Erlent

Yfirvöld í Sádí-Arabíu stefna að kolefnishlutleysi

Viktor Örn Ásgeirsson og skrifa
Krónprinsinn Mohammed bin Salman á ráðstefnunni sem nú fer fram. Ráðstefnan er fyrrsta loftslagsráðstefna sem ríkið hefur haldið.
Krónprinsinn Mohammed bin Salman á ráðstefnunni sem nú fer fram. Ráðstefnan er fyrrsta loftslagsráðstefna sem ríkið hefur haldið. AP/Bandar Aljaloud

Yfirvöld í Sádí-Arabíu tilkynntu að þau hyggjast stefna að kolefnishlutleysi landsins fyrir árið 2060. Ríkið er eitt það umfangsmesta í heimi í olíuframleiðslu.

Ríkið bætist í hóp Rússlands og Kína sem hafa nýlega kynnt kolefnishlutleysi fyrir árið 2060. Evrópusambandið stefnir að því að ná sama markmiði tíu árum fyrr eða fyrir árið 2050. Íslensk yfirvöld hyggjast gera enn betur og stefna að kolefnishlutleysi fyrir árið 2040. AP news greinir frá.

Talið er að Sádí-Arabía muni græða 150 billjónir Bandaríkjadala fyrir olíuframleiðslu á þessu ári en ríkið framleiðir um 10% af olíu heims. Krónprinsinn, Mohammed bin Salman, hét því í yfirlýsingu sinni að yfirvöld muni gróðursetja 450 milljónir trjáa á næstu árum og gera höfuðborgina Riyadh sjálfbærari. Það meðal annars liður í loftslagsáætlun ríkisins.

Nýverið varpaði gagnaleki ljós á það hvernig sumar þjóðir hafa mótmælt því að taka þátt í loftslagsaðgerðum. Í skjölunum kom meðal annars fram að ríki á borð við Sádí-Arabíu hafa beðið Sameinuðu þjóðirnar um að draga úr áherslunni á að minnka notkun jarðefnaeldsneytis.  


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×