Audi hefur staðfest að arftaki R8 verði hreinn rafbíll

Kristinn Ásgeir Gylfason skrifar 10. desember 2021 07:01

Audi hefur staðdest að arftaki R8 ofurbílsins verði hreinn rafbíll. Yfirmaður vörumarkaðssetningar hjá Audi Sport, Linda Kurz, sagði í samtali við Roadshow að nýi R bíllinn myndi ekki notast við brunahreyfil.

„Okkar næsta áskorun er að umbylta R deildinni hjá okkur og hún verður alfarið rafdrifin. Þetta er okkar verkefni næsta áratuginn,“ sagði Linda Kurz í samtali við Roadshow.

Það þýðir ekki endilega að Audi ætli sér að framleiða aðra kynslóð af R8, en það er ljóst að flaggskipið verður hreinn rafbíll. Kurz bætti við að rafvæðingin væri að hefjast í frammistöðubílum fyrirtækisins. Árið 2026 munu 80% af RS línu Audi vera að einhverju leyti rafknúin, þar á meðal væru hreinir rafbílar. Audi Sport selur einn hreinan rafbíl, það er Audi RS e-tron GT quattro.

Audi aðdáendur muna eflaust einhver eftir að Audi kynnti hreina rafbílinn Audi R8 e-tron árið 2015. Sá bíll kostaði eina milljón evra, um 148 milljónir króna. Framleiðslan entist einungis í ár með undir 100 eintökum.

Hamskiptin frá því að vera að framleiða þyrsta bensínbíla eins og R8 með V10 vél yfir í hreina rafsportbíla eru umfangsmikil. Þetta er hins vegar eina leiðin fyrir Audi til að mæta kröfum Euro 7 útblástursstaðlanna sem munu líklegast taka gildi árið 2025.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.