176 greindust með kórónuveiruna innanlands í gær

Atli Ísleifsson skrifar 12. nóvember 2021 10:29

Rúmlega 15 þúsund manns hafa nú greinst með kórónuveiruna hér á landi frá upphafi faraldursins. Vísir/Vilhelm

176 greindust með kórónuveiruna innanlands í gær. 82 af þeim 176 sem greindust innanlands í gær voru í sóttkví við greiningu, eða 49 prósent. 86 voru utan sóttkvíar, eða 51 prósent. 91 af þeim sem greindist í gær er fullbólusettur, bólusetning er hafin í tilviki sjö og sjötíu eru óbólusettir.

Þetta kemur fram á síðunni covid.is. 1.585 eru nú í einangrun vegna Covid-19, en voru 1.505 í gær. 2.459 eru nú í sóttkví, en voru 2.365 í gær. 179 eru nú í skimunarsóttkví.

Mikill fjöldi hefur greinst smitaður síðustu daga - 167 á mánudag, 178 á og tvö hundruð í gær.

Á vefnum Covid.is segir að tuttugu séu nú á sjúkrahúsi vegna Covid-19, samanborið við átján í gær. Fjórir eru á gjörgæslu samanborið við þrjá í gær. Á vef Landspítalans segir hins vegar að sextán séu inniliggjandi og þar af þrír á gjörgæslu og einn í öndunarvél.

Átta smit kom upp á landamærunum í gær –sjö virk smit í fyrri landamæraskimun og eitt í seinni landamæraskimun.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 469,3, en var 445,1 í gær. Nýgengi á smiti á landamærum er nú 27,5.

Alls hafa 15.321 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 34 andlát verið rakin til Covid-19 hér á landi frá upphafi faraldursins.

Alls voru tekin 2.173 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 719 sýni tekin á landamærunum eða í seinni landamæraskimun og 705 í svokallaðri sóttkvíar- og handahófsskimun.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.