Konan sem lést í umferðarslysinu á gatnamótum Gnoðarvogs og Skeiðarvogs á níunda tímanum í morgun varð fyrir strætisvagni. Þetta fékk fréttastofa staðfest frá Strætó bs.
Farþegum í vagninum ásamt vagnstjóra var veitt áfallahjálp á vettvangi og starfsmenn Strætó hafa verið hvattir til að leita sér áfallahjálpar.
Málið er til rannsóknar hjá lögreglu en tildrög slyssins eru ekki sögð ljós. Strætó muni aðstoða við rannsókn slyssins eftir bestu getu og hugurinn sé hjá aðstandendum.
Ekið var á gangandi vegfaranda á nærri gatnamótum Skeiðarvogs og Gnoðarvogs í Reykjavík skömmu eftir klukkan 8:30 í morgun.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
