Lífið

Kanye West orðaður við tuttugu og tveggja ára gamla fyrir­sætu

Elma Rut Valtýsdóttir skrifar
Hollywood-spekingurinn Birta Líf fer yfir allt það helsta í Hollywood í Brennslutei vikunnar á þriðjudagsmorgnum. Í morgun var meðal annars farið yfir samband tónlistarmannsins Kanye West og fyrirsætunnar Vinetriu en þau hafa nýlega sést opinberlega saman.
Hollywood-spekingurinn Birta Líf fer yfir allt það helsta í Hollywood í Brennslutei vikunnar á þriðjudagsmorgnum. Í morgun var meðal annars farið yfir samband tónlistarmannsins Kanye West og fyrirsætunnar Vinetriu en þau hafa nýlega sést opinberlega saman.

Hollywood-spekingurinn Birta Líf Ólafsdóttir fer yfir allt það helsta í Hollywood í Brennslutei vikunnar alla þriðjudagsmorgna á FM 957. Í morgun fór Birta yfir harmleikinn sem átti sér stað á Astroworld-tónlistarhátíðinni um helgina. Þá var einnig rætt um ný ástarsambönd þeirra Kim Kardashian og Kanye West sem virðast bæði vera að horfa fram á veginn.

Eins og þekkt er orðið hafa raunveruleikastjarnan Kim Kardashian og grínistinn Pete Davidson verið að stinga saman nefjum undanfarnar vikur.

Sjá: Kim Kardashian og Pete Davidson saman á Staten Island

„Við ræddum þetta í síðustu viku en þetta bara heldur áfram og TMZ sagði frá því að þau fóru út að borða saman og að þau hafi ekki verið hrædd um að „show some affection“.“

Birta veltir því fyrir sér hvað TMZ slúðurmiðillinn á við með því orðalagi en engar myndir hafa verið birtar máli þeirra til stuðnings.

„Vonandi kem ég hérna í næstu viku bara „omg þau eru að fara gifta sig, ég hafði rangt fyrir mér“...En ég held að þetta sé ekki rómantískt, ég held þetta sé bara eitthvað kynferðislegt,“ segir Birta sem hefur ekki mikla trú á sambandinu.

Kanye móðgaður og sagður kominn með nýja

Fyrrverandi eiginmaður Kardashian, tónlistarmaðurinn Kanye West, virðist einnig vera að horfa fram á veginn. Hann hefur verið orðaður við hina 22 ára gömlu fyrirsætu Vinetriu. Þau sáust fyrst opinberlega saman á körfuboltaleik á dögunum.

Birta veltir því hins vegar fyrir sér hvort þetta sé taktísk hugsun hjá West í ljósi fregna af nýju sambandi fyrrverandi eiginkonu hans.

„Hann var í þriggja klukkutíma viðtali við Drink Champ. Þar segist hann vera mjög móðgaður að Kim haldi því fram að hún hafi skilið við hann. En hann vill halda því fram að hann hafi skilið við hana.“

Í þættinum fer Birta einnig yfir harmleikinn sem átti sér stað á Astroworld-tónlistarhátíðinni í Houston um helgina.

„Þetta voru ekki bara tónleikar heldur heilt festival sem átti að standa í þrjá daga. Þetta var bara fyrsti dagurinn og auðvitað var hinum tveimur dögunum cancelað,“ útskýrir Birta.

„Hann greinilega vissi eitthvað“

Troðningur og læti á hátíðinni urðu til þess að fjöldi fólks varð undir með þeim afleiðingum að átta manns létust og minnst þrjú hundruð slösuðust. Tónlistarmaðurinn Travis Scott stendur fyrir hátíðinni en hann var sjálfur að spila þegar harmleikurinn átti sér stað.

Sjá einnig: Átta dóu þegar þeir urðu undir í troðningi á tón­listar­há­­tíð Tra­vis Scott

„Hann er náttúrlega þekktur fyrir þetta. Hann hefur tvisvar sinnum áður verið kærður fyrir að ýta undir svona riot,“ segir Birta.

Birta bendir á að síðustu daga hafi myndbönd verið að ganga þar sem sést hvernig tónlistarmenn á borð við Adele og Harry Styles hafa brugðist við þegar eitthvað kemur upp á meðal tónleikagesta þeirra.

„En svo er náttúrlega spurning hversu mikið hann vissi og hversu mikið hann vissi ekki, Fólk er í rauninni bara að rífast yfir þessu. En það er til video þar sem hann stoppar og segir „bíddu bíddu hleypið sjúkrabílnum að, hann er að koma,“ þannig hann greinilega vissi eitthvað,“ segir Birta.

Blóm, kerti og bréf hafa verið lögð fyrir framan NRG Park í Houston þar sem tónleikahátíðin fór fram á föstudaginn og átta létust.Getty/Alex Bierens de Haan

Þá segir hún fjölda tónleikagesta hafa deilt myndböndum á samfélagsmiðlinum TikTok þar sem þeir lýsa upplifun sinni af kvöldinu.

„Það var stelpa sem segir að hún hafi verið komin upp á tábergið sitt til þess að ná sér í loft og fór aftur niður til þess að anda. Fólk sem var með börnin sín var haldandi þeim upp fyrir haus svo þau gætu andað.“

Sjá: Fjöldi fólks höfðar mál á hendur Travis Scott vegna tón­leika þar sem átta létust

Kærasta Scott og barnsmóðir, Kylie Jenner var stödd á hátíðinni ásamt dóttur þriggja ára gamalli dóttur þeirra Stormi.

„Hún hefði aldrei farið þangað með barnið sitt ef hún vissi að þetta væri hættulegt. En hún setur í story einhverja mynd og þar sést í sjúkrabílinn. Næsta dag þegar hún vaknar þá eyðir hún þessu út og skrifar „við vissum ekki að neitt væri í gangi“.


Tengdar fréttir

Kim Kardashian orðuð við „Good Luck Chuck“ Hollywood

„Það voru svo margar sögur í vikunni, ég þurfti alveg að sleppa helling en ég sleppi ekki Kim Kardashian og Pete Davidson. Það fór bara eins og eldur í sinu. Þetta var crazy,“ segir Hollywood-spekingurinn Birta Líf Ólafsdóttir, sem fór yfir allt það heitasta úr heimi fræga fólksins vestanhafs í Brennslutei vikunnar í morgun.

Fyrr­verandi um­boðs­maður Ray J segist eiga annað kyn­lífs­­mynd­band af Kim

Hollywood-spekingurinn Birta Líf Ólafsdóttir fer yfir allt það helsta í Hollywood í Brennslutei vikunnar á þriðjudögum. Í þessari viku fer hún meðal annars yfir Emmy verðlaunin og þann orðróm að Justin Bieber eigi von á barni. Þá segir Birta einnig frá umboðsmanni nokkrum sem segist eiga annað kynlífsmyndband af raunveruleikastjörnunni Kim Kardashian.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.