744 greindust innan­lands í gær

Þetta kemur fram á síðunni covid.is. 5.534 eru nú í einangrun vegna Covid-19 samanborið við 4.995 í gær. 7.710 eru nú í sóttkví, en voru 7.060 í gær. 495 eru nú í skimunarsóttkví.

21 sjúklingur liggur nú inni á sjúkrahúsi vegna COVID-19, sami fjöldi og í gær. Sex eru á gjörgæslu, en voru fjórir í gær.

84 greindust á landamærunum í gær – 81 virk smit í fyrri landamæraskimun og þrír í seinni landamæraskimun.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 1526,6, en var 1359,1 í gær. Nýgengi á smiti á landamærum er nú 94,1 , samanborið við 94,1 í gær.

Alls hafa 26.030 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 37 andlát verið rakin til COVID-19 hér á landi frá upphafi faraldursins.

Alls voru tekin 3.256 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 1.724 sýni tekin á landamærunum eða í seinni landamæraskimun og 1.110 í svokallaðri sóttkvíar- og handahófsskimun.