Eitt barn á Landspítala með Covid-19

Alls eru 2.035 í símaeftirliti hjá Covid-göngudeild spítalans, þar af 718 börn. Þetta kemur fram í tilkynningu frá farsóttanefnd Landspítalans.

286 greindust með Covid-19 innanlands í gær og veldur umfangið gríðarlegu álagi á Covid-göngudeildina, símaverið og rakningarteymi Landspítalans.

„Staðan á spítalanum er mjög erfið vegna mikils aðflæðis sjúklinga, bágrar stöðu legurýma og erfiðleika við að manna deildir. Farsóttanefnd og viðbragðsstjórn hafa þungar áhyggjur af stöðunni og þeim blikum sem eru á lofti hvað faraldurinn varðar,“ segir í tilkynningu farsóttanefndar.

Landspítalinn er áfram á hættustigi og er í gildi heimsóknarbann nema gerðar séu sérstakar undantekningar af stjórnendum viðkomandi deildar.