Innlent

1.074 greindust innan­lands í gær

Atli Ísleifsson skrifar
Tæplega 34 þúsund manns hafa nú greinst með kórónuveiruna hér á landi frá upphafi faraldursins.
Tæplega 34 þúsund manns hafa nú greinst með kórónuveiruna hér á landi frá upphafi faraldursins. Vísir/Vilhelm

1.074 greindust með kórónuveiruna innanlands í gær. 459 af þeim 1.074 sem greindust innanlands í gær voru í sóttkví við greiningu, eða 43 prósent. 615 voru utan sóttkvíar, eða 57 prósent.

Þetta kemur fram á síðunni covid.is. 9.125 eru nú í einangrun vegna Covid-19 samanborið við 8.641 í gær. 7.525 eru nú í sóttkví, en voru 6.940 í gær. 584 eru nú í skimunarsóttkví.

Á vef Landspítalans sagði í morgun að þrjátíu sjúklingar liggi nú inni á sjúkrahúsi vegna Covid-19, en voru 28 í gær. Átta eru á gjörgæslu, sami fjöldi og í gær. Fimm eru í öndunarvél.

164 greindust á landamærunum í gær – 161 virkt smit í fyrri landamæraskimun og þrjú í seinni landamæraskimun.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 3.037,4, en var 2.817,3 í gær. Nýgengi á smiti á landamærum er nú 270,5, samanborið við 240,0 í gær.

Alls hafa 33.901 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 39 andlát verið rakin til COVID-19 hér á landi frá upphafi faraldursins.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.