Vísuðu óvelkomnum manni út af heimili í höfuðborginni

Hólmfríður Gísladóttir skrifar 1. desember 2021 06:26

Einn ökumaður var stöðvaður í umferðinni sem lögregla mat óökuhæfan sökum veikinda. Vísir/Vilhelm

Lögreglan á höfuðborgarsvæðinu var kölluð út í gærkvöldi til að vísa óvelkomnum manni út af heimili í póstnúmerinu 104 og nokkru síðar var maður handtekinn í sama hverfi vegna líkamsárásar.

Þá var tilkynnt um tvö umferðarslys um kvöldmatarleytið; í öðru þeirra var ekið á mann á hlaupahjóli en í hinu tilvikinu var um að ræða konu sem hafði fallið í götuna. Blæddi úr konunni og var hún flutt á slysadeild til aðhlynningar.

Upp úr miðnætti var tilkynnt um nytjastuld í Múlahverfinu og var sá sem er grunaður um þjófnaðinn handtekinn skömmu síðar.

Þrír ökumenn voru stöðvaðir í umferðinni, tveir vegna gruns um ölvunarakstur en einn sem lögregla mat óhæfan til aksturs sökum veikinda.

Lögreglumál Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.