Fimm starfsmenn FSu hafa greinst og skólanum lokað

Atli Ísleifsson skrifar 27. október 2021 07:28

Fjölbrautaskóli Suðurlands er til húsa á Selfossi. Árborg

Fjölbrautaskóli Suðurlands verður lokaður í dag vegna kórónuveirusmita meðal starfsfólks skólans. Fimm starfsmenn skólans og að minnsta kosti einn nemandi hafa greinst með veiruna.

Þetta segir skólameistarinn í Olga Lísa Garðarsdóttir í samtali við Vísi, en hún sendi út póst til aðstandenda nemenda í gærkvöldi.

Hún segir marga starfsmenn í sóttkví vegna smitanna og sömuleiðis eru fjöldi nemenda í smitgát. Ákvörðun um hvort að skólinn þurfi áfram að vera lokaður verður tekin síðar í dag þegar staðan hefur verið metin. Hún segir ekki útilokað að fjarkennsla verði raunin í skólanum á næstu dögum.

„Það eru nokkrir kennarar og aðrir starfsmenn með Covid og veikir nú þegar. Aðrir eru með flensu og geta ekki kennt á morgun,“ sagði Olga í bréfi til foreldra og hvetur hún nemendur sem finni fyrir einkennum að fara í sýnatöku.

Svokallaður lokavaldagur fyrir vorönn 2022 átti að fara fram í skólanum í dag, en honum hefur verið frestað vegna stöðunnar sem uppi er.

Fréttin hefur verið uppfærð.

Skóla - og menntamál Framhaldsskólar Faraldur kórónuveiru (COVID-19) Árborg

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.