Zúistabróðir fer fram á endurupptöku á þungum fjársvikadómi Kjartan Kjartansson skrifar 30. nóvember 2021 08:00 Einar Ágústsson í dómsal í Héraðsdómi Reykjavíkur fyrr á þessu ári. Hann er ákærður fyrir peningaþvætti og fjársvik í tengslum við trúfélagið Zuism. Hann gat setið í stjórn Zuism þrátt fyrir að hafa hlotið þungan fangelsisdóm fyrir fjársvik árið 2017. Vísir/Vilhelm Einar Ágústsson, annar tveggja bræðra sem héldu úti trúfélaginu Zuism, hefur óskað eftir því að þungur fangelsisdómur sem hann hlaut fyrir tugmilljóna króna fjárdrátt verði tekinn upp aftur. Þeir bræður eru ákærðir fyrir peningaþvætti og fjársvik vegna Zuism. Héraðsdómur Reykjaness dæmdi Einar í þriggja ára og níu mánaða fangelsi fyrir að svíkja 74 milljónir króna út í fjórum einstaklingum í júní árið 2017. Landsréttur staðfesti dóminn í nóvember ári síðar. Fjórmenningarnir höfðu fengið Einari fé í þeirri trú að hann ræki fjárfestingarsjóðinn Skajaquoda Fund í Bandaríkjunum. Slegið var föstu í dómnum að sjóðurinn hefði í raun aldrei verið starfræktur. Einar var ekki talinn eiga sér neinar málsbætur. Brotavilji hans hafi verið einbeittur og brotin skipulögð og úthugsuð. Sagði saksóknarar skorta þekkingu á rekstrarforminu Endurupptökudómur staðfesti í skriflegu svari við fyrirspurn Vísis að nýlegi hafi dómnum borist beiðni um endurupptöku á dómnum yfir Einari. Ekki fengust upplýsingar um á hvaða forsendum beiðnin byggir. Fyrir héraðsdómi byggði málsvörn Einars meðal annars á því að saksóknari og rannsakendur hafi ekki skilið félagaform á rekstri félags hans og það hafi litað ákæruna gegn honum. Fjárfestingarsjóðurinn hafi verið til. Héraðsdómur gaf þó lítið fyrir skýringar Einars. Framburður hans hjá lögreglu og fyrir dómi hefði verið „mjög óljós varðandi meintan sjóðsrekstur hans eða félaga á hans vegum“. Hann hafi ekki getað gefið haldbærar upplýsingar um starfsemi sjóðsins, helstu fjárfestingar hans eða hversu margir fjárfestar kæmu að honum. Sakaðir um að svíkja sóknargjöld út úr ríkissjóði Einar og bróðir hans Ágúst Arnar Ágústsson sæta báðir ákæru vegna starfsemi trúfélagsins Zuism. Þeir eru sakaðir um að hafa blekkt íslenska ríkið til að greiða félaginu rúmlega 84,7 milljónir króna í sóknargjöld með því að telja fulltrúum þess trú um að raunveruleg starfsemi færi fram á vegum þess. Sýslumaðurinn á Norðurlandi eystra hefur haldið eftir sóknargjaldi Zuism frá því snemma árs 2019 og vísað til þess að verulegur vafi leiki á því hvort að það hafi raunverulega starfsemi. Zusim tapaði máli sem það höfðaði gegn ríkinu vegna vangoldinna sóknargjalda. Til hefur staðið að afskrá Zuism sem trúfélag en það hefur þó enn ekki gerst. Í ákæru eru Einar og Ágúst Arnar, sem er forstöðumaður Zuism, sakaðir um að hafa nýtt fjármuni trúfélagsins í eigin þágu. Þeir millifærðu fé af reikningum Zuism yfir á eigin reikninga eða félaga í þeirra eigu og greiddu milljónir króna í veitingahús, áfengi og ferðir með úttektum, millifærslum og debitkortafærslum í nafni Zuism. Þeir neita báðir sök. Aðalmeðferð í máli þeirra á að hefjast í Héraðsdómi Reykjavíkur í febrúar. Trúfélagið Zuism var skráður raunverulegur eigandi tveggja einkahlutafélaga sem Einar notaði til þess að féfletta fjárfesta í fjársvikamálinu sem hann vill nú að verði tekið upp aftur. Kickstarter stöðvaði söfnun bræðranna Bræðurnir vöktu fyrst athygli þegar þeir söfnuðu um tuttugu milljónum króna til þróunar á meinti færanlegri vindmyllu á bandarísku hópfjármögnunarsíðunni Kickstarter árið 2015. Voru þeir meðal annars nefndir Kickstarter-bræður í fjölmiðlum. Kickstarter stöðvaði eina söfnun bræðranna. Þegar Vísir spurðist fyrir um ástæðurnar sagðist fyrirtækið ekki geta tjáð sig þar sem það hefði átt í samstarfi við löggæsluyfirvöld á Íslandi. Um sama leyti kom fram að bræðurnir væru til rannsóknar vegna mögulegra brota á gjaldeyrislögum hjá embætti sérstaks saksóknara sem þá hét. Zuism Dómsmál Mest lesið Bubbi sendir út neyðarkall Innlent Fréttamaður Ríkisútvarpsins sakaður um áreitni Innlent Varðhaldsstöð þar sem vista megi hælisleitendur og börn lengur en grunaða glæpamenn Innlent Vill skoða að lengja fæðingarorlof Innlent Andrés prins afsalar sér öllum titlum í kjölfar ásakana Erlent Ár frá morðtilrauninni: „Reyndi að drepa mig og það var eins og að drekka vatn fyrir hann“ Innlent Allt stefnir í verkfall flugumferðarstjóra á sunnudag Innlent Skilji áhyggjurnar Innlent Sérsveitin skarst í leikinn vegna Kourani á Kleppi Innlent Frelsinu fagnað á fjórhjóli sem Sjúkratryggingar greiða ekki niður Innlent Fleiri fréttir Bubbi sendir út neyðarkall Varðhaldsstöð þar sem vista megi hælisleitendur og börn lengur en grunaða glæpamenn Vill skoða að lengja fæðingarorlof Allt stefnir í verkfall flugumferðarstjóra á sunnudag Skilji áhyggjurnar Fara fram á gæsluvarðhald yfir meintum brennuvargi Fréttamaður Ríkisútvarpsins sakaður um áreitni Um sé að ræða afturför í jafnréttismálum Fella niður vörugjöld á vistvæna bíla en hækka á aðra Máttu gauka nafni tengdamóðurinnar að Ásthildi Lóu Fimm ár fyrir að stinga mann í tvígang í brjóstið Misskilningur að flugvélin hafi breytt um stefnu vegna veðurs Getur ekki sagt til um hvort hún myndi kvitta undir náðun Kouranis Framtíð PCC á Bakka ekki útséð „Ekki á réttri leið“ samþykki samfélagið fátækt Ár frá morðtilrauninni: „Reyndi að drepa mig og það var eins og að drekka vatn fyrir hann“ Oddný Sv. Björgvinsdóttir er látin Uppsagnir hjá Sýn, staða fjölmiðla og trans dans Miðflokksins Bein útsending: Ætlum við að móta okkar eigin framtíð? Lögreglan fjarlægði „fátæktargildru“ ÖBÍ Yfir þúsund börn bíða eftir því að komast til talmeinafræðings Gagnrýnir ummæli Elds Smára: „Slökkvum eldinn“ Frelsinu fagnað á fjórhjóli sem Sjúkratryggingar greiða ekki niður Áætlanir um málsafgreiðslu ráðuneytis brugðust 26 sinnum Vill breytingar á úreltum reglum, sama í hvora áttina Höggvið á hnút svo börnin í Nuuk fái loks nýja skólann Gagnrýna drög að frumvarpi um brottfararstöð: Ætlað að líkjast fangelsi Sex vilja fyrrum embætti Úlfars Enginn matur í ísskápum dæmi um vanrækslu Skoða hvort þurfi að tilkynna samningana til ESA Sjá meira
Héraðsdómur Reykjaness dæmdi Einar í þriggja ára og níu mánaða fangelsi fyrir að svíkja 74 milljónir króna út í fjórum einstaklingum í júní árið 2017. Landsréttur staðfesti dóminn í nóvember ári síðar. Fjórmenningarnir höfðu fengið Einari fé í þeirri trú að hann ræki fjárfestingarsjóðinn Skajaquoda Fund í Bandaríkjunum. Slegið var föstu í dómnum að sjóðurinn hefði í raun aldrei verið starfræktur. Einar var ekki talinn eiga sér neinar málsbætur. Brotavilji hans hafi verið einbeittur og brotin skipulögð og úthugsuð. Sagði saksóknarar skorta þekkingu á rekstrarforminu Endurupptökudómur staðfesti í skriflegu svari við fyrirspurn Vísis að nýlegi hafi dómnum borist beiðni um endurupptöku á dómnum yfir Einari. Ekki fengust upplýsingar um á hvaða forsendum beiðnin byggir. Fyrir héraðsdómi byggði málsvörn Einars meðal annars á því að saksóknari og rannsakendur hafi ekki skilið félagaform á rekstri félags hans og það hafi litað ákæruna gegn honum. Fjárfestingarsjóðurinn hafi verið til. Héraðsdómur gaf þó lítið fyrir skýringar Einars. Framburður hans hjá lögreglu og fyrir dómi hefði verið „mjög óljós varðandi meintan sjóðsrekstur hans eða félaga á hans vegum“. Hann hafi ekki getað gefið haldbærar upplýsingar um starfsemi sjóðsins, helstu fjárfestingar hans eða hversu margir fjárfestar kæmu að honum. Sakaðir um að svíkja sóknargjöld út úr ríkissjóði Einar og bróðir hans Ágúst Arnar Ágústsson sæta báðir ákæru vegna starfsemi trúfélagsins Zuism. Þeir eru sakaðir um að hafa blekkt íslenska ríkið til að greiða félaginu rúmlega 84,7 milljónir króna í sóknargjöld með því að telja fulltrúum þess trú um að raunveruleg starfsemi færi fram á vegum þess. Sýslumaðurinn á Norðurlandi eystra hefur haldið eftir sóknargjaldi Zuism frá því snemma árs 2019 og vísað til þess að verulegur vafi leiki á því hvort að það hafi raunverulega starfsemi. Zusim tapaði máli sem það höfðaði gegn ríkinu vegna vangoldinna sóknargjalda. Til hefur staðið að afskrá Zuism sem trúfélag en það hefur þó enn ekki gerst. Í ákæru eru Einar og Ágúst Arnar, sem er forstöðumaður Zuism, sakaðir um að hafa nýtt fjármuni trúfélagsins í eigin þágu. Þeir millifærðu fé af reikningum Zuism yfir á eigin reikninga eða félaga í þeirra eigu og greiddu milljónir króna í veitingahús, áfengi og ferðir með úttektum, millifærslum og debitkortafærslum í nafni Zuism. Þeir neita báðir sök. Aðalmeðferð í máli þeirra á að hefjast í Héraðsdómi Reykjavíkur í febrúar. Trúfélagið Zuism var skráður raunverulegur eigandi tveggja einkahlutafélaga sem Einar notaði til þess að féfletta fjárfesta í fjársvikamálinu sem hann vill nú að verði tekið upp aftur. Kickstarter stöðvaði söfnun bræðranna Bræðurnir vöktu fyrst athygli þegar þeir söfnuðu um tuttugu milljónum króna til þróunar á meinti færanlegri vindmyllu á bandarísku hópfjármögnunarsíðunni Kickstarter árið 2015. Voru þeir meðal annars nefndir Kickstarter-bræður í fjölmiðlum. Kickstarter stöðvaði eina söfnun bræðranna. Þegar Vísir spurðist fyrir um ástæðurnar sagðist fyrirtækið ekki geta tjáð sig þar sem það hefði átt í samstarfi við löggæsluyfirvöld á Íslandi. Um sama leyti kom fram að bræðurnir væru til rannsóknar vegna mögulegra brota á gjaldeyrislögum hjá embætti sérstaks saksóknara sem þá hét.
Zuism Dómsmál Mest lesið Bubbi sendir út neyðarkall Innlent Fréttamaður Ríkisútvarpsins sakaður um áreitni Innlent Varðhaldsstöð þar sem vista megi hælisleitendur og börn lengur en grunaða glæpamenn Innlent Vill skoða að lengja fæðingarorlof Innlent Andrés prins afsalar sér öllum titlum í kjölfar ásakana Erlent Ár frá morðtilrauninni: „Reyndi að drepa mig og það var eins og að drekka vatn fyrir hann“ Innlent Allt stefnir í verkfall flugumferðarstjóra á sunnudag Innlent Skilji áhyggjurnar Innlent Sérsveitin skarst í leikinn vegna Kourani á Kleppi Innlent Frelsinu fagnað á fjórhjóli sem Sjúkratryggingar greiða ekki niður Innlent Fleiri fréttir Bubbi sendir út neyðarkall Varðhaldsstöð þar sem vista megi hælisleitendur og börn lengur en grunaða glæpamenn Vill skoða að lengja fæðingarorlof Allt stefnir í verkfall flugumferðarstjóra á sunnudag Skilji áhyggjurnar Fara fram á gæsluvarðhald yfir meintum brennuvargi Fréttamaður Ríkisútvarpsins sakaður um áreitni Um sé að ræða afturför í jafnréttismálum Fella niður vörugjöld á vistvæna bíla en hækka á aðra Máttu gauka nafni tengdamóðurinnar að Ásthildi Lóu Fimm ár fyrir að stinga mann í tvígang í brjóstið Misskilningur að flugvélin hafi breytt um stefnu vegna veðurs Getur ekki sagt til um hvort hún myndi kvitta undir náðun Kouranis Framtíð PCC á Bakka ekki útséð „Ekki á réttri leið“ samþykki samfélagið fátækt Ár frá morðtilrauninni: „Reyndi að drepa mig og það var eins og að drekka vatn fyrir hann“ Oddný Sv. Björgvinsdóttir er látin Uppsagnir hjá Sýn, staða fjölmiðla og trans dans Miðflokksins Bein útsending: Ætlum við að móta okkar eigin framtíð? Lögreglan fjarlægði „fátæktargildru“ ÖBÍ Yfir þúsund börn bíða eftir því að komast til talmeinafræðings Gagnrýnir ummæli Elds Smára: „Slökkvum eldinn“ Frelsinu fagnað á fjórhjóli sem Sjúkratryggingar greiða ekki niður Áætlanir um málsafgreiðslu ráðuneytis brugðust 26 sinnum Vill breytingar á úreltum reglum, sama í hvora áttina Höggvið á hnút svo börnin í Nuuk fái loks nýja skólann Gagnrýna drög að frumvarpi um brottfararstöð: Ætlað að líkjast fangelsi Sex vilja fyrrum embætti Úlfars Enginn matur í ísskápum dæmi um vanrækslu Skoða hvort þurfi að tilkynna samningana til ESA Sjá meira