Innlent

Fundu erfða­galla í sæðinga­hrúti sem veldur gulri fitu

Hólmfríður Gísladóttir skrifar
Kjötið er ekki óætt en ólystugt.
Kjötið er ekki óætt en ólystugt. Vísir/Stefán

Í ljós hefur komið að sæðingahrútur sem átti í kringum 600 afkvæmi í vor hafi verið með erfðagalla sem gerir það að verkum að kjötfitan verður gul. Ekki er um sjúkdóm að ræða né er hættulegt að borða kjötið en það þykir ólystugt.

Frá þessu er greint í Fréttablaðinu í dag en þar kemur fram að hrúturinn Muninn hafi nú verið felldur og hvetur Ráðgjafamiðstöð landbúnaðarins bændur til að fella afkvæði hans eða hið minnsta að nota þau ekki til undaneldis.

Að sögn Eyþórs Einarssonar, ráðunautar hjá RML, er erfðagallinn víkjandi. Það þýðir að bæði hrúturinn og ærin þurfa að vera með gallann til þess að lambið erfi hann. Erfðagallinn er vel þekktur hérlendis og í Noregi og á Írlandi en hefur ekki komið upp á sæðingastöð í langan tíma.

„Þetta hefur verið þekkt í sauðfé hér á landi mjög lengi og er einn af fyrstu erfðagöllunum sem var lýst. En það eru rúmlega tuttugu ár síðan það var síðast grunur um gallann hjá hrút á sæðingastöð,“ segir Eyþór.

Landbúnaður Matvælaframleiðsla Dýraheilbrigði
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið