Nokkur fjöldi kórónuveirusmita hafa komið upp í Hlíðaskóla síðustu daga.Vísir/Vilhelm
Barna og unglingasvið íþróttafélagsins Vals í Reykjavík hefur biðlað til foreldra barna sem æfa hjá félaginu að senda iðkendur, sem einnig stunda nám í Hlíðaskóla, ekki til æfinga að Hlíðarenda fyrr en neikvæð niðurstaða úr COVID-prófi liggur fyrir.
Sé það liður í að sporna við útbreiðslu veirunnar en talsverður fjöldi kórónuveirusmita hafa komið upp í Hlíðaskóla síðustu daga.
„Í tölvupósti sem foreldrar fengu frá skólayfirvöldum þurfa allir nemendur að fara í Covid próf áður en þeir mæta aftur í skólann. Gott er að fara í skimun seinnipart á þriðjudag þannig að svar hafi borist á miðvikudagsmorgun. Foreldrar eru beðnir að fara með börn sem hafa verið í sóttkví í PCR próf en allir aðrir nemendur fari í hraðpróf,“ segir á vef Vals.
Skólahald í Hlíðaskóla verður fellt niður á morgun, mánudag, og á þriðjudaginn vegna fjölda þeirra Covid-smita sem hafa komið upp í skólanum.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
