Kórdrengir höfðu betur gegn XY í fyrsta sigri sínum á tímabilinu

Snorri Rafn Hallsson skrifar
Kórdregnir - XY - 07122021

 XY vann fyrri viðureign sína gegn Kórdrengjum sem ekki hefur gengið vel hingað til og þóttu því líklegri til sigurs og eftir tap Þórs gegn Fylki fyrr um kvöldið var liðið komið í kjörstöðu til að gera atlögu að öðru sæti deildarinnar. Kórdrengir hafa átt ágætis spretti í sínum leikjum en í gærkvöldi hittu þeir loksins á augnablik þar sem allir leikmenn liðsins voru í fantastuði og spiluðu vel.

Leikurinn fór fram í Nuke kortinu og hafði XY betur í hnífalotunni. Kórdrengir fengu því það hlutverk að sækja (Terrorists) í fyrri hálfleik. Það gekk ekki betur en svo framan af en að XY komst í 5-1 með því að stilla sér upp í góðar stöður, mæta Kórdrengjum á útisvæðinu og fella menn strax til baka þegar Kórdrengir náðu að gera einhvern skaða. Um miðbik hálfleiksins urðu XY þó örlítið kærulausir og Kórdrengir nýttu sér það til að teygja á vörninni og jafna leika. Kórdrengir gerðu virkilega vel í því að spila úr erfiðum stöðum og gefast ekki upp þótt þeir misstu nokkra menn. Spenna var þá komin í leikinn og var Snky einstaklega öflugur á vappanum í aðgerðum Kórdrengja. XY rétt náði þó að halda forskotinu inn í síðari hálfleik.

Staða í hálfleik: Kórdrengir 7 - 8 XY

Ef Kórdrengir voru öflugir í sókninni þá bættu þeir aldeilis um betur í vörninni og komust yfir í  9-8 strax í upphafi hálfleiksins. XY náði þó völdum á efnahagnum í leiknum og fundu lausnir á vörnum Kórdrengja um tíma. KiddiDisco var enn sem áður góð viðbót við liðsheild XY og náði ótrúlegri lotu í þeirri tuttugustu og fyrstu þegar hann felldi fjóra andstæðinga einn síns liðs og kom XY í 12-9. XY náði þó ekki að halda dampi þó þeir væru komnir yfir á ný og með tökin á leiknum að því er virtist. Kórdrengir fóru að hitta skotum sínum betur en áður og snúa við lotum sem hefðu alls ekki átt að falla til þeirra. Lokaspretturinn var glæsilegur þar sem Hyperactive felldi þrjá í upphafi tuttugustu og sjöundu lotu til að koma Kórdrengjum í 15 stig og Demantur kláraði svo dæmið í þeirri næstu og felldi fjóra til þess að tryggja Kórdrengjum sinn fyrsta sigur á tímabilinu.

Lokastaða: Kórdrengir 16 - 12 XY

Þannig gerðu Kórdrengir út af við draum XY um annað sætið, en næst leika Kórdrengir gegn Dusty á föstudaginn í næstu viku en þá mætir XY Fylki. Sýnt verður frá leikjunum á Stöð 2 Esport og á Twitch síðu Rafíþróttasamtaka Íslands.

Bein lýsing

Leikirnir




    Mest lesið

    InvalidArgumentUnsupported Authorization TypeAuthorizationBasic bGVpa25pcmZAdmlzaXIuaXM6YnJ1bm5hcjY=ZH2VF4HACEAHNAEGEJfbPzje1fi0ZpKwrXF3/SwOKkX6pQTFqId8QdNajD8l4U84iD01gL2IEpwwTHJY8hG9uas8Pfo=
    Velkomin á Vísi. Þessi vefur notar vafrakökur. Sjá nánar.