Lögreglunni á höfuðborgarsvæðinu barst tilkynning um líkamsárás í Kópavogi um klukkan 19.30. Árásarmenn virðast hafa verið fleiri en einn og eru grunaðir um að hafa beitt kylfum og hníf.
Fórnarlambið fékk aðhlynningu á Landspítala og málið er í rannsókn en meira er ekki gefið upp í tilkynningu lögreglu um verkefni gærkvöldsins og næturinnar.
Greint er frá einu öðru verkefni lögreglu en um klukkan 2 í nótt barst tilkynning um mann sem var að áreita fólk í verslun í Kópavogi. Maðurinn ók á brott þegar lögregla kom á vettvang og neitaði að stöðva bifreiðina.
Honum var veitt eftirför um Kópavog og inn í Hafnarfjörð, þar sem naglamotta var notuð til að stöðva för hans.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
