Nokkuð jafnræði var með liðunum í fyrri hálfleik og mikið skorað. Þegar komið var að hálfleikshléinu var aðeins eitt mark sem skildi liðin að og staðan 17-16, Kadetten í vil.

Heimamenn í Kadetten byggðu hægt og rólega upp forskot í seinni hálfleik og unnu að lokum góðan fimm marka sigur, 32-27.

Liðið situr sem fastast á toppi deildarinnar með 25 stig af 26 mögulegum eftir 13 leiki, ellefu stigum meira en Bern sem situr í sjötta sæti deildarinnar.