Lífið

Söfnuðu hundrað þúsund krónum fyrir Píeta með bragðarefnum Gústa Jr.

Samúel Karl Ólason skrifar
Benedikt Þór, einn stofnanda Píeta samtakanna, Gústi B og Þór Bínó, eigandi Ísbúðarinnar Háaleit).i
Benedikt Þór, einn stofnanda Píeta samtakanna, Gústi B og Þór Bínó, eigandi Ísbúðarinnar Háaleit).i

Ísbúðin Háaleiti og Ágúst Beinteinn, sem gengur undir nafninu Gústi B, söfnuðu hundrað þúsund krónum fyrir Píeta samtökin með sölu bragðarefsins Gústa Jr. sem hófst um síðustu helgi.

Bragðarefurinn var nefndur í höfuð refsins Gústa Jr. sem Gústi B á og hefur haldið sem gæludýr, í óþökk Matvælastofnunar eins og frægt er.

Sjá einnig: Dýra­læknir MAST segir Gústa Jr. sýna skýr merki um streitu og telur brotið á honum

Upphæðin var afhent forsvarsmönnum Píeta samtakanna í dag.

„Ég er mjög ánægður með það að svona margir aðdáendur refsins hafi slegið til og keypt sér einn Junior. Píeta samtökin eru mér kær og það er heiður að hafa fengið að gera þetta í samráði við þau og nota samfélagsmiðlana til góðs,“ segir Gústi B um árangur söfnunarinnar.

Hér má sjá refinn Gústa Jr. smakka bragðarefinn Gústa Jr..

@gustib_1

Takk kærlega fyrir okkur Junior fékk að smakka ís í tilefni þess að Gústi Jr fór í 19. sæti. Haldið endilega áfram að hlusta

Smokin Out The Window - Bruno Mars & Anderson .Paak & Silk Sonic

Gústi B frumsýndi nýtt tónlistarmyndband í síðustu viku þar sem hann gerði upp refamálið svokallaða. Að því tilefni ákvað hann að reyna að styrkja gott málefni.

„Nú er Gústi Jr. orðinn bragðarefur, það var alltaf draumurinn. Í refnum eru jarðarber, kökudeig og hlaupperlur en það er einmitt uppáhaldið hans Gústa Jr. Fólk ræður svo hvort það fær sér gamla eða nýja.“ sagði Gústi um ísinn við Vísi í síðustu viku.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.