Lífið

Brynjar hættur á Facebook

Kolbeinn Tumi Daðason skrifar
Grín og glens hjá Brynjari á Facebook er búið, í bili.
Grín og glens hjá Brynjari á Facebook er búið, í bili. Vísir/Vilhelm

Brynjar Níelsson, fyrrverandi þingmaður Sjálfstæðisflokksins og nýskipaður aðstoðarmaður Jóns Gunnarssonar dómsmálaráðherra, er hættur á Facebook, tímabundið hið minnsta. Hann segir nýja starfið þess eðlis að þar sé ekki gert ráð fyrir ábyrgðarlausu glensi á samfélagsmiðlum.

Brynjar Níelsson, fyrrverandi þingmaður Sjálfstæðisflokksins og nýskipaður aðstoðarmaður Jóns Gunnarssonar dómsmálaráðherra, er hættur á Facebook, tímabundið hið minnsta. Hann segir nýja starfið þess eðlis að þar sé ekki gert ráð fyrir ábyrgðarlausu glensi á samfélagsmiðlum.

Innherji greindi frá því í morgun að Jón Gunnarsson hefði tryggt sér þjónustu Brynjars sem verður annar tveggja aðstoðarmanna hans. Hinn er Hreinn Loftsson sem var aðstoðarmaður Áslaugar Örnu Sigurbjörnsdóttur.

„Jón vill fá mann sem hefur reynslu af málaflokknum og þekkir þingið þannig að segja má að hann sé að slá tvær flugur í einu höggi. Ég reikna með því,“ sagði Brynjar í samtali við Vísi fyrr í dag.

Þar fór Brynjar um víðan völl en fórst fyrir að greina blaðamanni frá vendingum sínum á samfélagsmiðlinum.

Kemst ekki hjá því að vera hvítur og miðaldra

„Jæja, nú þarf ég að kveðja fésbókina tímabundið. Í nýju djobbi er ekki gert ráð fyrir ábyrgðarlausu glensi á samfélagsmiðlum,“ segir Brynjar á léttum nótum.

Fjölmargir vinir Brynjars bregðast við og spyrja meðal annars hvort hann ætli bara að vera jakkafataklæddur miðaldra hvítur embættiskarl í valdastöðu, ekkert grín og glens?

„Tja, miðaldra og hvítur kemst ég ekki hjá. Verð sjálfsagt í jakkafötum endrum og eins. En ég er hvorki embættismaður né valdamaður í þessu djobbi,“ segir Brynjar.

Marta María Winkel, kennd við Smartlandið, segist strax vera farin að sakna Brynjars. Gústaf Níelsson segist munu sjá um glensið á Facebook fyrir bróður sinn.

Brynjar ræddi vistaskiptin í Reykjavík síðdegis í dag.


Tengdar fréttir

Bendir Andrési Inga á að til séu lyf við flökurleika

Brynjar Níelsson fyrrverandi þingmaður, nýr aðstoðarmaður Jóns Gunnarssonar innanríkisráðherra, segir ljóst að ráðherra ætli að láta hendur standa frammúr ermum og vilji því fá reynda aðstoðarmenn.

Brynjar verður aðstoðarmaður innanríkisráðherra

Brynjar Níelsson, fyrrverandi þingmaður Sjálfstæðisflokksins, verður aðstoðarmaður Jóns Gunnarssonar í innanríkisráðuneytinu samkvæmt heimildum Innherja. Brynjar á að baki langan feril úr lögmennsku.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.