sig með prýði. Birkir Heimisson hefur spilað miðvörð með U-21 árs landsliðinu og Haukur Páll er ekki að yngjast. Mögulega gæti annar þeirra spilað í öftustu línu í sumar. Þá hefur Val sótt tvo leikmenn sem leika einnig miðsvæðis. Orri Hrafn Kjartansson kom frá Fylki og Ágúst Eðvald Hlynsson kom á láni frá Horsens í Danmörku. Sá síðarnefndi var á láni hjá FH fyrri hluta síðasta sumar og stóð sig mjög vel. Hann reiknar eflaust með að spila á meðan hann er hér á landi, hvar það verður á vellinum á eftir að koma í ljós. Ágúst Eðvald var á láni hjá FH í fyrra. Hann er nú mættur á Hlíðarenda.Vísir/Bára Orri Hrafn getur svo leikið allstaðar á miðjunni og verður forvitnilegt að sjá hvar Heimir mun finna pláss fyrir þennan unga og efnilega leikmann. Hinn danski Christian Køhler var með samning út næstu leiktíð en svo virðist sem Valur hafi rift samningnum og hann verði ekki hluti af liðinu í sumar. Margt eftir að gerast Það á vissulega margt eftir að gerast þangað til efsta deild karla hér á landi - sem á enn eftir að fá nýtt nafn - fer af stað þann 4. apríl. Vinstri bakvörðurinn Böðvar Böðvarsson hefur mætt á æfingar á Hlíðarenda eftir að samningur hans í Svíþjóð rann út og gæti hann hleypt ýmsum hugmyndum hér að ofan í uppnám. Hvort Heimir hlusti á þá Gumma og Hrafnkel mun svo koma í ljós þegar undirbúningstímabilið fer á fullt á næstu vikum. Hver veit nema hann haldi sig bara við 4-2-3-1 leikkerfi sitt og hafi annan af stjörnuframherjum liðsins á bekknum. Svona gæti byrjunarlið Vals litið út næsta sumar. Svo gæti það einfaldlega verið allt öðruvísi. Fótbolti Íslenski boltinn Valur Pepsi Max-deild karla Mest lesið Harma auglýsingar á gólfi og vilja banna þær eftir meiðsli Martins Körfubolti Drakk átta bjóra fyrir beina útsendingu Fótbolti Sjáðu dramatísku vítakastskeppnina í Eyjum Handbolti Segir aðeins þau hlutlausu hafa skemmt sér yfir fótbolta Ten Hag Enski boltinn Vatnaskil hjá Red Bull og risafréttir fyrir Formúlu 1 Formúla 1 Rangnick hafnar Bayern München Fótbolti Fengið nóg af því að vera ruslakista fyrir viðbjóð frá fólki Körfubolti Sló í myndavél og gæti fengið bann Körfubolti Skúrkurinn endaði sem hetjan Íslenski boltinn Veikur og meiddur Doncic fór á kostum og Boston flaug áfram Körfubolti Fleiri fréttir Besta upphitunin: „Finn ekki fyrir pressunni“ Skúrkurinn endaði sem hetjan FH fékk tvær sektir frá KSÍ Heillaóskum rigndi yfir fimmtán ára hetju Fram í skólanum „Vestri hefur verið að taka leikhlé“ „Þú veist alveg svarið við þessu“ Víkingar bjóða Grindvíkingum í Víkina á morgun Félögin sömdu um að banna Sigurbergi að spila Gáttaðar á því að fyrirliði Víkings var settur á bekkinn Guy Smit sendir frá sér afsökunarbeiðni Keflavík og Aftureldingu spáð sigri í Lengjudeildunum Bara Eiður Smári og Bjargvætturinn höfðu skorað fyrir sextán ára afmælið Sjáðu ungar hetjur bjarga Fram og Stjörnunni Hundfúll og ýtti ungum KR-krökkum frá sér: „Ekki fallegt að sjá“ Valur sýndi Berglindi meiri áhuga en Breiðablik „Við eigum að geta varist föstum leikatriðum“ „Það er mikill efniviður í Fram“ Uppgjör, viðtöl og myndir: Valur - Fram 1-1 | Ungir Framarar halda áfram að stela senunni Uppgjör og viðtöl: Fylkir - Stjarnan 0-1 | Stjörnumenn stálu öllum stigunum „Nú verður Edda brjáluð þegar ég hitti hana næst“ Áfall fyrir Vestra: Eiður Aron brotinn og lengi frá Fyrstir í sautján ár til að vinna fjóra fyrstu leikina tvö ár í röð Tvær skráðar með sama númer á skýrslu og sú rétta fékk ekki markið Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum „Veit ekki af hverju ég ætti að vera að láta mig detta“ Uppgjör: Víkingur - KA 4-2 | Ekkert fær meistarana stöðvað Sjá meira
Það hefur mikið gengið á hjá Val síðan síðasta tímabili lauk. Landsliðsmarkvörðurinn fyrrverandi Hannes Þór Halldórsson er horfinn á braut, Kristinn Freyr Sigurðsson er farinn í FH og þá eru leikmenn á borð við Johannes Vall, Kaj Leo í Bartalsstovu og Magnus Egilsson allir samningslausir. Þá hefur þjálfarateymið orðið fyrir skakkaföllum. Túfa, Srdjan Tufegdzic, aðstoðarþjálfari liðsins ákveðið að söðla um og halda til Svíþjóðar þar sem hann mun þjálfa B-deildarlið Öster. Eiríkur K. Þorvarðarson, markmannsþjálfari, hefur einnig ákveðið að kalla þetta gott og virðist hafa lagt þjálfara-hanskana á hilluna. Í stað Túfa hefur landsliðsframherjinn fyrrverandi Helgi Sigurðsson verið ráðinn sem aðstoðarmaður Heimis. Valur hefur til þessa sótt fimm nýja leikmenn til að fylla skarð þeirra sem horfið hafa á braut. Þeir eru: Guy Smit (markvörður) frá Leikni Reykjavík Heiðar Ægisson (bakvörður) frá Stjörnunni Orri Hrafn Kjartansson (miðjumaður) frá Fylki Ágúst Eðvald Hlynsson (miðjumaður) á láni frá Horsens Aron Jóhannsson (sóknarmaður) frá Lech Poznań Mögulega á Helgi að hjálpa til við að slípa saman sóknarleik liðsins en sem stendur mætti segja að það séu sex til sjö leikmenn að berjast um fremstu fjórar stöðurnar í liðinu. Það er ef Heimir heldur sig við 4-2-3-1 leikkerfið sem hann hefur spilað síðan hann tók við Valsliðinu fyrir tímabilið 2020. Vísir ræddi við fótboltaofvitana Gumma Ben og Hrafnkel Frey um líklegt byrjunarlið Vals í sumar. Báðir voru sammála um að Valur myndi líklega spila einhverja útfærslu af 3-5-2 leikkerfi í sumar en þeir voru þó ekki á allt sammála hvaða leikmenn yrðu í fremstu línu. Ólafur Jóhannesson stillti nánast upp í 3-3-4 í upphafi tímabils 2018 og gæti verið að 3-5-2 leikkerfi Vals í sumar yrði nær 3-3-4 leikkerfi Ólafs. Hver verður upp á topp? Í Patrick Pedersen er Valur með einn albesta sóknarmann á Íslandi. Þó hann hafi aðeins skorað 9 mörk í 21 leik á síðustu leiktíð er hann alls með 104 mörk í 166 KSÍ-leikjum, þar af 79 mörk í 121 deildarleik fyrir Val. Aron Jóhannsson ætti að verða með betri leikmönnum Íslandsmótsins ef hann helst heill. Það er svona stærsta spurningin hvað hann varðar, og svo auðvitað hvar hann mun spila í liði Vals. Vísi skilst að Heimir sé að íhuga að nota Aron „í holunni“ fyrir aftan fremsta eða fremstu menn. Aron Jóhannsson er genginn í raðir Valsmanna eftir rúman áratug í atvinnumennsku.Stöð 2 Tryggvi Hrafn Haraldsson skoraði reglulega er hann lék upp á topp hjá ÍA tímabilið 2019 og 2020. Guðmundu Andri Tryggvason hefur að mestu leikið úti á vinstri væng á sínum ferli en hann var mjög sprækur er hann lék frammi í 4-4-2 leikkerfi Víkings sumarið 2019. Tryggvi Hrafn lék aðallega á vængnum hjá Val á síðustu leiktíð en hann yrði notaður meira miðsvæðis ef Heimir ákveður að breyta um leikkerfi. Hinn ungi Sverrir Páll Hjaltested er einnig framherji en það er erfitt að sjá hvar hann passar inn í sóknarlínu Vals um þessar mundir. Sigurður Egill Lárusson hefur líkt og Guðmundur Andri aðallega leikið sem vinstri vængmaður á sínum ferli. Í stað þess að færast framar gæti hann hins vegar færst aftar. Ef Heimir ákveður að spila 3-5-2 gæti Sigurður Egill nýst vel sem vængbakvörður. Hvort það sama eigi svo við Andra Adolphsson er alls óvíst. Báðir verða þeir samningslausir í haust. Sigurður Egill sveiflar hér hægri fæti en hann er mun vanari því að gefa fyrir með vinstri. Hann gæti mögulega orðið að vængbakverði í nýju leikkerfi Vals.vísir/bára Tækni, hlaupageta og harka á miðjunni? Ef Aron eða Tryggvi Hrafn verða notaðir „í holunni“ er ljóst að það verða fimm til sex leikmenn að berjast um tvær stöður á miðri miðju Valsliðsins. Fyrirliðinn Haukur Páll Sigurðsson hefur haldið miðju Vals saman undanfarin 12 ár. Reynsluboltinn Arnór Smárason náði ekki að sýna sínar bestu hliðar á síðustu leiktíð og vill eflaust minna landann á hvers hann er megnugur. Haukur Páll Sigurðsson er ekkert að yngjast.VÍSIR/HAG Birkir Heimisson kom sterkur inn á síðustu leiktíð og hefur verið hluti af U-21 árs landsliðshóp Íslands í undanförnum verkefnum. Almarr Ormarsson leysti margar stöður síðasta sumar og stóð sig með prýði. Birkir Heimisson hefur spilað miðvörð með U-21 árs landsliðinu og Haukur Páll er ekki að yngjast. Mögulega gæti annar þeirra spilað í öftustu línu í sumar. Þá hefur Val sótt tvo leikmenn sem leika einnig miðsvæðis. Orri Hrafn Kjartansson kom frá Fylki og Ágúst Eðvald Hlynsson kom á láni frá Horsens í Danmörku. Sá síðarnefndi var á láni hjá FH fyrri hluta síðasta sumar og stóð sig mjög vel. Hann reiknar eflaust með að spila á meðan hann er hér á landi, hvar það verður á vellinum á eftir að koma í ljós. Ágúst Eðvald var á láni hjá FH í fyrra. Hann er nú mættur á Hlíðarenda.Vísir/Bára Orri Hrafn getur svo leikið allstaðar á miðjunni og verður forvitnilegt að sjá hvar Heimir mun finna pláss fyrir þennan unga og efnilega leikmann. Hinn danski Christian Køhler var með samning út næstu leiktíð en svo virðist sem Valur hafi rift samningnum og hann verði ekki hluti af liðinu í sumar. Margt eftir að gerast Það á vissulega margt eftir að gerast þangað til efsta deild karla hér á landi - sem á enn eftir að fá nýtt nafn - fer af stað þann 4. apríl. Vinstri bakvörðurinn Böðvar Böðvarsson hefur mætt á æfingar á Hlíðarenda eftir að samningur hans í Svíþjóð rann út og gæti hann hleypt ýmsum hugmyndum hér að ofan í uppnám. Hvort Heimir hlusti á þá Gumma og Hrafnkel mun svo koma í ljós þegar undirbúningstímabilið fer á fullt á næstu vikum. Hver veit nema hann haldi sig bara við 4-2-3-1 leikkerfi sitt og hafi annan af stjörnuframherjum liðsins á bekknum. Svona gæti byrjunarlið Vals litið út næsta sumar. Svo gæti það einfaldlega verið allt öðruvísi.
Fótbolti Íslenski boltinn Valur Pepsi Max-deild karla Mest lesið Harma auglýsingar á gólfi og vilja banna þær eftir meiðsli Martins Körfubolti Drakk átta bjóra fyrir beina útsendingu Fótbolti Sjáðu dramatísku vítakastskeppnina í Eyjum Handbolti Segir aðeins þau hlutlausu hafa skemmt sér yfir fótbolta Ten Hag Enski boltinn Vatnaskil hjá Red Bull og risafréttir fyrir Formúlu 1 Formúla 1 Rangnick hafnar Bayern München Fótbolti Fengið nóg af því að vera ruslakista fyrir viðbjóð frá fólki Körfubolti Sló í myndavél og gæti fengið bann Körfubolti Skúrkurinn endaði sem hetjan Íslenski boltinn Veikur og meiddur Doncic fór á kostum og Boston flaug áfram Körfubolti Fleiri fréttir Besta upphitunin: „Finn ekki fyrir pressunni“ Skúrkurinn endaði sem hetjan FH fékk tvær sektir frá KSÍ Heillaóskum rigndi yfir fimmtán ára hetju Fram í skólanum „Vestri hefur verið að taka leikhlé“ „Þú veist alveg svarið við þessu“ Víkingar bjóða Grindvíkingum í Víkina á morgun Félögin sömdu um að banna Sigurbergi að spila Gáttaðar á því að fyrirliði Víkings var settur á bekkinn Guy Smit sendir frá sér afsökunarbeiðni Keflavík og Aftureldingu spáð sigri í Lengjudeildunum Bara Eiður Smári og Bjargvætturinn höfðu skorað fyrir sextán ára afmælið Sjáðu ungar hetjur bjarga Fram og Stjörnunni Hundfúll og ýtti ungum KR-krökkum frá sér: „Ekki fallegt að sjá“ Valur sýndi Berglindi meiri áhuga en Breiðablik „Við eigum að geta varist föstum leikatriðum“ „Það er mikill efniviður í Fram“ Uppgjör, viðtöl og myndir: Valur - Fram 1-1 | Ungir Framarar halda áfram að stela senunni Uppgjör og viðtöl: Fylkir - Stjarnan 0-1 | Stjörnumenn stálu öllum stigunum „Nú verður Edda brjáluð þegar ég hitti hana næst“ Áfall fyrir Vestra: Eiður Aron brotinn og lengi frá Fyrstir í sautján ár til að vinna fjóra fyrstu leikina tvö ár í röð Tvær skráðar með sama númer á skýrslu og sú rétta fékk ekki markið Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum „Veit ekki af hverju ég ætti að vera að láta mig detta“ Uppgjör: Víkingur - KA 4-2 | Ekkert fær meistarana stöðvað Sjá meira