Innlent

Spurning hvort þróunin sé að snúast við og við séum að fara upp á við

Lillý Valgerður Pétursdóttir skrifar
Þórólfur Guðnason sóttvarnalæknir hafði vonast til að þeim héldi áfram að fækka sem greinast með kórónuveiruna. 
Þórólfur Guðnason sóttvarnalæknir hafði vonast til að þeim héldi áfram að fækka sem greinast með kórónuveiruna.  Vísir/Vilhelm

Í gær greindust 149 með kórónuveiruna innanlands en fleiri hafa ekki greinst með veiruna í hálfan mánuð. Sóttvarnalæknir segir spurningu hvort að þróunin sé að snúast við og faraldurinn að fara upp á við aftur.

Af þeim 149 sem greindist innanlands í gær voru 69 í sóttkví við greiningu, eða 46 prósent. Þórólfur Guðnason sóttvarnalæknir segir tölur gærdagsins hærri en hann átti von á.

„Auðvitað þarf maður alltaf að spyrja sig hvort að þróunin sé að snúa við og hvort við séum að fara upp á við frekar en niður á við.“

Fimm á gjörgæslu

Hann segir börn nú stóran hluta þeirra sem greinist með veiruna en af 1.407 sem eru í eftirliti hjá COVID göngudeild Landspítalans eru 461 barn. Mikið álag er á Landspítalanum þar sem 19 sjúklingar liggja inni með Covid-19 en fimm eru á gjörgæslu.

„Ég var að vonast til þess að við myndum sjá lægri tölur núna seinni part vikunnar en það verður náttúrulega að koma í ljós enda þurfum við líka að vera viðbúin því að við fáum að sjá einhverja fjölgun á smitum það gæti alveg eins gerst. Það er sem að nágrannalöndin okkar eru að sjá og við sjáum að þessi smit eru fyrst og fremst að koma upp í grunnskólunum og þaðan dreifast þú út inni í fjölskyldur og áfram inn í samfélagið og við erum að sjá smit koma inn á vinnustaði þar sem er kannski óbólusett fólk. Oft á tíðum erlent vinnuafl. Við erum sjá smit líka í þessum jólahlaðborðum þar sem fólk er að safnast saman.“

Þórólfur segir fólk vera að greinast með veiruna víða. 

„Þetta er dreift um allt land og svo koma upp svona hópsmit hér og þar.“

Öll ómíkron smitin tengist landamærunum

Þá hefur þeim fjölgað frá því í gær sem greinst hafa með ómíkron-afbrigði veirunnar en enginn er þó alvarlega veikur.

„Það eru komin eitthvað 24 ómíkron smit en þetta er fólk sem tengist allt landamærunum.“

Þórólfur segir róðurinn vera að þyngjast í löndunum í kringum okkur sér í lagi í Danmörku þar sem sóttvarnarreglur hafa verið verulega hertar.

„Staðan þar er bara mjög slæm. Ég var á fundi í gær með sóttvarnalæknum Norðurlandanna. Það er slæm staða í Danmörku á spítölum það eru mjög margar innlagnir og þeir eru að lenda í vandræðum á mörgum stöðum og sömuleiðis í Noregi.“

Mjög skýr skilaboð

Hann segir Íslendinga líkt og aðra þurfa að vera með varann á sér og bregðast hratt við ef þeim sem greinast með veiruna fjölgar mikið.

„Það eru mjög skýr skilaboð og hvatning frá Sóttvarnastofnun Evrópu og frá Heilbrigðis- og öryggismálaráði Evrópusambandsins um það að grípa til aðgerða bæði á landamærum, eins og við höfum reyndar verið að gera, og líka innanlands út af þessu nýja afbrigði sérstaklega og svo þessari aukningu sem er líka út af delta. Þannig að það eru mjög skýr skilaboð og miklu skýrari skilaboð frá þessum stofnunum heldur en ég hef séð áður og ég held að við þurfum að taka það mjög alvarlega og hugsa það hvort að við getum gert eitthvað betur.“

Þá segir Þórólfur að þó hann sé ekki að undirbúa nýtt minnisblað núna þá geti það breyst hratt. 

„Mér finnst að við þurfum að velta alvarlega fyrir okkur hvað við getum gert til að virkilega ná smitunum niður það er það sem skiptir máli.“


Tengdar fréttir

121 þúsund manns hafa mætt í örvunar­bólu­setningu

Örvunarskammtur af bóluefni Pfizer þykir veita góða vernd gegn ómíkron-afbrigði kórónuveirunnar. Þetta sýna nýjar rannsóknir fyrirtækisins. Sóttvarnalæknir segir ávinning af örvunarskammti ótvíræðan en skiptar skoðanir eru meðal almennings um hvort sérreglur eigi að gilda fyrir bólusetta.

Jólahlaðborðin uppspretta hópsmita í faraldrinum

Tuttugu hafa nú greinst með ómíkron afbrigði kórónuveirunnar hér á landi. Sóttvarnalæknir segir jólahlaðborð hafa verið uppsprettu hópsýkinga í faraldrinum og hvetur þá sem standa fyrir slíkum samkomum að afgreiða matinn frekar beint á borðið.

Veiran varð nær 30-falt útbreiddari hjá börnum

Heilbrigðisráðherra vonast til að geta slakað til í samkomutakmörkunum á næstu tveimur vikum en breytir engu að sinni. Bólusetning barna fimm til ellefu ára gæti slegið á útbreiðslu faraldursins í heild, að sögn barnalæknis.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.