Bíó og sjónvarp

The Power of the Dog og Succession sigursæl á Golden Globe

Hólmfríður Gísladóttir skrifar
Power of the Dog þótti besta dramatíska myndin og þá hlaut Jane Campion verðlaunin fyrir bestu leikstjórn. Er hún aðeins þriðja konan til að hljóta verðlaunin.
Power of the Dog þótti besta dramatíska myndin og þá hlaut Jane Campion verðlaunin fyrir bestu leikstjórn. Er hún aðeins þriðja konan til að hljóta verðlaunin.

Kvikmyndin The Power of the Dog og sjónvarpsþáttaröðin Succession stóðu uppi sem sigurvegarar kvöldsins þegar Golden Globe-verðlaunahátíðin fór fram í gærkvöldi. Um var að ræða eina lágstemmdustu hátíð Hollywood í manna minnum en engar stjörnur voru viðstaddar.

The Power of the Dog hlaut verðlaunin fyrir besta drama auk þess sem Jane Campion hlaut fékk verðlaunin fyrir bestu leikstjórn. Þá hlaut leikarinn Kodi Smit-McPhee verðlaunin fyrir besta leik í aukahlutverki.

Will Smith hlaut verðlaunin fyrir besta leik í aðalhlutverki í drama fyrir hlutverk sitt í King Richard og Nicole Kidman fyrir Being the Ricardos, þar sem Kidman fer með hlutverk Lucille Ball.

West Side Story gerði einnig gott mót og hlaut verðlaunin fyrir bestu söngleikja- eða gamanmynd og leikkonan Rachel Zegler fékk verðlaunin fyrir besta leik í aukahlutverki.

Kate Winslet var verðlaunuð fyrir leik sinn í Mare of Easttown.

Dramaþáttaröðin Succession var valin best í sínum flokki og þá fengu Jeremy Strong og Sarah Snook verðlaunin fyrir besta leikara í aðalhlutverki og bestu leikkonu í aukahlutverki. Hacks var útnefnd besta gamanþáttaröðin og Jean Smart sem besta leikkonan í aðalhlutverki. Þá hlaut Jason Sudeikis verðlaunin fyrir besta leik í aðahlutverki í þáttunum Ted Lasso og O Yeong-Su fyrir besta leik í aukahlutverki fyrir hina gríðarvinsælu þáttaröð Squid Games.

Kate Winslet var verðlaunuð fyrir hlutverk sitt í Mare of Easttown og Michale Keaton fyrir Dopesick. Þá hlaut tónlistarkonan Billie Eilish verðlaunin fyrir besta lag, fyrir No Time To Die úr samnefndri Bond-mynd.

Golden Globe-verðlaunahátíðin hefur mátt sæta mikilli gagnrýni síðustu misseri, ekki síst fyrir afar einsleitan hóp meðal þeirra sem greiða atkvæði um verðlaunin; Hollywood Foreign Press Association. Samtökin hafa gert tilraunir til að gera úrbætur en án mikils árangurs.


Tengdar fréttir

The Power of the Dog: Gjá milli þings og þjóðar

The Power of the Dog er „art house“-kvikmynd sem ekki er sýnd í neinu kvikmyndahúsi, hvorki listrænu né öðru, heldur er hún aðeins á Netflix. Óskarverðlaunapískrið umlykur hana þessa dagana en undirritaður var hálf ringlaður eftir áhorfið.

Squid Game: Barnaleikir eru dauðans alvara

Þættirnir Squid Game frá Suður-Kóreu eru orðnir vinsælustu þættir Netflix í sögu streymisveitunnar. Þættirnir þykja varpa ljósi á samfélagsleg vandamál í Suður-Kóreu og víðar.

King Richard: Mynd um tennissystur, en samt aðallega pabba þeirra

Kvikmyndin King Richard fjallar um fyrstu skref Williams-systranna Venus og Serenu í tennisheiminum, en hún sýnd í Sambíóunum og Háskólabíói þessa dagana. Faðir þeirra Richard Williams er þó aðalpersóna myndarinnar og dregur Williams-vagninn, líkt og í upphafi ferils systranna.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.