„Hún er stórkostlegasta manneskja sem ég hef kynnst“ Ingvi Þór Sæmundsson skrifar 9. desember 2021 10:04 Alfreð Gíslason og Kara Guðrún Melstað eftir kveðjuleik Alfreðs í Kiel fyrir tveimur árum. heimasíða kiel Alfreð Gíslason segir að síðustu mánuðir hafi verið afar erfiðir. Eiginkona hans til rúmlega fjörutíu ára, Kara Guðrún Melstað, lést í lok maí. Alfreð lýsir henni sem stórkostlegustu manneskju sem hann hafi kynnst. Alfreð var gestur í hlaðvarpi Snorra Björnssonar þar sem hann fór um víðan völl. Hann ræddi meðal annars um fráfall Köru. Hún veiktist 2019, skömmu eftir að Alfreð hætti að þjálfa Kiel. Eftir frí á San Sebastian á Spáni þar sem þau fögnuðu sextugsafmæli sínu dundi ógæfan yfir. „Þegar við sátum við morgunverðarborðið tók ég eftir að andlitið var aðeins slappara öðru megin. Við vorum að pæla í því hvað það var. Daginn eftir kom systir hennar í heimsókn og sá þetta líka. Eftir þessa helgi fórum við til Kiel í skoðun. Ég óttaðist að þetta væri vægt heilablóðfall en þá kom í ljós að hún var með krabbamein í heila,“ sagði Alfreð. Annað og stærra mein komið Meðferðin við krabbameininu gekk vel í fyrstu og Alfreð og Kara vonuðu það besta. En síðasta vor gerðust hlutirnir hratt. „Eftir sex umferðir leit allt mjög vel út þannig að við komum hingað heim fyrir rúmlega ári síðan og vorum bara mjög jákvæð og bjartsýn. Eftir það fór hún í næstu sex umferðir til að ganga vonandi frá þessu. En áður en þessar sex umferðir voru búnar vorum við farin að taka eftir að eitthvað væri ekki í lagi. Þá var komið annað og stærra mein. Við fengum niðurstöðu úr því í byrjun maí og 31. maí dó hún. Það gerðist mjög hratt,“ sagði Alfreð. <a href="https://www.youtube.com/watch?v=eOXo2__a-E8">watch on YouTube</a> „Þetta gerðist mjög hratt og var mikið áfall. Það góða, ef það er hægt að segja það, er að börnin, barnabörnin og systur hennar voru með henni allan þennan mánuð.“ Besti vinur minn og harðasti gagnrýnandinn Alfreð og Kara höfðu þekkst lengi og verið gift í rúmlega fjörutíu ár eins og áður sagði. „Það er kannski erfitt að segja hvenær við byrjuðum saman. Við vorum búin að þekkjast frá því við vorum fimmtán ára og byrjuðum saman sautján, átján ára. Hún var ekki bara konan mín heldur besti vinur minn og harðasti gagnrýnandi minn. Hún er stórkostlegasta manneskja sem ég hef kynnst,“ sagði Alfreð. Bannaði honum að hætta Hann var ekki lengi frá þjálfun eftir að hafa hætt með Kiel og tók við þýska landsliðinu í febrúar 2020. Alfreð ætlaði að hætta þegar veikindi Köru ágerðust en hún vildi ekki heyra á það minnst. „Einhvern tímann, sérstaklega þegar þetta leit rosalega vel út og að við myndum sigrast á þessu, var það eiginlega hún sem vildi að ég færi aftur í þetta, væri með landslið og væri meira heima,“ sagði Alfreð. „Síðan þegar þetta fór í hina áttina, þegar ég kom heim úr landsliðslotu og við fórum til læknis til að fá niðurstöðu úr prófunum, voru fyrstu viðbrögð hjá mér að segja að ég væri hættur. Ég segi upp hjá [þýska] sambandinu, við förum heim til Íslands og eigum saman tíma heima. Á þessum tíma gat hún ekki talað, bara sagt já eða nei. Og hún hvæsti á mig nei. Þá sagði ég að við færum samt heim en hún sagði nei.“ Gerði þetta með sinni reisn Hann segir að Kara hafi gert hlutina á sinn hátt, allt til loka. „Ég held að hún hefði getað lifað lengur. Hún var ótrúlega sterk. Hún vildi helst ekkert borða og lítið drekka. Mér fannst á henni að hún ætlaði að taka þessi lok sín eins og hún vildi gera þetta. Ég gabbaði hana nokkrum sinnum til að taka næringu í æð en það var ekki séns, ekki að ræða það. Hún gerði þetta með sinni reisn og meira að segja síðustu dagana vildi hún að barnabörnin færu heim.“ Berst við reiðina yfir þessari ósanngirni Alfreð segir að fráfall Köru hafi breytt sýn sinni á lífið og hvað það er sem skiptir öllu máli. „Við vorum mjög gott teymi og ég lærði mikið af henni. Hún er heilsteyptasta manneskja sem ég hef kynnst. Í fyrsta lagi berst maður við reiðina yfir þessari ósanngirni. Ef einhver hefði ekki átt að lenda í þessu var það hún. Af þessu lærir maður að allt hitt skiptir engu máli. Hvað er mikilvægt við handboltaleik eða smá áhyggjur af einhverju þegar maður upplifir svona. Kannski þarf maður vissan aldur til að læra á þetta,“ sagði Alfreð. „Maður sér eftir mörgu, maður hefði kannski átt að hætta tíu árum áður. Við ætluðum að fara að lifa lífinu og hafa það eins og við vildum. Akkúrat þegar við ætluðum að fara að njóta vinnu okkar fer þetta í hina áttina. Maður lærir hvað fjölskyldan, vinirnir og dagurinn í dag skiptir miklu máli. Og líka að í öllum þessum erfiðleikum voru ofboðslega falleg og skemmtileg móment á hverjum degi.“ Eitthvað sem maður getur aldrei sætt sig við Alfreð segist enn vera reiður yfir örlögum Köru og verði það áfram. En hann hefur notið aðstoðar góðra manna eins og Jóhanns Inga Gunnarssonar, fyrrverandi þjálfara hans og sálfræðing. „Þetta kemur á hverjum degi og á ólíklegustu tímum. Ég hugsa um að þetta sé eitthvað sem ég komi til með að þurfa að berjast við lengi. Þetta er eitthvað sem maður getur aldrei sætt sig við,“ sagði Alfreð. „Ég rætt heilmikið við Jóhann Inga og mér þykir vænt um að hann og fleiri hafa meldað sig. Ég er frekar lokaður einstaklingur að mörgu leyti hvað svona lagað er og flagga ekki tilfinningunum. En það er samt mjög mikilvægt að geta rætt þessi máli.“ Þýski handboltinn Ástin og lífið Mest lesið Bönnuðu henni að eiga kærasta Sport Lögreglan kórónaði ömurlegan dag hjá Kane Körfubolti Tileinkar látnum vini sínum sögulegan árangur: „Bjarki, þetta var fyrir þig“ Sport Sá sem handtók Scheffler fylgdi ekki verkreglum en ákærurnar standa Golf Allir á eitt við erfiðar aðstæður: „Þetta tók alveg á“ Íslenski boltinn KA-menn kölluðu eftir hjálp sálfræðings Íslenski boltinn Xavi hætti við að hætta en hefur nú verið rekinn frá Barcelona Fótbolti „Við erum sáttir með að vera bara seigir og ljótir“ Körfubolti Enginn skotið eins mikið án þess að hitta: „Kane fékk bara galopna þrista, galopna“ Körfubolti „Sterkasta Subway deild frá upphafi“ Körfubolti Fleiri fréttir Ómar Ingi með tíu mörk í tíunda sigurleik toppliðsins í röð Óðinn skoraði sigurmark Kadetten í lífsnauðsynlegum sigri Íslendingarnir ekki meira með á leiktíðinni Lærisveinar Guðmundar í úrslit: Er eiginlega orðlaus Myndasyrpa: FH jafnaði metin með minnsta mun Uppgjörið og viðtöl: Afturelding-FH 27-28 | FH-ingar jöfnuðu einvígið Mikilvæg mörk frá Sigvalda Birni í fyrsta leik úrslitaeinvígisins Landsliðskonum fjölgar hjá Val Óðinn og félagar misstu frá sér fimm marka forskot „Þetta einvígi er rétt að byrja“ Bjarki og félagar bikarmeistarar fjórða árið í röð Uppgjör: FH - Afturelding 29-32 | Mosfellingar taka forystuna Gummersbach heldur í Evrópuvon eftir sigur í Íslendingaslag Haukur og félagar lentir undir í úrslitaeinvíginu eftir vítakeppni Strákarnir hans Gumma komu til baka í öðrum spennutrylli Mættust síðast í úrslitum fyrir aldarfjórðungi Uppgjörið, viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin Sjá meira
Alfreð var gestur í hlaðvarpi Snorra Björnssonar þar sem hann fór um víðan völl. Hann ræddi meðal annars um fráfall Köru. Hún veiktist 2019, skömmu eftir að Alfreð hætti að þjálfa Kiel. Eftir frí á San Sebastian á Spáni þar sem þau fögnuðu sextugsafmæli sínu dundi ógæfan yfir. „Þegar við sátum við morgunverðarborðið tók ég eftir að andlitið var aðeins slappara öðru megin. Við vorum að pæla í því hvað það var. Daginn eftir kom systir hennar í heimsókn og sá þetta líka. Eftir þessa helgi fórum við til Kiel í skoðun. Ég óttaðist að þetta væri vægt heilablóðfall en þá kom í ljós að hún var með krabbamein í heila,“ sagði Alfreð. Annað og stærra mein komið Meðferðin við krabbameininu gekk vel í fyrstu og Alfreð og Kara vonuðu það besta. En síðasta vor gerðust hlutirnir hratt. „Eftir sex umferðir leit allt mjög vel út þannig að við komum hingað heim fyrir rúmlega ári síðan og vorum bara mjög jákvæð og bjartsýn. Eftir það fór hún í næstu sex umferðir til að ganga vonandi frá þessu. En áður en þessar sex umferðir voru búnar vorum við farin að taka eftir að eitthvað væri ekki í lagi. Þá var komið annað og stærra mein. Við fengum niðurstöðu úr því í byrjun maí og 31. maí dó hún. Það gerðist mjög hratt,“ sagði Alfreð. <a href="https://www.youtube.com/watch?v=eOXo2__a-E8">watch on YouTube</a> „Þetta gerðist mjög hratt og var mikið áfall. Það góða, ef það er hægt að segja það, er að börnin, barnabörnin og systur hennar voru með henni allan þennan mánuð.“ Besti vinur minn og harðasti gagnrýnandinn Alfreð og Kara höfðu þekkst lengi og verið gift í rúmlega fjörutíu ár eins og áður sagði. „Það er kannski erfitt að segja hvenær við byrjuðum saman. Við vorum búin að þekkjast frá því við vorum fimmtán ára og byrjuðum saman sautján, átján ára. Hún var ekki bara konan mín heldur besti vinur minn og harðasti gagnrýnandi minn. Hún er stórkostlegasta manneskja sem ég hef kynnst,“ sagði Alfreð. Bannaði honum að hætta Hann var ekki lengi frá þjálfun eftir að hafa hætt með Kiel og tók við þýska landsliðinu í febrúar 2020. Alfreð ætlaði að hætta þegar veikindi Köru ágerðust en hún vildi ekki heyra á það minnst. „Einhvern tímann, sérstaklega þegar þetta leit rosalega vel út og að við myndum sigrast á þessu, var það eiginlega hún sem vildi að ég færi aftur í þetta, væri með landslið og væri meira heima,“ sagði Alfreð. „Síðan þegar þetta fór í hina áttina, þegar ég kom heim úr landsliðslotu og við fórum til læknis til að fá niðurstöðu úr prófunum, voru fyrstu viðbrögð hjá mér að segja að ég væri hættur. Ég segi upp hjá [þýska] sambandinu, við förum heim til Íslands og eigum saman tíma heima. Á þessum tíma gat hún ekki talað, bara sagt já eða nei. Og hún hvæsti á mig nei. Þá sagði ég að við færum samt heim en hún sagði nei.“ Gerði þetta með sinni reisn Hann segir að Kara hafi gert hlutina á sinn hátt, allt til loka. „Ég held að hún hefði getað lifað lengur. Hún var ótrúlega sterk. Hún vildi helst ekkert borða og lítið drekka. Mér fannst á henni að hún ætlaði að taka þessi lok sín eins og hún vildi gera þetta. Ég gabbaði hana nokkrum sinnum til að taka næringu í æð en það var ekki séns, ekki að ræða það. Hún gerði þetta með sinni reisn og meira að segja síðustu dagana vildi hún að barnabörnin færu heim.“ Berst við reiðina yfir þessari ósanngirni Alfreð segir að fráfall Köru hafi breytt sýn sinni á lífið og hvað það er sem skiptir öllu máli. „Við vorum mjög gott teymi og ég lærði mikið af henni. Hún er heilsteyptasta manneskja sem ég hef kynnst. Í fyrsta lagi berst maður við reiðina yfir þessari ósanngirni. Ef einhver hefði ekki átt að lenda í þessu var það hún. Af þessu lærir maður að allt hitt skiptir engu máli. Hvað er mikilvægt við handboltaleik eða smá áhyggjur af einhverju þegar maður upplifir svona. Kannski þarf maður vissan aldur til að læra á þetta,“ sagði Alfreð. „Maður sér eftir mörgu, maður hefði kannski átt að hætta tíu árum áður. Við ætluðum að fara að lifa lífinu og hafa það eins og við vildum. Akkúrat þegar við ætluðum að fara að njóta vinnu okkar fer þetta í hina áttina. Maður lærir hvað fjölskyldan, vinirnir og dagurinn í dag skiptir miklu máli. Og líka að í öllum þessum erfiðleikum voru ofboðslega falleg og skemmtileg móment á hverjum degi.“ Eitthvað sem maður getur aldrei sætt sig við Alfreð segist enn vera reiður yfir örlögum Köru og verði það áfram. En hann hefur notið aðstoðar góðra manna eins og Jóhanns Inga Gunnarssonar, fyrrverandi þjálfara hans og sálfræðing. „Þetta kemur á hverjum degi og á ólíklegustu tímum. Ég hugsa um að þetta sé eitthvað sem ég komi til með að þurfa að berjast við lengi. Þetta er eitthvað sem maður getur aldrei sætt sig við,“ sagði Alfreð. „Ég rætt heilmikið við Jóhann Inga og mér þykir vænt um að hann og fleiri hafa meldað sig. Ég er frekar lokaður einstaklingur að mörgu leyti hvað svona lagað er og flagga ekki tilfinningunum. En það er samt mjög mikilvægt að geta rætt þessi máli.“
Þýski handboltinn Ástin og lífið Mest lesið Bönnuðu henni að eiga kærasta Sport Lögreglan kórónaði ömurlegan dag hjá Kane Körfubolti Tileinkar látnum vini sínum sögulegan árangur: „Bjarki, þetta var fyrir þig“ Sport Sá sem handtók Scheffler fylgdi ekki verkreglum en ákærurnar standa Golf Allir á eitt við erfiðar aðstæður: „Þetta tók alveg á“ Íslenski boltinn KA-menn kölluðu eftir hjálp sálfræðings Íslenski boltinn Xavi hætti við að hætta en hefur nú verið rekinn frá Barcelona Fótbolti „Við erum sáttir með að vera bara seigir og ljótir“ Körfubolti Enginn skotið eins mikið án þess að hitta: „Kane fékk bara galopna þrista, galopna“ Körfubolti „Sterkasta Subway deild frá upphafi“ Körfubolti Fleiri fréttir Ómar Ingi með tíu mörk í tíunda sigurleik toppliðsins í röð Óðinn skoraði sigurmark Kadetten í lífsnauðsynlegum sigri Íslendingarnir ekki meira með á leiktíðinni Lærisveinar Guðmundar í úrslit: Er eiginlega orðlaus Myndasyrpa: FH jafnaði metin með minnsta mun Uppgjörið og viðtöl: Afturelding-FH 27-28 | FH-ingar jöfnuðu einvígið Mikilvæg mörk frá Sigvalda Birni í fyrsta leik úrslitaeinvígisins Landsliðskonum fjölgar hjá Val Óðinn og félagar misstu frá sér fimm marka forskot „Þetta einvígi er rétt að byrja“ Bjarki og félagar bikarmeistarar fjórða árið í röð Uppgjör: FH - Afturelding 29-32 | Mosfellingar taka forystuna Gummersbach heldur í Evrópuvon eftir sigur í Íslendingaslag Haukur og félagar lentir undir í úrslitaeinvíginu eftir vítakeppni Strákarnir hans Gumma komu til baka í öðrum spennutrylli Mættust síðast í úrslitum fyrir aldarfjórðungi Uppgjörið, viðtöl og myndir: Valur - Olympiacos 30-26 | Einum leik frá Evróputitli Ómar og Viggó röðuðu inn mörkum í sigrum Bjarki og félagar í úrslit eftir öruggan sigur „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin Sjá meira